عنوان الموضوع : هل انا ظالمة ام مظلومة نوروني مجابة
مقدم من طرف منتديات نساء الجزائر

هل انا ظالمة ام مظلومة نوروني



السلام عليكم
لا اعلم من اين ابدا فقد ضاقت بي كل السبل
تعبت وتعبت نفسيتي جدا
حتى عدت لا اعرف نفسي ضحيت وتنازلت من اجل زوجي كثيرا ودست على نفسي وصمت كثرا وعندها انفجرت فالضغط يولد انفجار فاصبحت انا الظالمة والشريرة
اتمنى حلول فقد تعبت
اتمنى تخبروني انا صح او غلط انا ظالمة او انظلمت
عندي حماة هي سبب المشكلة
من بداية خطوبتي وهي في تدخل دائم
مع العلم هي اكبر مننا انا وخطيبي بحوالي 9 الى 10 سنوات او اكثر
في كل شي تدخلت في صبغ شقتي
بحكي بالعامية
مثلا لمن جينا بنختار صبغ لشقتي اتفقت انا وزوجي ع الالوان وحماتي الي هي اخت زوجي تجي لي وتقولي باسلوب الامر سوو هذا حلو وسوو كذا وهذا احلى مع ان ذوقها مريض جدا دايما تختار الوان قاتمة وانا اطنش هي تروح بعدين تقول لزوجي نفس الشي
بس زوجي ياخذ رايي بكل شي
يعني حتى ولو ابدت رايها مانعطيها اهتمام
بس هالشي يضايقني
ومرات واجد ترفع صوتها ع زوجي وانا ساكته وحتى اولادها
مرة فرني صارله مشكلة بسيط لزق فيه تصدير وماراح هي جات ومعصبة وترفع صوتها
شفتو لاي درجة الوقاحة ؟
حتى بولادتي تدخلت في المستشفى الي بولد فيه
شققولكم في كل صغيرة وكبيرة تتدخل
وانا سافطة وساكته
واذا خبرت زوجي اوقات يقولي اني ظالمتها وتضيق بعيني الدنيا ساعتها
حتى مع بيت اخوها صارو مايكلموها والسبب تدخلها وهي كرهتهم لانهم موقفينها عند حدها
وطبعا زوجي طبيعه عمله يروح العمل اسبوع متواصل وانا بهالسبوع اروح بيت اهلي لاني مو متعودة اقعد بوحدي بيتنا دايما متروس صجة وجهال وانا تعودت ومو متعودة اجلس لوحدي فزوجي رحب بالفكرة وقالي افضل من الجلسة لوحدك
وهي لازم طبعا راحت وقالت لزوجي كيف تخليها تروح بيت اهلها وكيف بتربي اولادك وياهم ( طايحين من عينها )
كرهتها في حياتي ماتخيلت بكرة حد كثرها
وهي طبعا زوجي تفضله ع اخوانها
المهم
وغيره وغيييييرة والله لو اجلس لين اسبوع احكي ما اخلص
بس الشي الي قهرني وحسسني بعدم قيمتي
هو اني شكيت لمن سافرنا السنة الي راحت انها دخلت شقتي لان بابنا تقفل قفلة وحدة وانا اقفله قفلتين وغيز العاب بنتي محلها تغير وغيره شفت بطانية لي عندهم بالصدفه
وغييييره الي اثبت لي ان ولدها زل لسانه وقالي انهم دخلو بطريقة غير مباشرة
ففكرت بالبداية انو زوجي قبل نسافر عطاها المفتاح
فقلت راح اسكت مو من حقي اتكلم وزوجي عطاها المفتاح
وبعد فترة تذكرت وسالته قالي ان ماعطاها المفتاح هي عندها نسخه من زمان لشقتنا
ااه انقهرت بجددد
وطبعا فتشت في كل شقتي حتى الثلاجة والغسالة فتحتهم حتى دواليب المطبخ كشفت عليهم والي اثبت لي انها قالت لي ليش تحطون بهاراتهم برا حطيهم بالفريز وليش غسالتج وسخه وغيره
انا انصدمت واستغربت
ودخلت بعد لمن ولدت
وذايما اذا راح زوجي الدوام ترسلي انتي بالشقة اوقات ارد ولمن شفتها تكثر اساله اقولها ليش ولا ترد
انا حسيت انها تتدخل بعد من وراي
ابي افهم ليش تسوي كذا
لهدرجة مريضة
والحين انا توني جاية من سفر رحت مع اهلي وبنتي وزوجي كان بالعمل والمفروض ارجع معاه بنفس اليوم بس صارت ظروف ورجع هو وانا مو بالبيت وهو ماعنده مانع وقالي انبسطي ولا عليك
ولدها عمره 3 سنوات يروح يقول لزوجي مرت مسكينة مو معاك طبعا انا ماصدقت لانو هي الي محفظته وزوجي بعد رد عليها قالها انا مبسوط وهي بعد
وزوجها بعد رايح لزوجي يساله زوجتك متى حترجع من السفر
وهو رجال غريب عني يسال عني انا انقهرت ليش يسال علي شدخله فيني
ورحت كتبت لها بالوتساب بدون علم زوجي ان اعرف انو هي حفظت ولدها يقول لزوجي وان زوجها ماله علاقه يسال متى حرجع ماله دخل وبلاش تسالو اساله فضولية
هي انصدمت وكتبت لي محاضرة طويلة منها انو توها تعرف انها فضولية وانها مراح تسال شي وانها خايفة علينا شايفتنا جهال قدامها الغبية وانو ماتوقعت مني هالكلام وانها تعتبرني مثل اختها وان اخوها اقرب شخص وانو انا لو احتجت شي مراح يقصرو وياي وسواقهم مايخلو غيرهم يركب معاه بس انا لو بغيت عاد يعني كله منيه ومعاير حسبي الله عليها
وراحت ورت زوجي الوتساب حقها وجلست تبكي له وهو هاوشني ليش قلت لها كدا
شرايكم
انا غلطانة
وشنو اتصرف
كنت مقررة.احط كاميرا مراقبة بس زوجي رفض لاني كنت ناوية افضحها
بس قالي زوجي روحي واجهيها افضل
انا مفككرة اروح لها هالاسبوع واتفاهم معاها
اتمنى تعطوني حلول ورايكم

