عنوان الموضوع : عذبني زوجي ومارحمني !
مقدم من طرف منتديات نساء الجزائر

عذبني زوجي ومارحمني !



السلام

خواتي أنا مصدومة ماني مصدقة اللي صار والوضع اللي توصلت له
مايعلم فيه إلا ربي !

عمري 23 سنة ، متزوجة من 3 سنوات ، وزوجي عمره 30
وضعي معاه هم وغم وعذاب ومشاكل مالها نهاية !
ومن سوء وضعنا وحالتنا الغريبة للحين أنا عذراء ماصار بيننا شي !
..

ماراح اذكر كل التفاصيل لاني بكذا ماراح اخلص بس باحاول اختصر وضعنا بشكل عام وبذكر اللي صار لي آخر شي ..

وضعي مع زوجي مأساوي مستحيل لأي بنت تتحمله ، بس أنا احبه وقلبي مو بيدي ، وهو يقول يحبني ومتمتسك فيني بس افعاله تثبت العكس ..
انا وحيدة بالدنيا ماعندي احد خير شر ويمكن لهالسبب هو استغل وضعي وضعفي !

المهم من بداية زواجنا واحنا بمشاكل ، زوجي سهل وصعب في نفس الوقت مادري شلون اوصفه !
متناقض ، ازدواجي ، كثير الانتقاد ..
طيبته قليلة ومخفية تظهر في بعض المواقف ، وبسرعة تختفي !

انا بطبعي عاطفية كثيييييير وحساسة وما اخلي شي بقلبي ، اتكلم معاه واصارحه احاول احرك احاسيسه واخليه يظهر الجانب الانساني فيه
وسرعان مايختفي كل هذا !
يتأثر بالكلمة بس بوقتها وبعدها ينسي !
لما ابكي وانا نادراً ما ابكي قدامه يتأثر للحظة بكائي والكلام اللي اقوله
بس بعدها يرجع زي ماهو ولا كأن شي مأثر فيه !

المهم :
طيلة فترة زواجنا واحنا بعاد ، نتقرب من بعض يومين وبعدها نرجع للمشاكل وكل شي احاول اصلحه ينقلب ضدي ! وكأني قاعدة اهدم ما ابني !
وطبعاً بسبب همومي ومشاكلي انعزلت عن العالم بسبب كلام الناس عني وعن ونفسيتي ..
وين كنت وكيف صرت !!
الجميع لاحظ عذابي والكل صار يتجرأ ويسأل وهو كان يتكلم عن مشاكلنا عند الناس فصرت مالي وجه اشوف العالم لحد ما انعزلت عن الكل
وهو ابد مو حاس ولا داري عن هوا داري !

بهذي الفترة الاخيرة حس فيني وتقربنا من بعض كثييييير ، واعترف لي بأخطائه وقال انه ندمان وبيصلح كل شي ومستحيل يزعلني ويضايقني مرة ثانية ..
وقررنا نبدأ حياة جديدة وننسي اللي فات وقال انه بيصلح حتي وضعي مع الناس وبيرجع لي اعتباري بس انا رفضت هالشي !
ما ابغاه يتكلم لحد بشي ولا ابغي احد يعرف شي عن حياتي لا بخير ولا بشر ! لان كلام الناس ونظراتهم لي ماترحم ! والله وحده يعلم باللي عانيته وقاسيته ..

تقربنا من بعض وصرت ما ارفض له طلب واقوم بكامل واجباتي وحاولت اصير له الزوجة المثالية ، ما ابغي امدح نفسي بس قاعدة اعترف باللي سويته وقمت فيه من بعد التقصير ..
وزوجي طيلة هذي الفترة كان يطالعني بنظرة ندم وعطف ! ويقول لي ماابغي اشوفك مهمومة وحزينة لاني بعد كل اللي عشته وشفته من هم وأذي تأثرت نفسيتي كثييييييييير وصار باين علي الذبول مهما حاولت الضحك !

