عنوان الموضوع : تعبت من حياتي. ساعدوني الله يخليكم الطبيب يجيب
مقدم من طرف منتديات نساء الجزائر

تعبت من حياتي. ساعدوني الله يخليكم



حياتي تقدرو تقولو انها جحيم
أنا بنت بعمر المراهقة يعني بأول عمري
مشكلتي مع امي ، امي بتكرهني كره العما دايما بتدعي عليي أني اموت
بحاول اتقرب منها بس هي م بتقبل
بتعاملني على أني عمري الف سنه و ممستحيل تكون معي متل ما بتكون الامهات مع ابنائهم
يعني ولا بحياتها قالتلي شو صار معك بيومك شو عملتي و شو سويتي
ما بتهتم فيني ابدا ..
امي قرفتلي حياتي. نفسي تكون متل الامهات التانيين
أنا ما بعملها شيء بس هي هيك طبعها
أنا شو ذنبي يعني ي دايمه ضرب ضرب ضرب ضرب
و دايما. بتفشلني قدام الناس و بتعصب عليي بالشارع
ساعدوني االله يخليكم ..
واسفة لانو عندي اغلاط كتير بالاكلام بس والله افهموني أنا كتير تعبانه
نفسيتي زفت و حياتي كلها زفت
و غير هيك أنا بسوي للناس قيمة و بحترمهم و بخاف عليهم
بس مستحيل حد يجي و يخاف علي او يعملي قيمة بس والله تعرفو ما عادت تفرق معي
عم استنى يوم موتي بفارغ الصبر ..

>>>>> ردود الأعضـــــــــــــــــــاء على الموضوع <<<<<
==================================


عم تستني يوم موتك بفارغ لصبر

عملتي ﻻخرتك شي؟؟
ليكي حبيبتي برايي مو غلط نستنى يوم وفاتنا
اذاااا كنا عاملين كلللل واجباتنا تجاه ربنا

ليكي انا عايشه ظروف صعععععبه بعدين فكرت بيني وبين حالي
قلت لدنيا صغيرة بجد
مهما عشنا وتعذبنا ما رح تدوم لقصه ان كترت100سنه ولعلم عند الله
خلي 100سنه عذاب تكون كلها طاعه وتقرب الى الله لنعيش اﻻﻻﻻﻻﻻﻻﻻﻻف لسنين بالجنه ان شاء لله..


بالنسبه ﻻمك حبيبتي
ممكن هي شايفه تصرفها صح خاصه بعمر لمراهقه
للاسف بعض اﻻمهات بفكرو انو لحمايه لبنت بهالعمر بكون بالضرب ولضغط وكتم لنفس
وهدا شي غلط طبعا ﻻزم تتقرب منك بهالعمر وتكوني ع طول بين احضانها
اصبري حبيبتي صدقيني بس تخلصي هالكم سنه بتلاقي امك تغيرت كتير
ﻻن رح يخف خوفها عليكي


__________________________________________________ __________

معلشى حبيبتى احتمال تكون معصبة من شى حاولى تتكلمى معاها بهدوء اشترى ليها هدية تقربى منها والله يصلح الحال


__________________________________________________ __________

الاخت hala bebe كفت ووفت
اسمعي كلامها
الله ييسر امرك ويفرج همك


__________________________________________________ __________

الله يهديها
وان شاء الله تحنن قلبها عليج
رفع


__________________________________________________ __________