عنوان الموضوع : ندمانه اني تزوجت
مقدم من طرف منتديات نساء الجزائر

ندمانه اني تزوجت



السلام عليكم
مشكلتي طويله عريضه بحاول اختصرها بقد ما اقدر
لي شهرين من تزوجت ندمانه قد شعر راسي على هالزواجه
كنت ببيت اهلي مرتاحه مالمس بالبيت شيء اﻻ بمزاجي
اي شيء ابيه احيانا يوصلني صحيح انه كان طفش لابعد درجة وكان فيه مشاكل ومو كثير اطلع بس كان فيه راحه نفسيه غير عن الحين .. فكرت بالزواج قلت يمكن يتغير روتيني وبرتاح من اللي انا فيه .
طبعا انا مملكة ومنفصله قبل ﻻ اتزوج هالزواج اللي اتكلم عنه سبب انفصالي الاولي سمعته واني مارتحت بس كان مغرقني هدايا وفلوس بفترة الملكة وخلعته بعدها ..
بعدها بشهرين تملكت على زوجي ذا . بالبدايه كانت كل اموري ماشيه بفترة الملكة وكنت مرتاحه نوعا ما طبعا ماكان يجيب لي ﻻ مصروف وﻻ هدايا وﻻ شيء وفترة الخطبة شهرين وعلى طول حدد الزواج من كيفه طبعا انا شرطت شقة واكمال تعليم وما الى ذلك .. قالو لي انهم بيبنون وعلى مايبنون بسكن بغرفة ولي حمام رضيت بحكم اني برتاح من الشغل لحالي .
بعد الزواج باسبوع الامور ماشيه بس كان ماعنده سيارة وكل شوي يقول بشتري وبشتري مع العلم اني والله ماكنت ادري انه ماعنده سيارة فترة الخطوبة قصيرة ماجاني اﻻ كذا مره مامداني افتح معه هالمواضيع .... قبلتني كلية الطب ورفض زوجتي ماتشتغل وﻻتدرس هالشيء عيب وهدد بالطلاق طبعا انا من صدمتي عديتها له وقلت بالطقاق ماني برايحه +اني مالي خلق اسحب ملفي من جامعتي الاساسيه وطنشت موعد المقابله . قلت بعد ماخلص تخصصي الاساسي اقدم من جديد ويقبلوني ان شاء الله .
اول ماتزوجت كان فيني الدورة بعدها باسبوعين لما جاني شك فيني وسألني ان طليقي داخل علي من قبل بحكم انه مانزل دم مني ولما رحنا المستشفى الدكتورة قالت له اني للحين بكر وليش مستعجلين ومع الايام ينزل الدم او ماينزل عادي . عديتها وظليت ماكلمته بعد هالسالفه 3 ايام . ويتاسف وﻻتلوميني وانا غشيم .
امه تدخل بخصوصياتنا بكل شييء لدرجة تدخل الغرفه تشوف اذا فيه دم او ﻻ وكل يوم تسألني شصار حسبي الله ونعم الوكيل فيها . ولما عرفت انه مانزل وراح هو وقالها جت لعندي وقالت لي خليني اشوف اذا انتي بكر اوﻻ هذا قبل ﻻنروح المستشفى وحاولت تفتحني بالفوطه !! انا كنت ساكته من صدمتي ومن اللي اشوفه ماقدرت اتكلم كنت احس اني بحلم .
بس بعد مارحنا للدكتورة وقالت قدامها اني بكر صرخت بوجهها وقلت للدكتورة باللي سوته لي وكانت بتصير سالفه بس هدى الموضوع وسكرنا السالفه .
وصارت كل ماتسألني عن شيء اقولها ماحب احد يتدخل بخصوصياتي حتى الدبله تقولي ليش ماتلبسينها كل شيء تتلقف فيه حتى الغرفه تجي وتطق الباب مثل المجنونه عيالها ويله صحوهم الله ينتقم منها يارب مواقفها كثيرة تحاول تضايقني كثير وانا اعرف انها تتكلم من وراي بالشينه لكن حسبي الله ونعم الوكيل . ولسانها استغفرالله ماغير تسب وتلعن وكلمات وصخه ولما عصبت منه طقته قدامي احس خلاص طيحته من عيني زياده .

