عنوان الموضوع : أبــــوي ســبب أنــكســـاري مجابة
مقدم من طرف منتديات نساء الجزائر

أبــــوي ســبب أنــكســـاري



السلام عليكم ورحمه الله

ما أبغــى أطـول عليـكم


مشكلتي وعقدتي هي [ أهلي ]

أنا بنت عمري 15 سنه .. عندي 7 اخوان وانا اكبر وحده .. مشكلتي اني مو مثل اي بنت والله انا شكلي 15 لكن قلبي قلب 50 سنه من الهم اللي عايشته
قسسم بالله انني كل يوم ابكي وامووت من القهر ..
عشت طفولتي محرومه من الفرح والوناسه
مااتذكر انه تمنيت شي وحصلت عليه
حالياً انا بـ ثالث متوسط
تخيلوا ابوي منعني من المدررسه !!!!!
بعد ماخلصت سادس ابتدائي فصلني من المدرسه وبغيت اموووت صرت ما اعتبره ابوي بس ما اكرهه .. وبعد عناء طويل وافق يدرسني بس [ منازل ]
انا متفوووقه جداً وطمووحه وعااقله عكس البنات اللي اعرفهم وبنفس عمري
انا شغوووفه بالعلم لدرجه جنونيه
غرفتي كلها كتب .. وعندددي طموح عالي
وابووي حطم كل امالي .. قلت له يبه انا ابي اتعلم عشان اشتغل وارفع راسك
ضحك وقال مافيه بنت ترفع الراس
البنت من بيت ابوها لبيت رجلها !!!

ويقول لما تخلصين الثنوي بفصلك !!
يعني التعب كله على الفاضي

والله مانعني ما اطلع من البيت
ولا عندي صديقات وبنات عماني وخوالي
مايقعدون معي يقولون انتي معقده لانني ماعندي زي افكارهم والهبال ومدري ايش

احنا حالتنا الماديه فووق الممتازه ولله الحمد
لكن ما احس بهذا الشي
ماروح اسواق ولا شششي ولا اطلع ولا استانس
والله ماعندي الا التلفزيون حتى نت ماعندي
ملاحظه : هذا جهاز بنت عمي كبيره عمرها 24 وهي الوحيده اللي تقعد معي


والله طفشششت من الوحده

انا وحييييده وربي الهم ماكلني اكل
ما كاني صغيره
انا ماعشت طفولتي وشكلي بنحرم من مراهقتي ... ابغى احس انني انا وباقي البنات زي بعض
وربي فكرت انتحر من القهر والحزن

والله ما اتذكر متى اخر مره امي ضمتني !!
ولا اتذكر متى اخر مره ضمني ابوي !!

والله انني ما اقصر معاهم
للمعلومه انا واخواني نخاف من ابوي عششان كذا ما نناقشه ولا نقول له شي
لان وسيلته الوحيده هي [ الضرب ]

تخيلو بنت بعمري انخطبت اكثر من 5 مرات
لكن اهلي مايستشيرونني
يرفضون يقولون مانزوجك الا اولاد عمك

لو يتقدم لي شايب بـ اوافق
ابي افتك من هالعيشه بمووت
والله مو قادره اعيش

ابغى انتحر .. قولوا لي وش اسرع وسيله للموت ؟؟

مابي اعييش ..

حتى اذا ابوي عصب علي يفشلني
والله امس فشلني قدام عماني
لان المويه انكبت على الارض من غير قصد
وقد يسبني

انجرررحت بالحيل وهو ولا حتى يهتم

تخيلو يطق اخوي !!
اخوي عمره 14 وعاااااقل وهااادي
والله ما امدحه بسس هو كذا
وماله شخصيه من كثر الضرب

ابووي عصصصصبي عصصصصبي
وكل ششي يعصبه ماله الا الضرب

تدرون ليه حرمني من طفولتي ؟

كان يضربني !!
والله انه كان معذبني بالضرب على اتفهه الاسباب !!
والله كنت اتمنى ( العاب ) زي الاطفال
ولا يشتري لي !! .. ماكان يجيني الا من جدي الله يرحمه

والله اشياء كثيرررررره وكثيييييرررره

امس كنت ف بيت عمي مسوي عمليه واحنا جايينه
وكنت مستانسه لانني من قبل رمضان ماطلعت من البيت

ولما جلست مع البنات كانو يتكلمون عن المدرسه وسالتني وحده( انتي للحين ماتدرسين ) قلت ايه قالت ( كيف تتحملين اهلك .. لو انا مكانك كان انتحرت ) !!!!!

