عنوان الموضوع : لااحتمل العزوبية
مقدم من طرف منتديات نساء الجزائر

لااحتمل العزوبية



السلام عليكم ورحمة الله وبركاته مثل ماشفتو الموضوع
انا انسانه شخصيتي طيبه حبوبة وعلى نياتي على قولة اللي حولي وعيبي خجولة بقوة ..سنعه واعرف السنع
عمري21 ونفسي تراودني على الحرام والعياذ بالله
جاهدت نفسي كثير احيانا تغلبني واحيانا اغلبها
مليت من العزوبيية ابي اتزوج انخطب اتملك اي شيء ..ابي اعيش مع شخص يكون لي سند وظهر ويعوضني عن ابوي الله يرحممه

لاتقولون صغيره ..صديقاتي بنفس عمري واصغر مني متزوجات وفيه منهم عندهم طفل والله العظيم مااحسدهم بالعكس افرح لهم مثل فرحي بنفسي
ودي اجرب يقولون لي اهلي انخطبتي استخيري ..ودي اجرب شوفه شرعيه وارتاح له ويرتاح لي ونملك ونتزوج ..مب لازم زواج مب لازم تكاليف انا ابي الستر وبس والله العظيم ...لاتقولون حافظي على الاذكار والاستغفاار ..لساني مايمل من الاستغفار ..سورة البقرة يومياً اسمعها ووالدعاء دعيته وبستمر بالدعاء لين تقر عيوني ..حتى اني مرة كلمت خطابه وجابت لي واحد امه اجنبيه بيتحسن النسل وكذا بس امي سفهتهم وردتهم ماتدري من وين جو ولا قلت لها مني عشان كنت خايفه ..الحين ندمانه مررة اتمنى اعترف بس والله مقدر استحي واخاف
والله ماارد احد ولا شيء ولا عندي شروط ولا عناد ولا خرابيط ابي الستر واستقر واكون اسرة ادعولي يمكن فيكم من هي مستجابه دعوتها يارب '(

>>>>> ردود الأعضـــــــــــــــــــاء على الموضوع <<<<<
==================================


راسليني خاص ان شاء الله في حل.


__________________________________________________ __________

السلآم عليكم ورحمة الله وبركآته
غآليتي ، العمر أمآمكِ ، فحآولي نسيآن أو تنآسي فكرة الزوآج ، إشغلي وقت فرآغكِ بمآيعود عليكِ بآلنفع ، حآولي محآدثة وآلدتكِ ، بإذن الله ستتفهم
أسأل الله العظيم رب العرش الكريم أن يرزقكِ الزوج الصآلح التقي
لآإله إلآ أنت سبحآنك إني كنت من الظآلمين


__________________________________________________ __________

تقولين لاتقولون لي صغيره وفيه اصغر مني تزوجو وعندهم عيال ......الا بنقولك صغيره والزواج لاحقه عليه توو الناس اشغلي نفسك بدراستك تغلبي على الرغبه بامور ثانيه بدراستك وبهوايه تحبينها او تعلمي شي جديد ....ولاتقارنين نفسك باللي اصغر منك المتزوجات وانتي تتوقعين ان الزواج راحه وسعاده؟!!بالعكس الزواج موكله حب ورومانسيه مثل ماتتخيلين الزواج مسؤؤلياات يعني تطبخين تغسلين تنظفين تربين اطفال ....وش لك بعوار الراس بدرررري....لاتفكرين كل المتزوجات مبسوطات ومرتاحات بعضهم يعانون مع ازواجهم معاناه لايعلم فيها الا الله ......والله يرزقك كل خير


__________________________________________________ __________

الله يرزقك بالزوج الصالح
طيب انتي من وين من اي منطقه
يمكن اقدر اساعدك


__________________________________________________ __________

عمرك من عمري وانا باقي مو متزوجه ولا مخطوبه واكيد الكل يبي الستر
لكن ماتوصل انك تراسلين خطابه العمر قدامك بس احسني الظن بالله وان شاءالله ربي يرزقك الزوج الصالح يارب العالمين
"دعواتك"