ما انكر إن نفسيتي بدت ترتاح بعض الشي وحاولت انسي أو بالأحري
( اتنااااسي ) اللي مريت فيه وابدأ معاه من اول وجديد ..
كنا مقررين اغتسل عن الدورة واليوم الثاني علي طول نعيش اللي ماعشناه ..
واعطيه حقه ويعطيني حقي

وهذا اللي صار قبل يومين ، بيوم اللي اغتسلت :

طبخت له العشا وتعشينا بعدها غسلت ملابسه ورتبتهم وكنت جالسة ارتبهم وهو جنبي ..
قال يبغاني احلق له
وانا وافقت ..
قال لي جيبي المراية وتعالي
رحت اجيب له المراية مايجي 15 ثانية ، مارجعت إلا هو جالس يحلق !!
قلت له مو قلت بتخليني احلق لك ؟؟!!
قال لي ماتعرفي !!
" سبحان الله توه بيخليني الحين صرت ما اعرف " !!
سكتت عنه لاني حافظة مزاجه المتقلب ، وجلست ..

قال لي : كيف تبغيني اسويها ؟!
تبيها قوس أو سيدا ؟؟
قلت له سويها قوس احلي ..
( ماشفته إلا رمي علي الموس والماكينة وقال بعصبية يلااااا قومي وريني وسويها أنا ما اعرف ) !!

قلت له : دامك ماتعرف ليش تسألني !!! وبعدين ليش تصارخ علي وتكلمني كذا انا وش سويت لك ؟؟!!
ماشفته إلا قعد يصارخ ويرفع صوته ويشيل المراية ويكسرها ويكسر الطاولة ويرمي الاغراض ويهزئ ويسب فيني !!!!

ياربي ما استوعبت هالشي كلش !! انصدمت !!
ومن القهر ماسكتت عنه وعن جنونه عصبت وقعدت ارادد ..
بعدين قمت الغرفة وظليت من الليل للصبح وانا في الغرفة وهو بالصالة يشاهد تيلفزيون ..

بعدها قام بيروح دوامه وقبل مايطلع جا لي الغرفة يهاوشني !!
ياربي استغربت ليش كذا !!
شاللي تغير ؟؟؟ شاللي قلبه فجأة !!
قعد يهاوشني ويسب وراح بيطلع وقمت وراه ومن قهري سكرت الباب بالقوة ..
لما سكرت الباب رجع لي وطاح فيني ضرب !! قتلني قتاااال !!
وقعد يجرح في وجهي بالمفتاح وهو يضحك ! وجرح عيوني وشد شعري بأقوي ماعنده وظل يضرب فيني علي وجهي كف رايح وكف جاي وهو لابس خاتمين بايده ويضربني بكل قوته علي وجهي وعيني !!
يضربني وهو مرتاح ومستانس
يضربني وهو يضحك !
يضربني ويقول انتي حيوانة والحيوانة كذا يعاملوها !!
يضربني وهو سعيد ويقول لو تشوفي نفسك كيييف !!
وهو شاد شعري وساحب رقبتي ويحرك راسي يمين يسار وهو يضحك !!
حسيت جمجمتي تهتز ! ودخت زي اللي غميت !
حطني تحت رجله وقعد يدوسني الحقير بنعاله !! وقال بكرة من الصبح رايح المحكمة اطلقك ..

ياربي شفت الموت ! انقطع نفسي ! انهديت انذليت انمسحت كرامتي !!
حسبي الله علييييييييه ، حسبي الله حسبي الله حسبي الله .. وكفي بالله حسيبا !
قتلني قتلني ذبحني من الضرب وهو مستانس ويتلذذ بتعذبي !

كل هذا وانا ما اخطيت وماغلطت وماسويت شي !! كل هذا لاني كنت ابغي اكون سعيدة واعيش حياتي من جديد !
كل هذا لاني بدت تتحسن اوضاعي وبدت نفسيتي تتقبل الحياة !

ياربي رحمتك اليك التجأت وعليه اشتكييييييت ..
خذ حقي ياربي ، خذ حقي اخذ عزيز مقتدر ياقوي ياعادل

واليوم الثاني من الصبح الساعة 8 ونص رحنا المحكمة عشان نتطلق ..
وانا كنت مستخيرة ربي قبل ما اطلع صليت ودعيت ربي من كل قلبي يكون معاااااي وينصرني ويصبرني ويقدم لي اللي فيه الخير والصلاح ..
..
لما دخلنا ع الشيخ " اللي هو القاضي " استغرب لما شافني !! لان حجمي مررررة صغير ووحيدة مامعي احد !
وكنت تعبااااانة ومنهارة مو قادرة حتي اجلس وعيوني تصب دموع !
سمعنا القاضي واجل موضوعنا لآخر شي لانه معقد شوي ..
لما خلص من قضايا الناس سألني اذا حابة اتكلم معاه علي انفراد وانا وافقت ..

