عنوان الموضوع : مشكله عاديه
مقدم من طرف منتديات نساء الجزائر

مشكله عاديه



السلام عليكم

مشكلتي يمكن تكون عاديه بنظركم ومو معقده ولكن هذي المشكله سببت لي ازمه صراحه اهلي من النوع المتشدد وما يصير البس اي شي كل شي ممنوع قصير بنطرون نص كم صراحه احس نفسيتي تعبت ودي البس نفس باقي البنات يعني مو قصدي اتفصخ وامشي لا يعني تعبت من نظر الناس حقي يعني كاني ما اعرف البس ومرات ابوي يزفني عند الناس على لبسي مع انه متستر وواسع بس عشان يوري الناس ان يعني بناتي م يلبسون قصير ولا ضيق صراحه تجيني البجيه وما ادري شسوي يمكن بعضكم يشوف هالشي عادي بس صراحه خلاص ما اقدر اتحمل بعد

>>>>> ردود الأعضـــــــــــــــــــاء على الموضوع <<<<<
==================================


عادي حبيبتي كلمي اهلك و قوليلهم ان لبسك مو حرام و انه ساتر
و في تنانير طويلة اشكالها حلوة م بلايز شياكة ،،
و بلايز طويلة للركب مع بنطلون مو مره ضيق برضو كلهم حلو و ساترة

و ربنا يحفظلك اهلك لانهم خايفين عليكي و يحبوكي ،، بالتوفيق في حياتك


__________________________________________________ __________

والله حبيبتي انت لازم تكلمين اهلك
ومقل ما قالت العضوة الي قبلي في تنانير طويلة
وانيقة واتصاميمه رائعه
وابدي معه اهلك ششوي شوي لا تعطيهم الكلام ورغبتك مرة وحده
بالبدايه حالوي تلمحين بعدين تكلمي الا ان تقوليل لهم الي نفسك فيه


__________________________________________________ __________

هو كلميهم و ناقشيهم حتى بالملابس يتدخلون..؟؟!! اصلاً سوري والله ما اقصد الإهانة بس سؤال شكو الأبو بملابس البنت؟؟!!!! كلميه و ناقشيه و لا تعطينه مجال يكلمچ بالموضوع يعني شنو يزفچ جدام الناس ما شافچ قبل لا تطلعين؟! خلي اهلچ يكلمونه اهم شيء نص چم و بنطلون ممنوع؛ شتلبسين عيل..؟!! كلميه قولي له شتبيني البس الدنيا حر و انا عند بنات و حتى لو في رياييل (اهو موجود يعني في على الأرجح) انتي محترمة نفسچ و لابسه نفس كل البنات! انا اللي مالي شغل احتريت والله فهميه ان الكبت يولد الإنفجار و ان اللي يستعرض جدامهم عضلاته عندهم الملابس اللي مانعها طبيعية! سوري ادري أسلوبي شبه وقح و انه ابوچ و ما ترضين عليه مهما كان بس احتريييييتتت!!!!!!! عذراً بس چم عمرچ اللي صاكين عليچ چذي ومتحكمين بلبسچ؟ ما اقصد ازيد النار حطب بس ترا الملابس و اختيارها اقل و ابسط حقوقچ الإنسانية خصوصاً انچ محتشمه يعني ما تبين مزلط و تبين ملابس عادية!



الله يعينچ و يلهمچ الصبر ادري زدت همچ هم اتمنى البنات يفيدونچ اكثر مني

عيدچ مبارك


__________________________________________________ __________

اممممممممممممممممممممممممممممممممم *.*
والحين بترتاح نفسيتج اذا لبستي قصير جدام الناس !!!
و صارت نظرة الناس انه ما يعرف يلبس الا اللي يلبس قصير ويطلع جسمه وتفاصيل جسمه جدام خلق الله ؟
والله تقدرين تفصلين لبس من احلى ما يكون ويكون ساتر
بالعكس دخلي الشيفونات والدانتيلات على اللبس بيكون كشخة
وخصوصا اذا كانت الدانتيلات على الكم والرقبة
وبالنسبة لابوج انه يهاوشج جدام الناس رمسيه يوم يكون رايق و قولي له انج تبين رضاه وما بتطلعين عن شوره
كل عام وانتي بخير

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

الله يعينك