والله احززن اذا تكلمووا عن المستقبل و وش بتخصصون بالجامعه و وش بيصيرون

كل وحده ابوها سندها بالحياه
بس انا ابو سبب انكساري

.................

وش الحل معه ؟

كيف اتعامل مع ابوي ؟

اتزوج وافتك منن عيشتي ؟

انا غلطانه ولا لأ ؟؟


.....

انتظر ردودكم

>>>>> ردود الأعضـــــــــــــــــــاء على الموضوع <<<<<
==================================


ياحياتي وربي دمعت عيني بسببك
ابوك انا متأكده ميه بالميه النقاش معاه عقيم بلا اي فائده
والله انتي الان مالك الا الله مالك الا الدعاااء
انتو لو تعرفون قيمة الدعاء اقسم بالله لكان كل يوم تدعين لاتحسين بالملل انها مااستجابة كرري لان الشيطان هو اللي يحسسك بالملل اذا حس الدعاء قرب يستجاب

صدقيني ابوك يمكن سبب عمله هو اللي خلاه قاسي وجاف
انتي تعالي بيوم ابوك يكون مروق فيها جدا جدا وتكلمي معاه بهداوه ومن شنو تعاني وكذا واذا عصب بوسي راسه وهدي الوضع معروف بوسة الراس تطفي الفتيلة قبل النار

انتي عيشي حياتك لو لحالك انبسطي سوي اشياء مايسويها غيرك مثل تخترعي اي شي لانك باين بنت ذكيه ماشاء الله وحاولي ارفعي راس ابوك باي وسيله لين مايتأكد

بس اياكِ ثم اياكِ ثم اياكِ تفكري بالموت هذا اول مدخل من مداخل الشيطان بينهيك


__________________________________________________ __________

السلام عليكم ورحمة الله وبركاته
ياعمري انت ابوك قال لك لما تكملين الثانويه يفصلك ويجبرك على ترك الدراسه صح؟
الان انت في الثالث المتوسط
لسه امامك هذه السنه وكمان ثلاث سنوات اخرى في الثانويه
يعني اربع سنوات
ان شاء الله والدك الى هذاك الوقت يغير رأيه ويسمح لك باكمال الدراسه
انت بس استمري بتفوقك عشان تثبتي لوالدك ان البنات فيهم خير كثير
ولكن فقط عندي سؤال صغير
كيف قريبتك تقول لك هذا الكلام؟؟

ولما جلست مع البنات كانو يتكلمون عن المدرسه وسالتني وحده( انتي للحين ماتدرسين ) قلت ايه قالت ( كيف تتحملين اهلك .. لو انا مكانك كان انتحرت ) !!!!!

طيب انا اللي افتهمته انت الان في المتوسطه ووالدك وعدك الى نهاية الثانويه ويفصلك


تحياتييييييييييييييييي


__________________________________________________ __________

pakiza

والله انها بنت عمي !!
لكن عااادي بحكم الميانه اللي زايده عن حدها يرمون كلام وهو زي السهام
وهذي بس موقف من بين مية موقف بيني وبينهم

......

ومستحيل ابوي يغير قراره ويخليني ادرس
مستحييييييييل
15 سنه مااتغير يعني في خلال 3 سنوات بيتغير ؟؟؟


__________________________________________________ __________

البنت تدرس (منازل) يعني شوووو؟؟؟؟

الله يكون بعونك يارب ما عبالي في ناس يمنعو بناتهم من دراسة؟؟

بس وين والدتج كلميها تقنعه


__________________________________________________ __________

الله يعينك ياقلبي ويفرجها عليك