رمضان مر كله ماحسيت فيه كان استغفرالله اسوء رمضان مر علي بحكم اني عروس ماخلوني اوقف بالمطبخ بس كنت اساعد واغسل المواعين وانظف من نفسي . كانت تمر ايام مايطبخون وانا ماعرف اطبخ وهو يروح يتسحر وﻻ يفكر يجيب لي مايفكر يسال كليتي واﻻ ﻻ .
بالعيد ماخلاني اشتري للعيد قالي موب ﻻزم تعيدين لما اقول ابي اطلع يقول ﻻ انتي ماينفع معك اﻻ الحبسه بالبيت . دقيت على اخواني وجو خذوني وخذتني امي وشرينا وعيدت ببيت اهلي .
ومن بعد رمضان وانا حسيت اني مثل الخدامه اغسل وانظف وصرت اطبخ وانا والله ماعرف اطبخ اخش نت وادور شيء سهل واسويه . لمن بديت اتعلم
ﻻحظو طول هالفترة عمري ماطلعت معه مكان عمري ماتمشيت طول هالفترة ماعنده سيارة واخواني هم يودوني ويجيبوني من بيت اهلي
مايصرف علي وﻻ يدفع ريال .
احس انه ماخذني للسرير بس وعشان اصير له خدامه . 24 ساعه جالسه لحالي احيان اصيح واشهق صياح وﻻ احد درى عني صرت متبلدة ماعرف افضفض لا احد ودايم اكبت .
اهله حاليا مسافرين وانا العروس جالسه بالبيت ماقول غير حسبي الله ونعم الوكيل .
البيت فاضي لو اموت جوع مادرى عني هو يطلع ياكل مع ربعه ويجي

ابعرف انا وش استفدت من هالزواج وهل في شيء يستاهل اني استمر او ﻻ . حمل اخاف اني احمل وﻻ ابغى الحين هو مو قادر يشيل مسؤوليتي كيف بيشيل مسؤوليه طفل معي . وهو ميت يبي عيال .

طبعا هو باسلوبه وطبعه كره اهله فيني وكره خواته فيني . احسه يبي يطفشني يبي يعذبني يبي يعزلني عن الكل ليش مدري دايم خواته يقولون له بنطلعها معنا ويرفض ولدرجة يششكك باخلاقهم عشان ماروح وياهم وصارو يكرهوني لانه يقول عنهم كذا طيب انا شذنبي ؟ .
مواقف كثيرة صارت لي الكلام ابدا مو مرتب احاول اتذكر واحط
احس تعبت وتأذيت كثير طﻻق مافكر فيه ليش مدري لاني تعبت من مشاكل طلاقي مع الاولي ليه انحط بمشاكل مره ثانيه . استغفرالله احيان احس ان في احد داعي علي دعوة تعيشني طول عمري هالعيشه وان حالي ماراح يتغير ابد ﻻ انا سعيده وانا بنت وﻻ انا ارتحت وانا متزوجه
سعاده بحياتي احلم اني الاقيها
والله العظيم ماقد ضريت احد ومحافظة على صلاتي وقيام الليل ماخليه
ليه يصير معي كذا صرت اتمنى الموت يالي او له بس ارتاح خلاص
ﻻيكلف الله نفسا اﻻ وسعها هالأيه تريحني كثير بس استغغفرالله احس السعه اللي فيني قضت . امي اللي دايم افضفض لها وتقولي اصبري واحتسبي امرك لربك بس ماقولها عن كل شيء الامور البسيطه بس . ماودي اضايقها والف الحمدلله على كل حال


نزلو موضوعي تكفون ودعواتكم .

>>>>> ردود الأعضـــــــــــــــــــاء على الموضوع <<<<<
==================================


الله يفك ضيقك يااختي ويفرج همك
عليك بالدعاء ان الله يهدي زوجك واهله , وكثري من الاستغفار
ليش ما تطلبين من زوجك تقعدون سوا جلسة رومانسية مادام اهله مسافرين او ع الاقل تتحاورين معاه ...
حاولي قدر المستطاع انك تخلقين جو رومانسي وتجذبينه لك بدل طلعاته مع ربعه
رتبي طاولة وحطي فيها شموع وصلحي عشاء خفيف وعصائر وتلبسي
الله يحنن قلب زوجك ويرده لك ردا جميلا


__________________________________________________ __________

وش هل تخلف

يا ربي انا ما اقول لك تطلقي بس انا كرهت حماتك حيل حيل معقولة تبي تفتحك بلفوطة !!!!!!

اعوض بالله من شيطان الرجيم

وبعدين زوجك لا تطبخين له ابدا واذ سئل وين العشاء وين الغذاء قولي له ؟

ما في شئ في البيت

وما انصحك بلحمل دام تقولين انه مستهتر ومو حق مسؤولية

بصراحة للحين تحت الصدمة

لي عودة


__________________________________________________ __________

الله يعينك


__________________________________________________ __________

والله قصتك تعور القلب الله يفك كربتك يارب


بس شخص يتذخل بخصويتك مثل كيدا لا ياقلبي لاتقبلين هالشي انتي عروس من حقك تعيشين حياتك مثل ماتتمنين

انصحك ماتحملين ددحين وخليك حرسسه لانه زوجك بلا شخصيه ومابيقدرك مايبغي يشتري لك شي ولاتطلعوون شوي تغيرووون جو والله بتعانين في حياتك لا يكلف الله نفسا الا وسسعها


ان ابغض الحلال عند الله الطلاق بس هالزوج يبغي يذلك ومايخليك تستمتعين بحياتك


واله احسسن تنفصلين عنه كرامتك فوق كل شي لاتتنازلين عليها ربي يعووضك احسسن منه


__________________________________________________ __________

صعب تستمرين معاه
اذا راح تعيشين مع بيت اهل زوجج