عنوان الموضوع : فيه عقده في لساني!!!
مقدم من طرف منتديات نساء الجزائر

فيه عقده في لساني!!!



مشكلتي اني ماقدر اوصل المعلومه لحد ولساني كأن فيه عقده ماتكلم زين
والله ياعالم لما اجلس مع صديقاتي في المدرسه ماسولف ابد ولا اتكلم ولا اقول وجهة نظري
والسبب ؟ ماتكلم زين من عقدة لساني بجد انا مو اجتماعيه اب د ا ولا اسولف
وكأيبه من هالشيء
كيف احله واخلي لساني طبيعي ؟
ولا مافي امل ؟

>>>>> ردود الأعضـــــــــــــــــــاء على الموضوع <<<<<
==================================


قولي هاذا الدعاء داااايم (اللهم أحلل عقده من لساني يفقه قولي) كل وقت قوليها ولا تنسيني من صالح دعائك☺️
،
،
،
لا اله الا انت سبحانك ربي اني كنت من الظالمين🌸


__________________________________________________ __________

دوم تكلمي وسجلي نفسج
واذا الموضوع يباله دكتور روحي وتعالجي

واذا الموضوع نفسي بس قدام الناس تثلعتمي

تدربي تكلمينهم بدون ماتطالعين وجوههم كانج تكلمين نفسج


__________________________________________________ __________

عادي كثير بنات كذا لكن تعودوا وخلوا الناس تتعود عليهم
هالشي مو مشكله عشان تستحين منه ، والله حلاة البنت بأخلاقها
ممكن وحده تتكلم وكلامها موزون بعد لكن أخلاقها عدم هنا ماتتمنين انك تسمعينها حتى
وممكن وحده فيها عقده بلسانها لكن فرفوشه وأخلاق .. اكيد القعده معها ماتنمل
لا تخلينه عائق لك عن الناس بالعكس تكلمي وخذي راحتك


__________________________________________________ __________

انت ماتسمعين قرآن ولا تقرين في الحصص ان كانت اللعثمة نفسية عادي سولفي قدام المراية وناقشي المرشدة وان كانت عضوية عادي في خرف حرفين مارين علينا اشكال الوان ومافكرنا في نطقهم لان تركيزنا ع الاسلوب والثقة والمنطق السليم وليس النطق وادعي الله ولاتفكرين في هالشي كثير


__________________________________________________ __________

اذا عندج تأتأة انصحج بكثرة قراءة القرآن وبعد تروحين قدام المراية وسولفي بصوت شوي عالي