رحنا مجلس ثاني وتكلمت للشيخ وهو تعاطف معاي لان ماعندي احد خير شر ، وقال لي اذا تبي الطلاق راح اطلقك وهو مايحق له يطالبك بأي شي ..
قلت له ابغي المشورة لاني عاجزة ومحتارة بأمري ! وكان قرار الشيخ انه يعمل لي خيرة بالقرآن الكريم ..
نستخير الله بالقرآن ونمشي علي خيرة الله لنا بكتابه .. ووافقت .

عمل لنا الخيرة وعرضها علي 3 مشايخ غيره وجميعهم قالوا نفس الكلام :
( لانستعجل الامر ، نتمهل ونصبر ونأجل الموضوع ولنا فيه أجر وثواب عظيم )
تفاءلت بكتاب الله واعتمدت عليه
وزوجي عديم الرحمة والانسانية ارتاااااح لانه متناقض يقول كلام ويتراجع فيه .. وماكان يبغي يطلق !
قال لي القاضي أي شي يزعجني ويضايقني اروح المحكمة علي طول حتي لو كنت لوحدي وبدون موعد ..

رجعت ونمت علي طول وزوجي نزل عليه الحنان وطبخ لي الغدا
" ع أساس انه طيب ويعتذر " !!
وكتب لي رسالة عالواتس اب يعتذر فيها ..

انا للحين ماتكلمت معاه أي كلمة وقلبي شايل عليه بقووووة ومستحيل اقدر اسامحه بعد اللي سواه ، ماني قادرة اتحمل العيشة معاه ابد ابد ابد !
واقول بخاطري ياريتني ماسويت الخيرة وتطلقت علي طول ..

حاسة نفسي بغير كرامة ، مذلولة ، مهانة ..
نفسيتي دمار في دمار
نفسي ارجع للقاضي مرة ثانية واخليه يطلقني

طلبت مشورتكم ساعدوني ولاتنسوني من دعائكم ..
ضعيفة ومابيدي حيلة ..
لا اهل ولا فلوس ولا وظيفة عيشتي صعبة ومجبورة عالذل ..

خواتي رجاءاً ارحموني بردودكم ولا وحدة تجي تهاجمني ، تري نفسيتي عذاب في عذاب في عذاب ! ومحتاجة اللي تخفف عني وماتزيدني !

>>>>> ردود الأعضـــــــــــــــــــاء على الموضوع <<<<<
==================================


ياعمري انتي
ولله عصرتي قلبي من لزعل عليكي
انا بشوف في سببين اما
1عنده عجز جنسي وبيضربك مشان يثبت لنفسو انه رجااال وانه مو عاجز
2بجوز عندو عين او حسد او سحر

مابعرف شو قلك بس ﻻعتقاد لاكبر انو عندو عجز ﻻن وقت بدو يقرب عليكي وكان رواق قام جن وخلق لمشكلة من تحت اضافيره

بنصحك وقت بكون رووووووواق تحاولي يا اما يروح عند شيخ يرقيه
يا اما يعترفلك انو عاجز ويتعالج


الله يصبر قلبك لو حتجتي اي شي اي شي حكيني ع لخاص


__________________________________________________ __________

الله يكون بعونك
للرفع


__________________________________________________ __________

احتمال زوجك عنده مرض نفسي تقلب المزاج السريع
اللي فهمته انك وحيدة مالك اسره ماعندك غير زوجك او المجهول ( لايوجد سكن مستقل لك )
والله حالتك صعبه ولكن الله ارحم بعباده من الأم بأولادها اتوضي وافرشي السجاده وادعيه بخضوع ولحي في الدعاء وان شاء الله لن يخيبك رب العالمين اسأل الله لنا ولك التوفيق والسداد


__________________________________________________ __________

أسأل الله العلي العظيم ان ينصرك وان يسعد قلبك


__________________________________________________ __________

لا حول ولا قوة الا بالله
الله يكون بعونك
ويجبر كسرك

اكثري من الاستغفار بنية الفرررج