عنوان الموضوع : زوجي يهيني ويضربني ويعذبني ويسئ معاملتي -تم الاجابة
مقدم من طرف منتديات نساء الجزائر

زوجي يهيني ويضربني ويعذبني ويسئ معاملتي



السلام عليكم ورحمة الله وبركاته"

انا عندي مشاكل كثيرة بحياتي يأست من الدنيا بكبرها المشكلة انا زوجي يعذبني ليل ونهار بسبب علاقة عندي من الماضي ايام المراهقة صار هو اللي ينبش بحياتي قبل الزواج ويسألني اسئلة كثيرة عن حياتي قبل الزواج وحلفني على المصحف وخلاني اعترف له وهو ماله حق يعرف عن خصوصياتي قبل الزواج يعلم الله اني تايبة من زمان وملتزمة وصاينته واحبه واموت فيه وراضيةبجميع عيوبه وادعي ربي ليل ونهار وابكي في سجودي ومهتمةببيته وعياله ويدور لي اي حجه عشان يسوي لي مشاكل مايعجبه شي ينتقدني كثير ومايحترمني ويتلفظ علي باأبشع الألفاظ ويخلي اهله واقاربه يهنوني ويبوني اخدمهم ويستانس اذا يهنوني لدرجة ان صار يقولي ان اهله اهم مني انا وعياله والله لو يشوفني ميته انا ولاعياله مارحمني واذا احد من اهله او خواته يخاف عليهم لدرجه انه يبكي عليهم ليش وانا وعياله ماسوينا له شي عشان يكرهنا ويستحقرنا ليش يفرق بيني وبينهم ويعمل لي حاجز بينهم انا ماقلت اكره اهلك بالعكس انا ابيه يحبهم وربي اني اعاملهم احسن معامله واجيب لهم هدايا ومااشوف يبين شي ظالمني ويتهمني اتهامات ويقولي اصير خروف اهلي ولااصير خروفك وربي انا برييئة منها انا مقهورة وابكي بحرقة اشوف حريم اخوانه يعاملونهم احسن معامله واخته زوجها واهله حاطينها فوق راسهم وانا يكرهني وحاقد علي ويداوم دوامين ليل ونهار يشتغل مااشوفه واذا ابي اشوفه اسولف معاه مايبي يكلمني واذا اكلمه كأنه صنم مثل الجدار مايرد علي واذا راح بيت اهله يسولف معاهم ويضحك انا تعبت مو حاسه اني متزوجه ولقيت بالصدفه بنت خاله مخزنه رقمه وترسل له بالواتساب وتسلم عليه على اي اساس انها مخزنه رقمه وهو مخزن بعد رقمها ومتزوجه ويقولي عادي مافيها شي وسكت وقلت له لو انا اخزن رقم ولد عمتي راح ترضى ورد علي وقالي عشان اكسر ضلوعك طيب مو حرام بنت خاله الحقيرة تكلمه وترسل انا لو ارسل لزوجها واخزن رقمه ماراح ترضى حسبي الله عليها ومرة لقيت بعد بجواله يغازل واحد بشغله يقول انه من الجنس الثالث وربي لقيت رسايل يحب ومادري ايش ووقاحة كلمات وسخة حتى انا ماعمره كتب لي رسايل حب ومدمن واتساب ليل ونهار وخواته يكلمون رجال ويضيفونهم على الببي وانستقرام وساكت ومدلعهم اخر دلع وانا يهيني ويضربني حتى مرة كنا طالعين وربي كفخني تكفيخ بالسيارة وعطاني بكس على فمي وخشمي ووجهي وفصخني عبايتي بالشارع وربي اني اكتب وانا ابكي مقهورة عايشة بذل واهانة طبعا اهله ماادري اذا هم يدرون بمشاكلنا لان مايكلمهم قدامي يكلمهم من وراي عشان مااسمع سوالفهم انا ابتليت بلوة ماعندي مكان اروح له انا يتيمة الاب والأم انا عايشة بجحيم يارب تصبرني على ماابتلاني ابي حل اوقفه عند حده هو واهله موقادرة استحمل قربت استخف تعبانة نفسيتي منه حسبي الله عليه دنيا واخرة مع العلم اني قبلت فيه من جميع النواحي وهو خريج سجون وماادري عن حياته مايقولي عن حياته الخاصة ولايبي اسأل عنه شي و ماعنده شهاده الاسادس ابتدائي وانا ثانوية خرب حياتي ومستقبلي ندمت اني تزوجته والله العنوسة ارحم وربي اني اجمل منه ومن اهله جرحني جرح عميق ومااقدر انسى اللي سواه فيني والان يهددني ان راح يتزوج علي انا ابي اطلب الطلاق ماابي اعيش معاه بس ماعندي مكان بيت كيف احصل سكن انا وعيالي لاتقولون اعيش مع احد ابي اعيش بكرامتي مستحيل اعيش معاه مااقدر استحمل انا اموت باليوم الف مرة تعبانة نفسيتي فاقدة الحب والأمان صرت اخاف من كل شي ربي يوفقكم ويخليكم لاحد يقسى علي… ارجوكم نزلو موضوعي بسرعة ربي يجزاكم خير

>>>>> ردود الأعضـــــــــــــــــــاء على الموضوع <<<<<
==================================


والله الطلاق هو الحل
واحد تافه
ووووووووو استغفر الله بس \لا تجلسين عنده دقيقة
اذ كان عندك ذهب او اي مبلغ استأجري لك شقة واهربي منه
او ارفعي عليه دعوة ووريهم الكدمات الي على جسمك
خليه يتعفن بسجن كم شهر
اكيد يشوفك بعين طبعه
اسئل الله ان يفرج همك وكربك


__________________________________________________ __________

الله يستر حالك ماعندك اخوان او اقارب يوقفو معاكي ؟؟


__________________________________________________ __________

الله يفرج عنك يارب ويغنيك من فضله وما تحتاجين له بس احسه ظلمك كثير إحساسي انه ما راح يتهنى حتى لو تزوج


__________________________________________________ __________

لا حول ولا قوة الا بالله
صحيح الطلاق هو الحل روحي عند اخوانك او عماتك خالاتك اي احد المهم لا تجلسي مع واحد زي كذا ،، حسبي الله على كذا انسان


__________________________________________________ __________

تطلقي منه لاتقعدي عندو اكيد جو زك مارح يتغير لانو قاسي عليكن كمان
في بنات بيكتبن مشاكلهن مع ازواجهن بس مابتوصل معاملتهم الهن لحد معاملتو الك
انا والله لو مكانك والله كنت طلبت االطلاق
اذا معك ثانويه شوفي دوري على وظيفه اشرحيلهم وصعك
الله يفرجهأ عليكي