عنوان الموضوع : هل خطيبي طمعان ؟؟ شوروا علي الطبيب يجيب
مقدم من طرف منتديات نساء الجزائر

هل خطيبي طمعان ؟؟ شوروا علي



السلام عليكم ورحمة الله وبركاته
قبل ابدا بمشكلتي بعطيكم معلومات عني انا فتاة معلمه ابلغ من العمر 28
سبق لي ان ملكت وتطلقت من الملكه
تقدم لخطبتي شاب من منطقه غير منطقتي عن طريق زميلتي بالدوام
وبعد الاستخاره وافقت ع هذا الشاب وهو اصغر مني بسنه
وطلب اني انقل بمنطقته وانا وافقت
سألونا عن المهر واحنا من عاداتنا مانطلب مهر اللي يجيبونه وقاله اخوي اللي تجيبه
وحدد الرجال الزواج بمنطقته وقال للرجال فقط
انا رفضت اطلع منطقته وقلت ابغاه عندنا عشان زميلاتي وقريباتي
قالت امه خلاص سوي حفلة شبكة اللي هي الملكه سويها كبيره وانزفي فيها
انا رفضت وقلت بسوي حفل زواج مبسط ع حسابي بعد زواج الرجال عندهم ووافقوا وصارت الملكه. وجابلي مهر 30 الف وجلست امي واخويه يقولوا مهرهم قليل ليش ماجابوا 50 وانا صراحه كنت متوقعه يجيبوا 50 عشان اخذ منها وادفع للقاعه لاني مو محوشه من راتبي شي واحسهم كسروا بخاطري اهلي بكلامهم بس قلتلهم ليش تزعلوا احنا قلنا اللي تجيبوه
والرجال مو مستاجرلي شقه الين انقل عندهم يقول لانقلتي بستاجرلك واثثها الحين نستاجر ونخليها للغبار ليه
قلت طيب مو مشكله وقلتله عن القاعه واني ماعندي فلوسها بس دفعت العربون قال انا عندي نص المبلغ والنص الثاني بستلفه لك من رجال تسددينه ع اقساط له بعدين ويقول ما ودي اخليك تسددين بس انا راتبي نصه رايح قروض مايبقى

منه غير 3000
وقلت فيه نفسي كويس منه انه ساعدني بالميلغ
وماقلت لاهلي عن سالفة انه تسلف ويبغاني اسدده
واهلي بس صاروا ماعلى لسانهم الا هذا الرجال طمعان فيك شكله وصرت بس اوسوس وتنكدت وكرهته
ومررا قاللي احنا لازم نحوش ونمسك يدنا عشان نأثث البيت قلتله لاحبيبي تأثيث البيت عليك موذنبي اثثه معاك انا عروس قلتله يكفي بسدد السلف ورضيت اسدده لانه انا طلبت اسوي الزواج عندنا ولا كان ماسددته وغير الهرجه ومادقق بكلامي
واحيان بنص كلامه يقول بعدين نتساعد انا وانتي وناخذلنا فيلا ووو
وصرت اقول في نفسي هذا شكله طمعان من جد زي ماقالوا اهلي
بس ماينفع اتطلق مره ثانيه ايش بيقولوا عني الناس
وزواجي مابقي عنه شي
وهو صراحه اسلوبه معايا حلو وكلامه حلو بس خلاص انزرع في داخلي انه طمعان وداخل طمع رغم اني احاول اني ما اصدق هذي الفكره واعطي نفسي احتمالات ثانيه
شوروا علي انا نفسيتي تعبانه جداً ومو قادره افرح بزواجي

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممممممممممم *.*
بالنسبة للمهر مثل ما انتي قلتي انتو غلطانين من البداية انه ما حددتو مبلغ معين
والمفروض ما تنكدي على عمرج وعلى فرحتج بسبب موضوع انتي منتي متأكدة منه
و اذا فتح لج موضوع المساعدة مرة ثانية قوليها له بصراحة مثل ما قلتي له عن الاثاث
مع اني ما اشوف مشكلة اذا تساعدتو ... ما اقصد كله عليج لااااا
تتساعدون مع بعض وانتي تساعديه لو بمبلغ بسيط
افرحي يا عروستنا وارمي كل الهموم ورى ظهرج
و الله يتمم لج على خير
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

لا تعتبين عليه ان جاب لك 30 الف دامكم ماحددتوا كم .. هو وش يدريه انك متوقعه 50 !
بعدين المهر كافي وأغلب البنات يتزوجون بهالمهر
وأنا اشوف انه مو طمعان بس انتي وسوستي لإن اهلك قالولك كذا عنه
الغلطة الثانيه
انك قلتي بسوي زواج مبسط ع حسابي .. ليه قلتي ع حسابي ؟؟
كان قلتي ابي زواج للحريم عندنا واذا رفضوا .. تخلين زواج الحريم بمنطقتهم يعني يكون زواج حريم ورجال .. عليهم ..
وتسوين الشبكه بمنطقتك لإن معروف الشبكه ع البنت .. لكن الزواج معروف انه للولد .. صار الي صار
عموماً لا تعودينه ع هالشي .. ولا توسوسين


__________________________________________________ __________

للاسف اغلب الي ياخذو معلمات يخططو كيف يستفيدو من راتبها
لكن انتي ليس تسبقي الاحداث انتظري واتركي عنك الوسوسه يمكن يكون ابن حلال وطيب
انتي صلي استخاره وارمي حمولك على الله


__________________________________________________ __________

تبين الصراحه؟!! ايه ممكن جدا يكون طمعان لانك موظفه ولا ماكان قبل بوحده اكبر منه شوي اللي خلاه ياخذك لانك موظفه وهالشي واضح من كلامه قال راتبي على راتبك ماقال انا بشتري وبسوي !! يعني اذا انتي راضيه فيه تحملي اللي يجيك ولازم تكونين حذره منه وماتعطينه ولا ريال واذا مانتي مرتاحه انفصلي من اولها افضل لك لاتقولين كلام الناس وما كلام الناس انتي وش فايدتك من الناس؟!!! مومهم اهم شي راحتك الناس يقولون اللي يقولونه اصلا حتى لتزوجتي يظلون الناس يتكلمون لان الناس مايخلونةالوحده لحالها لا العازبه ترتاح ولا المتزوجه مرتاحه ولا المطلقه مرتاحه واهم شي سوي اللي انتي مقتنعه فيه ومايهمك كلام الناس والمجتمع كلله ع الحيط ...وبالنسبه للعرس مو لازم تسوين عرس اذا ماعندك موضروري ولاتتسلفين علشان عرس!! ملكه وسفر مثلا او حفله صغيره سووها في البيت مو ضروري تسوين عرس كبير وتكلفه وخساير علشان ترضين الناس!! وماحد ياكلها غيرك عروس وعليك ديون تسددينها على هالخساير والمظاهر


__________________________________________________ __________

صحيح الغلط منكم كيف اللي تجيبه و من جاب قلتوا هذا بس؟؟!!
حلو لما تشاركي زوجك بكل حاجه لا تحسي انه طمع و غيره
هوو يعينك و انتي تعينيه و تكونوا حياتكم يد بيد و تعيشي
تكوين حياتك خطوه بخطوه و ان شاءالله ماطمعان فيك الرجال
و اتمنى يارب حياتك سعيده معاه لوو طمعان بيقولك انتي دفعي
و هاتي و عطيني و هو ما يبادر باي شي..