اختي مجابة

[aksachli]

عنوان الموضوع : اختي مجابة
مقدم من طرف منتديات نساء الجزائر

اختي



h



اختي اصغر مني بسنه
وانا احبها واسوي لها كل شيء
ونتهاوش ونرضى بنفس الوقت مثل اي خوات ..

بس مو راضيه افهم بعض الاشياء
تعزم صديقاتها توها متعرفه عليهم و تقول لا تطلعين عندهن
*طبعا شيء عادي عشان الخصوصيه صح والا لا * ؟
الى هنا تمام
و بعد مايعزمونها تروح عندهم و تقول لي مالت عليك اختها طالعتلنا مو مثلك انتي
و اقولها انتي اللي قايله لا تطلعين لهم
قالت اي مابيكم تطلعون تفشلوني
ونفس هالموال بكل مره يجونا او تروح لهم ..

ثاني شغله
انا ماعندي شهيه حق الاكل وجسمي الحمدلله لايق مع طولي
وجدا عادي اقعد يوم كامل على وجبه وحده ما اكل غيرها
و بعض الاكلات ريحتها اكرها و ما احب الاكل كلش
و اذا شريت شكولاتات و بيبسي > طبعا مو مثل الوجبات الشكولاته والبيبسي لاتسمن ولا تغني من جوع
قالت لي بصوت عالي يالمشفوحه ويالمشفوحه
و انا حساسه و ع طول دموعي تنزل

و ماتساعدني ب اي شي لا شغل تشتغله معاي ولا تنظيف

وبس مع صديقاتها وخواتهم وتمدح خواتهم عندي وهي مو معبره اختها

انا احبها ومابي اخسرها
قوليلي وش الحل

وماحلل اللي يدعي عليها والا يقول مو زين



>>>>> ردود الأعضـــــــــــــــــــاء على الموضوع <<<<<
==================================

اممممممممممممممممممممممممممممممممم *.*
شوفي حبيبتي اذا عزمت صديقاتها وقالت لا تطلعي
اطلعي وسلمي عليهم وسولفي وياهم وايلسي عندهم شوي وروحي
واذا قالت لج ليش طلعتي ذكريها باللي قالته عن اخت صديقتها
اممممم حسيت انه اختج تقارن بين اللي يصير مع صديقاتها وبين نفسها
يعني يمكن حتى هي مب عارفة شو تبا
عشان جيه تشوفي رايها متقلب
تقربي منها و حاولي تفهميها و تعذريها على تصرفاتها
اما بالنسبة للمشكلة الثانية اذا علقت عليج خليج قوية وقولي لها انا حرة اشتري اللي ابيه واكل اللي ابيه محد له دخل فيني
موفقة

استغفر الله العظيم الذي لا إله إلا هو الحي القيوم و أتوب إليه

__________________________________________________ __________

نفس كلام الأخت اللي فوقي
وأزيد عليها خليها تساعدك في البيت وحاولي تقولين لها مثل ماأنا أساعدك لما يجون صديقاتك وأسوي لك كل شيء حتى أنتي ساعديني احنا خوات ,,,
وأن رفضت حتى أنتي لا تشتغلين لها ان عزمت صديقاتها خليها تحس فييك وبقيمتك
وحاولي بعد ما تكوني لها فقط اخت بعد صديقة تقربي لها سولفي عن صديقاتك وطلعي لصديقاتها واجلسي معاهم وحتى ان رفضت لا تسمعي كلامها ,,وان طلعت لصديقاتها روحي معاها وحاولي تتقربين أكثر لصديقاتها وخلك مرحة وأكثر مرونة معاهم علشان المرة الثانية يقولون اختك أخلاقها حلوة وعجبتنا والمرة الثانية لا تجين الا وهي معك ,,,

__________________________________________________ __________


__________________________________________________ __________


__________________________________________________ __________