عنوان الموضوع : مشكلتي الغيره -تم الاجابة
مقدم من طرف منتديات نساء الجزائر

مشكلتي الغيره



مشكلتي مع الغيره اناغيوره بس مو بالشر اوالحسد انا اتمنى اكون زي فلانه وفلانه

عمري29بديت اعاني من هالمشكله من حوالي 3سنوات عمري ماكنت كذا ابدا حتى لماكنت مراهقه ماكنت احس بالهالاحاسيس
لكن لما كبرنا واغلب اللي حولي اللي تزوجت واللي توظفت وتزوجت وانا ماكتب لي الله لازواج ولاوظيفه
انابجد اكره نفسي وادري ان هالشيئ حرا م حرام بس في ناس تخليك تحسين بهالاحساس غصب لمايقارنون حياتك بحياتهم قريبتي تزوجت قبل فتره ومع ان حياتها كانت مثل حياتي وبعدالزواج صارت تسافز وتروح مطاعم وتتمشى ومع ان هالوضع طبيعي اغلب الناس كذا بس هي لماتجي تزورني تجلس تقول انتي ماتطفشين من قعدة البيت؟على اساس ان الخرجه من البيت على مزاجي
او الله يعينك على قعدت البيت ومن هالحكي او حتى لما تحكي عن المشاوير تحكي بطريقة المباهاه والمفاخره الزايده كانهااول انسانه في العالم تروح وتجي وتجلس تقول ايوه ايش جديدك اقول بحسن نيه لاجديد وهذاالواقع تجلس تقول يربييييه وش هالحياه اومثلا تدق تقول تعالي عندي واقول مشغوله او موفاضيه تضحك ضحكه طوييييله وتقول ايش شاغلك ياحسره بجد صارت وقحه بجدكرهتها كره موطبيعي طبعاامثالهاكثييييييير حولي كلهم نفس الاسلوب
المشكله لماابعدعنهم كل هالاحاسيس انساهاتماما واحس ان الحياه حلوه وان حياتي فيها سلبيات وايجابيات وحياتهم كمان بس لمانجتمع اعوذبالله اجلس يومين اعاني من هالجمعه اوقات احس اذاكانواطفشانين او معصبين يدقون علي عشان يقهروني وتتحسن نفسيتهم!!!
طيب يااختي انت واياها انا ماعندي حياه وحياتي فاضيه وحياتكم ومشاغلكم اهم من حياتي ومشاغلي طيب ابعدوا عني انشغلوا بحياتكم وفكوني بجد قرفت منهم وكرهوني بنفسي وحياتي واهلي
كل شئ احبه او اهتم فيه او اسويه يعتبرونه فضاوه وماله داعي لحد مااكرهه او مااسويه قدامهم
وارجع اكره نفسي اني اخبي اهتماماتي اللي يشوفونها فضاوه وهم اهتماماتهم اهم
قبل فتره عرفت ان عندنا اماكن للي يبي يتبرع بالملابس والاشياء ذي
المهم دقت بنت عمتي تقول البنات بيتجمعون عندي على الفطور تعالي قلت والله مااقدر سالتني ليش لماقلت لها اني مشغوله اجمع الملابس اللي مااحتاجها بتبرع فيها جلست تقول والله انك فاضيه ومن هالحكي يعني بالله اتبرع بملابس للمحتاج اهم والا اسوي صينية اكل ونتجمع في بيت ويجلسون ياكلون ويحشون في الناس؟!!
انامن سنه قفلت الجواال ورميته عشان مااتواصل معاهم لانهم بجد اثرواعلى نفسيتي بشكل موطبيعي حتى امي صارت تشتكي مني وبجد ارتحت كثيييير واذا زاروني مااردالزياره الافي المناسبات لاني اقتنعت و امنت داخلي ان الباب اللي يجيك منه ريح سده واستريح وان الحياه بتستمر فبدل مااعيش بمعاناه واجلس ابكي واتحسر اسوي شئ مفيد لي ومااهتم للسخريه اللي اسمعها حتى من اخواني
والله يابنات يمكن هالسنه والحمددلله تغيرت كثييييير والحمدلله كنت دائمامكتئبه حتى نفسي وحتى نظافتي مااهتم فيهالاني كنت احس ان حياتي انتهت لاني حياتي مو زيهم ولانهم احسن مني ولاني ماتزوجت وعلى قول جدتي الله يرحمها ان الرجال يدور الزين وانتي ياجدتك وجهك مثل وجهي صح اني مااطلع من البيت واسافر واتمشى زيهم بس الحمدلله حياتي احسن من حياة غيري ولما اجلس افكر في النعم اللي ربي اعطاني ياها بجد احس بسعاده صحيح يمكن الاشياء اللي اشوفها نعم ماتاهلني اكون زوجه حسب معاييرالزواج عندنا وهي الشكل ثم الشكل ثم الشكل مع اني عاديه الملامح لكن اكيد اني في هذه الاشياء افضل منهم بكثير ويمكن لانهم عارفين هالشئ فصاروا يستخدمون شغله مالي يد فيها زي الزواج والوظيفه ويعتبرونهامجال مقارنه بيننا مدري هل هي حقيقه او اني قاعده اضحك على نفسي عشان اهون علي
لكني مازلت احس بالغيره اذا اجتمعنا وبدت المقارناات بس اهووون من اول بكثيييييييييييير
وابغى اتخلص تماما من هالاحساس لاني اذا غرت اكره نفسي
ساعدوني

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممممممممم *.*
حاولي تدوري على شغل و لا تيأسي ... او سجلي بدورة تحفيظ القرآن
فيه مقولة البارحة قرأتها تقول ...
بأن الله يعوض كل محروم بأشياء لا ترى ولكنها تضئ ...

و انا شايفة انه انتي فعلا فيج اشياء يمكن انتي منتي شايفتها اقلها الخير اللي سويتيه بالتبرع بالملابس
واذا هم شايفين انه فضاوة فمن فراغة عقولهم للاسف
و عزيزتي الغيرة شي طبيعي و خصوصا في الانثى
و انتي قمتي بأول خطوة لحل الغيرة وهي انج تركتي تواصلج وياهم بس لا تقطعيهم
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

السعاده مو طلعات ومشارير السعاده بطاعة الله والرضا ذول الي تحكي عنهم سعادتهم مو بالمشوار لا سعادتهم لما يفشخرو فيه ويقصو الصور كأنهم خارجين فقط حتى تشوفهم العالم طلعو ويحبو التجمعات بس حتى يفشخرو فيها كل وحده تقول مشاويرها وتتكلم بزوجها لكن بداخلهم مو راضين


__________________________________________________ __________

ماشاء الله طرحتي مشكلتك وبنفس الوقت طرحتي حلها 👍
ابتعدي عنهم وخليك واثقه من نفسسك وصدقيني كل تأخيره وفيها خيره والله يرزقك بالوظيفه وكمان ادخلي دورات خياطه استغلي وقتك واستفيدي والله يكتب لك الخير


__________________________________________________ __________


__________________________________________________ __________