عنوان الموضوع : ولد اختي وتصرفاته الله يهديه الطبيب يجيب
مقدم من طرف منتديات نساء الجزائر

ولد اختي وتصرفاته الله يهديه



السلام عليكم
بدخل بالمشكلة على طول انا ولد اختي عمره 10 سنوات
ويوم توفت امه كان عمرة 3 سنوات او سنتين وشوي
المهم عيال اختي الله يرحمها ساكنين عند جدتهم ام ابوهم
وماربتهم بالعكس مخليتهم على راحتهم لأنها ترحمهم

وولد اختي الحين بعد ماكبر صرنا مانقدر عليه ويعاند ومايحترم احد
يتهاوش مع امي ومع اخواتي ودايم يطقونه او يهاوشونه ويفشلونه
وانا خايفة عليه خايفة تصير شخصيته ضعيفه مره ومكسور من جوا
وبنفس الوقت ما ابي يصير كذا مايحترام احد ابداً

اذا شفته يبكي ابكي على طول والله
احسهم عندنا زي الامانه عندنا بس ماعرفنا نصونهم زين

تكفون علمونا وش نسوي معاه ونخليه عاقل وهادي
انتم اكيد امهات وجربتوا عيالكم مثله وتعرفون تتعاملون معهم
عطوني اساليب اتخذها معاه واعلم اخواتي عليها
ابغاه يكبر وهو واثق من نفسه مو كل طفولته ضرب واهانة
لأنه بصراحة الحين ماينفع معاه الا الضرب الله يصلحه ويهديه

ومو زي باقي الاطفال مثلا اقول له اذا عقلت بعطيك كذا
مايفرح بالاشياء ابد لأن ابوهم ماشاءالله مو مقصر عليهم
وتقريباً كل شيء يبيه مجاب وعنده

تكفون الله يجزاكم الجنة نزلوه

>>>>> ردود الأعضـــــــــــــــــــاء على الموضوع <<<<<
==================================


حبيبي
شوفي إجلسي معآه ، تفآهمي معآه بهدوء ~
قولي له : إنت رجآل وشخص عآقل ووآعي ، لآزم مآتصرخ على إللي أكبر منكِ
لأن الرسول وصآنآ بإلأحترآم إلـخ
أوعديه بهدية ، إذآ كآن محترم وعآقل
موفقة


__________________________________________________ __________

اكثري من المسح على راسه


كان الله في عونكم


__________________________________________________ __________

الله يهديه
مااعرف شئ


__________________________________________________ __________

عاملوه بهدوء بدون صراخ ومرات الكلام بهدوء يوصل افضل من الضرب

الي يزيد الوضع سؤ والاولاد شخصيتهم غير عن البنات يعني مشاغبين

وان شاء الله يتغير للافضل مع النصح والارشاد


__________________________________________________ __________

الله يرحم أختك ترى ينرحم يتيم الام علموه الصح والغلط بهدوء