عنوان الموضوع : اخر سنه لي بالثانوي، ابي اتغير الطبيب يجيب
مقدم من طرف منتديات نساء الجزائر

اخر سنه لي بالثانوي، ابي اتغير



السلام عليكم اولا ماني عارفه ايش اقول ولاني عارفه ابدا من وين اعذروني لو دخلت المواضيع ببعض مشكلتي احس بنظركم تافهه لكن مسببه لي ازمه ، زي مانتو عارفين جت المدارس الله يعين ، انا انسانه من اول مادخلت الثانوي ماتعذبت كثر السنه الي راحت الله لا يعيدها من ايام ،الحمدلله على كل حال تغيرت شخصيتي وتفكيري و بديت اعاني من اشياء غريبه صغرت بعين نفسي حقيقه واحس كل الناس قامت علي مره وحده ، من الاشياء الغريبه اولها النوم بالحسره احيانا اروح للمدرسه مانمت ! كله من القلق و التفكير غصب عني !! ودايما بالليل تجيني كتمه واقعد اصيح ، عادي يروح يومين وانا ما اكلت شي منسده نفسي ، والله العظيم ما خليت شي ماسويته قريت علي نفسي ، تحممت بسدر ، شربت ماء مقري عليه اكثرت من الاستغفار ، بس للاسف ماحس تغير شي مدري وش السبب تغيرت حياتي180درجه عاد هالسنه اخر سنه لي الحمدلله ومتامله خير فيها ان شاءالله، ومحتاره بتغير مدرستي مدري يمكن يساعد هالشي بتغير نفسيتي رغم انها كانت درجاتي كويسه لاني خاصه.
ابي نصايحكم وهل فيه احد مر بنفس حالتي

>>>>> ردود الأعضـــــــــــــــــــاء على الموضوع <<<<<
==================================


هلا حبيبتي...
كثري من الاستغفار والأدعية وحافظي ع صلاتك ماكو شي يريح بكثرها..
السنة الي طافت خلاص راحت بشينها وبزينها وما راح ترجع..
فكري بهالسنة وشلون انك تستغلينها عشان تضمنين
مستقبلك... اتعوذي دائماً من الشيطان..
موفقة حبيبتي..


__________________________________________________ __________

انتي محتاجه تغيرين اسلوب حياتك
مثلا عندك قلق وهذا بسبب تفكير الكثير
ماقدر انصحك الابشئين الصلاه بوقتها وتنظيم وقتك
اذا نظمتي وقتك عقلك بيرتاح من ضغوطات ونفسيتك كمان
حددي وقت النوم والاستيقاظ لاتنامين بعد المدرسه وذاكري اول باول
ولاتجلسين بالاجهزه الاوقت الويكند لانها تتلف الاعصاب كثره الجلوس فيها
ومارسي رياضه الاسترخاء يوميا وتمارين التنفس هذي الاشياء كلها بتطرد الضغط عنك وتعطيك الراحه وسعاده ولاتنسين كمان القراه قبل نوم


__________________________________________________ __________

حبيبتي اعتقد انك بعيدة عن ربك صح ؟
اذا كان صح فهذا هو السبب
تقربي من ربك وحافظي على صلاتك
واجعلي لك ورد يومي من القرآن
وأكثري من الاستغفار والدعاء
وحاولي تغيري من أسلوب حياتك للأفضل


__________________________________________________ __________

القلق مشكله اذا جربتي حلول كثيره ومانفع روحي طبيب نفسي ترا عادي مو عيب الطبيب النفسي


__________________________________________________ __________