عنوان الموضوع : بنت خالتي سببت لي مشاكل -لصحتك
مقدم من طرف منتديات نساء الجزائر

بنت خالتي سببت لي مشاكل



السلام عليكمم
مشكلتي ان بنت خالتي تكرههني موووت ماعلي منها ومن كرهها لي عساها ماحبتني بس ابي اوقف كذبها علي وتحريشها للبنات علي بدون علمي تخيلو والله مابقت لي ولاصديقه وكل بنات خالاتي هي فرقت بيننا يشهد علي الله اني ماسويت لها شي واني اعتبرها اخت لي ولاعمري فكرت اضرها تبداء بالمشاكل وتروح تحطها فيني وتقلب كل شي فوق راسي اخرتها قبل شوي راحت لخالتي وقالت اني رسلت صورها لواحد وخالتي زعلت مني جد كرهتها رغم اني والله ماعرف للكره طريق بس هي جبرتني اسوي كذا ولما انقبلت بالجامعه وهي غارت بشكل موطبيعي وقالت انو واسطات من ابوي ومدري شنو بعرف كيف اتعامل معها وحده زي هذي غير كذا الحين هددتني انها بتنشر صوتي ورقمي وخايفه تسويها قبل كانت معي مثل اختي وكل اسراري عندها واسرارها عندي ووثقت فيها وكنت ارسلها صوتي وصوري بس فجأه تغيرت علي من دخلت الجأمعه وهي مو طايقتني تقريبا صارلي 3سنوات وانا بمشأكل منها مالها اول ولا تالي طالبتكم تساعدوني وتعتبروني اخت لكم لاتقولون كلميها لان وحده مثل هذي ماينفع معها الكلام كذا مره جلست معها وكلمتها وحاولت اعرف ليه تسوي كذأ وحتى قلت لها اذا غلطت بحقك بدون لا انتبهه صارحيني ومن عيووني اذا لك حق عندي تاخذينه بس مافيها فايده وطنشتني



سبحان الله وبحمده سبحان الله العظيم

>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممممممممممممممممممممم *.*
بصراحة ممكن تسكتين عن كل شي إلااااااا موضوع تهديدها بنشر الصور
ما ذكرتي بنت خالتج هذي عندها خوات ولا لا ؟
اذا عندها روحي لخواتها وقولي لهم عن موضوع الصور
وممكن هم يساعدونج وييبون لج الصور او يمسحونها اذا كانت الصور بجوالها بدون ما تدري اختهم
واذا ما عندها خوات كلمي امها اللي هي خالتج
او خلي امج ترمس اختها عشان تشوف لها صرفة مع بنتها
واذا مرة ما قدرتي تكلمي حد بالموضوع
واجهيها و قولي لها ليش كارهتني وحاولي تفتحي موضوع الصور
وسجلي لها كل شي بالصوت عن طريق الغون او اي شي
الله يكفيج شرها
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

قولي لأهلها لأمها لأبوها
لا تسكتين لها


__________________________________________________ __________

حسبي الله ونعم الوكيل والله انها مريضة شكلك احلى منها ومتقوفه ويمكن حبوبه وناس تحبك عشان كذا تسوي فيك كذا روحي لها ومن غير ماتدري أخذي جوالها وامسح كل شيء من غير ماتعرف ورجعي وساعتها ماعندها شيء تقدر تهددك فيه تضرب رأسها بجدار وكرري حسبي الله ونعم الوكيل الله يكفيك شرها ويفضحها عند الناس انها نمامه


__________________________________________________ __________

صفيهااا خليها تقول انك دخلتي بواسطه احقريها قولي هه اقلها دخلت بدواسطه او بدون عرفت ادخل الدور والباقي على اللي معفنين بالبيت ولا لقيو مين يدخلهمم ..خيكي كذاا معااها جات تهدد قولي لها ببرود صوري هااذي تبليهاا وتشربي مويتها ياماما ( مماتوقع ترا تنشرهاا وكان مفروض تصوري الشاشه وتوري اهلك واهلهاا ) او الحين كلميها ع الواتياب حاولي انها تجيب الموضوع وتهدد وقولي لها صورت المحادثه وبوريها للكل عشان لاصار شيء يعرفوو مين اللي بتهدد


__________________________________________________ __________

ياقلبي انتي .. الي مثل هذي ماينفع معها السكوت والتطنيش
واجهيها .. وإذا تكلمت عنك .. روحي قدامهم وهي فيه قولي لها تعطيك دليل واحد يثبت كلامها .. او خلي اقاربك يوصلون لها كلامك
وأرسلي لها رسالة قولي لها ترا يحق لي أرفع قضيه لو نشرتي صوره أو صوت لي ومحد يلوم إلا نفسه
لو كنتي من السعودية .. شوفي هالعقوبه .. للجرائم المعلوماتية


"يعاقب بالسجن مدة لا تزيد على سنة وبغرامة لا تزيد على خمسمائة ألف ريال، أو بإحدى هاتين العقوبتين؛ كل شخص يرتكب أياً من الجرائم المعلوماتية الآتية:

2- الدخول غير المشروع لتهديد شخص أو ابتزازه؛ لحمله على القيام بفعل أو الامتناع عنه، ولو كان القيام بهذا الفعل أو الامتناع عنه مشروعا.

وبالتالي فإن النظام السعودي لا يعاقب في هذا النص على التهديد أو الابتزاز ولكن الدخول بقصد التهديد أو الابتزاز، بمعنى أنه لا يشترط أن يكون المتهم قد قام بالتهديد أو الابتزاز بالفعل مادامت نيته قد اتجهت إلى تحقيق هذا المقصد. ويترك استخلاص تلك النية إلى المحكمة في ضوء ظروف وملابسات القضية. فإذا قام المتهم بالتهديد أو الابتزاز بالفعل، فإنه يرتكب جريمتين، جريمة الدخول وجريمة التهديد أو الابتزاز. وفي غياب نص في نظام خاص بالتهديد أو الابتزاز، فإن هذا التجريم يكون واجب التطبيق بمفرده. ومن اللازم إيراد نص يعاقب على التهديد أو الابتزاز على استقلال، لأنه يمكن أن يقع بطريق آخر غير طريق الكمبيوتر والمعلوماتية..
يعني حتى مجرد نيتها بتهديدك يوديها ستين داهيه ..
علميها إنك فاهمه الوضع وإنتبهي تسوين زيها وتهددين ..
خلي ردك لها عقلي .. عامليها بالمنطق اذا تكلمت عليك ردي عليها ببرود وثقه بنفسك قولي لها تجيب دليل عشان توهقك صح .. إما الكلام الي لا يودي ولا يجيب ما يجيب فايده

ولو نشرت صورك لا سمح الله دقي ع هيئة الأمر بالمعروف يرسلون لك رابط موقع يمسح لك كل صوره إنتشرت يعني حتى لو انتشرت ماراح تفتح عند الناس
توكلي ع الله قبل كل شي
وحتى لو كنتي مو من السعوديه فأكيد فيه عقوبات للجرائم المعلوماتية إبحثي عنه حسب منطقتك "دعواتك"