عنوان الموضوع : هل انا .. احبه ؟ معقول -لصحتك
مقدم من طرف منتديات نساء الجزائر

هل انا .. احبه ؟ معقول



ياجماعه

انا تزوجت شخص ماعرفت غيره بحياتي
بس وربي ابدا مادخل قلبي وكنت انفر نفور اعمى
منه وصارت مشاكل كبيره بيني وبين اهله
ابوه واخته الله لا يوفقهم ويوريني فيهم عجايب قدرته
عذبوني
وكنت من تجي سيرة الطلاق ارتاح نفسيا

وبالغصب بالغصب تطلقت وارتحت من وجهه
ووجه ابوه واخته

في الحقيقه هو اقل واحد بين ابوه واخته اذاني
والمشكله اخته زوجة اخوي
لها دور كبير في دمار حياتي جعل الموت ياخذها
سببت لي امراض نفسيه
غيرت علي اخوي وكل اللي بالبيت
تطلقت ولا مكتفيه باللي جاني هي

طيب ومو قادره افرح لها ولا اشوفها مبسوطة
اتمنى لها العذاب اللي عذبتني اياه وان ربي يسلط عليها من لا يرحمها
انا متأكده اني مااحب اخوها ولا ابيه ولا حنيت له
طلقني بالثلاث وقال محد بياخذك بتطيحين
في جبد نفسك


طيب بس لما سمعت ان راح يخطب
انصدمت ... وانه كان يحب وحده وماادري ايش
كلام زي كذا ... حسيت بنوع من الغيره
والقهر ...

ومو قادره انسى اللي سووه فيني
وقلت في خاطري .. يحب وحده ؟
يعني طلع خاين .. على شينه
واذا خطب ياويلي من حركات اخته لي
والشامتين
مو جايني خوف الا اذا خطب .. تجي اخته وتعايرني
ولا احد من اعدائي ...

وجالسه ادور حسابه في الانستغرام ابي اعرف
وش يخلي من صور ومن تعلق عليه
ومدري ....

يقولون لي تحبينه لؤ ماتحبينه ماتهتمين كذا
اقولهم والله مااحبه
بس اللي جالسه احاول اكتشفه ان هو كان خاين ولا لا
وكيف سلوكه في الانستغرام
علشان لو كان ماشي غلط ... اتاكد اني ماظلمته
والحمد لله اللي ربي بعدني عنه ..
وانا صرت عصبيه بعد الطلاق
لااني احس ان مالي نصيب زين في الحياة
لاانهم دمرو حياتي .. مايتقدم لي الا الكبير بالعمر
واللي عنده عيال وغيره وغيره

وانا متأكده اني مااحبه .. ولا اتمنى له السعاده
لا هو ولا اخته .. لااني مو بس مهتمه فيه
مهتمه بااخته وايش عندها ..

واعصب اذا حد قال تحبينه
انما حسيت نفسي حاقده عليهم بشده
واتمنى ربي يسلط عليهم وياخذ حقي
وحقدي هو سبب اهتمامي
ولا ايش.رايكم ..
واذا كنت صادقه او غلطانه
ابغى تعليقاتكم

>>>>> ردود الأعضـــــــــــــــــــاء على الموضوع <<<<<
==================================


انسي امره نهائيا لاتدخلين حسابه بلانستغرام ولا غيره ..كل شي بينكم انتهى واذا بيخطب خلاص الله يهنيه وانتي الله يعوضك باللي احسن منه ولاتهتمين لكلام اخته طنشيها بكره تنخطبين يتسكر حلقها وماتقدر تقولك شي ...


__________________________________________________ __________

لا اله الا الله اني كنت من الظالمين


__________________________________________________ __________

امم اول شي ربي يعينك ..
وطالما حسيتي ان الطلاق هي الطريقه الوحيده اللي
فتحت لك باب الراحه في حياتك خلاص لا تجلسي تهتمي
لامره شي راح وولى لا تنبشين في حياته و تشمت فيك
على ايش ؟ردي عليها ابركها من ساعه و يوم كان يحبها
ليش ما تزوجها هذا انتي فتحتي له المجال و راح لحال سبيله
هذا طبعا اذا ما كانت القصه تلفيق عشان يقهروك..
عيشي ايامك و لا ترجعي تناظري وراك و تسوي لنفسك هم


__________________________________________________ __________

امممممممممممممممممممممممممممممممم *.*
من راقب الناس مات هما ... و هذا اللي صاير عندج
ما راح يييج من مراقبته ومراقبة اخته الا الهم والقهر
كرري حسبي الله و نعو الوكيل
واذا فعلا انتي مظلومة الله بياخذ حقج منهم ... فلا تشغلي بالج فيهم
و صدقيني اكبر قهر لهم لو انشغلتي بحياتج
وشافو انه الطلاق لج كان سبب في الانطلاق نحو النجاح
كملي دراستج او دوري على وظيفة او سجلي بدورات
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

ياعمري لاتهتمي الظالم ما ارتفع إلا وقع
والله ثم والله ثم والله ان سترين حالك أفضل من حالهم بكثير وسترينهم يتجرعون مرارة العذاب أن كانوا ظلموك