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمه الله وبركاته
والله يختي مااقدر اجاوبك انتي اكثر وحده تعرف الجواب منا
لانا ماعشنا معكم نعرف كل شي
ومانقدر نقول شي نخاف ادخل بظلم احد

لان .. قد تكون حماتك هذا طبع فيها
وقد يكون ابنها سمع امه تتكلم كذا بدون قصد
ويمكن ويمكن


وان كانت فعلا مضايقتك تدخلها كان قلتي لها من اول مره او لمحتي لها


بالتوفيق


__________________________________________________ __________

تصرفك معاها صحيح بس الافضل انك واجهتيها زي مايقول زوجك واجهيها وصارحيها وقوليلها انك ماتسمحين لها تتدخل فيكم ولازم توقفينها عند حدها حتى لو زوجك يدافع عنها ومايرضى عليها المشكله يشوف هالشي عادي ان اخته تدخل بيته من وراه!!! طيب هالبيت موبيته هو وبس !! هو رجال متزوج وعنده زوجه وعيال عيب تدخله ولازم تستئذن منك انتي بعد راعية البيت مثل ماهو راعي البيت هلاشكال لازم تكونين صارمه معهم من البدايه وتوقفينها عند حدها وخليها تزعل واذا هالشي بيزعل زوجك مو مشكله خليه يزعل لانه اصلا على غلط ساكت لها تسرح وتمرح ببيتك


__________________________________________________ __________

اوقفيها عند حدها
المشكلة لقافة


__________________________________________________ __________

غيري مفتاح الباب وريحي دماغك


__________________________________________________ __________

اول واهم اشي انك تغيري سكرة الباب ((يعني المفاتيح )) واحرصي انو جوزك ما يعطي اختو نسخة
وواجيها بكل اشي وقليلها انك بتعرفي انو معها نسخه واحكي كل شي بقلبك....... هدول الناس بس بتيجي بالعين الحمرة..... ان لم تكن ذئبا اكلتك الذئاب..... عامليها متل ما بتعاملك وادخلي بحياتها بكل كبيرة وصغيري وادخلي بأولادها .....