عنوان الموضوع : ودي أتغيــّــر ،! الطبيب يجيب
مقدم من طرف منتديات نساء الجزائر

ودي أتغيــّــر ،!



السلام عليكم ورحمة الله

بصراحه انا عندي مشكله مضايقتني من زمان واعاني منها الحين
اول شي اهي علاقتي بأمي احسها ماتهتم فيني واجد واقصد من ناحية انها
مثلا تساعدني اني اهتم بنفسي اتعلم وياها الطبخ او جي حتى بالمطبخ ما اعرف اشياء واجد
بنات انا الحين صايره ف الجامعه تدرون شيعني ؟؟؟؟؟؟
وربي ساعات انقهر وودي ابطل يوم اشوف البنات ماشاء الله
وااايد مهتمين باشكالهم وببشرتهم وباكلهم والله بعضهم تحسون جسمها ماشاء الله صحي
انا من المدرسه واايد ضعفت حتى جدي يوم شافني قالي اختفيتي
ودي ارجع مثل قبل وخدوودي تصير احسن ومورده وجسمي صحي بس ماعرف شلون؟
حتى العطور ودي اشتري كذا عطر واستخدمهم في الجامعه بس احس عطوري عاديه مو مثلهم والله عطوورهم تجنن ماشاء الله وناعمه بس ماعندي خلفيات بالعطور الدارجه الحين
حتى بالملابس انا ذوقي متوسط موب صعبه مره ولاسهل واحيانًا يكون حلو واحيانا عادي
بس البنات اهنيك واييييد ماشاء الله ولابقه على اجسامهم وتطلعها حلوة انا ماعرف شلون هاللبس يناسبني او لا! وغير جذي مشيتهم واااثقين من انفسهم حتى نظراتهم يعني مب قوية لكن فيها ثقه ولو انهم مستحيين ، انا واثقه الحمدلله لكن فيني تردد مدري من وشو
حتى مشيت رجوولي مدري شلون امشي مشية الواثقه بنفسها ؟
والله مدري وش اقوولكم ودي اتغييييييييررر ودي ومن قلبي بس مدري شلون وكيف ومتى؟
انا ماكتبت هالموضوع إلآ من حبي لهالاشياء ودافع فيني اني اتغير واتحسن واصير افضل
حتى بشعري ودي اهتم فيه واسوي عليه حركات مثلهم دايم مفتووح وعليه طوق او شي بسيط ودي اهتم بأكلي وصحتي ورشاقتي وبشرتي وبكل شي بس مدري شلون؟ وكيف
حتى الملابس ودي اعرف الملابس الي تناسبني وتناسب جسمي وبعد الالوان :"))
ودي تساعدوووني وتفرجون همي وادري مارح تفصروون معي ()

>>>>> ردود الأعضـــــــــــــــــــاء على الموضوع <<<<<
==================================


ان شاء الله البنات يفيدوج
رفع


__________________________________________________ __________

إلي عودة ان شاء الله لحتى فيدك


__________________________________________________ __________

بانتظار نصايح البنات وآرائهم لأني تقريبا نفس حالتك


__________________________________________________ __________

رفع


__________________________________________________ __________

عزيزتي ، أهم حآجة تكون عندكِ ثقة في نفسكِ ، وإصرآر على ألتغيير يَ قمري
إهتمي أنتِ بوآلدتكِ ، كوني قريبة منهآ ، إسأليهآ وهكذآ
إرفعي وزنكِ في طرق بآلنت ، لكن جربي ألمضمونة
ألخآلية من ألموآد ألتي تلحق ألضرر لكِ لآسمح ألله !
شوفي عزيزتي ألستآيل ، حسب ذوقكِ إن كنتِ وآثقة بنفسكِ ستجدي ذوقكِ مميز =)
فلهذآ أول شيء أنصحكِ به ، زيآدة ثقتكِ بنفسكِ ، ألصقي عبآرآت في غرفتكِ
أنآ نآجحة ، أنآ متميزة ، أنآ جميلة ، أنآ أنيقة وهكذآ
إقرأيهآ كثيرآ وخآصة قبل ألنوم ، كرريهآ وأنتِ موقنة أنكِ كذآلك
في تسريحآت بسيطة وجميلة ونعومة ، تلآقيهآ بألمنتدى ، أو في أليوتيوب ~
ألعطور روحي محل عطور وإشتري إللي يعجبكِ ، ~
في عطور جربتهآ ، أحلى إثنين توبآكو فلور من ذي بودي شوب
وإيسكآدآ من محل يبيع مآركآت ،*
ألطبخ أكتبي بآلنت ألطبخة إللي بتعمليهآ ، وتشوفي ألطريقة بآليوتيوب
أو مكتوبة بآلمقآدير وألطلبآت ، سهلة جدآ =)
لآتتحطمي لو مآنجحت من ألمرة الأولى ، لآ حآولي مرة وإثنين وثلآثة ..
بآلتوفيق غلآتي