عنوان الموضوع : طبيبة ورجل خمسيني -تم الاجابة
مقدم من طرف منتديات نساء الجزائر

طبيبة ورجل خمسيني



السلام عليكم ورحمة الله
اشكر لكم تفاعلكم في مشكلتي السابقة اللي اختي خذت خطيبي وامي حبيبتي مهمشتني ، وانتم مثل خواتي الله يجزاكم خير ودعيت لكم لوقفتكم معاي ولعل دعوة احداكن استجاب لها الله فأ نا على اتفاق مع رجل وربما انخطب قريبا رادعو ان كان فيه خير ربي ييسره وان كان فيه شر يصرفه الله عني ، والان اخواتي لجأت لكم بعد الله عز وجل لمساعدتي
قبل ادخل بالموضوع بوضح نبذة عني للي مايعرف وضعي علشان تكونوا صورة وخلفية عن الموضوع وتقدموا نصيحتكم على ضوئها .
انا طبيبةو جميلة الحمدلله بمنتصف الثلاثينات مطلقة من غير اطفال ولم يكتب لي الله الزواج بعد ذلك والحمدلله اعيش حياة سعيدة مع اهلي ولكن احتاج لزوج واطفال ، سمعت بنصيحة احدى الاخوات وسجلت في موقع العفاف للزواج وهو موقع اسلامي وان شاء الله يكون امن طبعا جاءتني طلبات كثير واغلب العزاب غير صادقيين وبعض المطلقين ممن تواصلت معاهم كانوا عصبيين جدا واسلوبهم غريب وبعضهم كاذبين بكل مره يناقض نفسه!
ومن خلال ماوصلني من طلبات فضلت رجل بالخمسين ومتزوج وحسب كلامه زوجته موافقة وهي مريضة
مااريده منكم يااخواتي الاخذ بيدي
اولا انا ماكنت افكر اتزوج بمتزوج لكن مررت بظروف جعلتني الغي هذا الشرط وارضى به وارجوكم لاتناقشون في هذا الموضوع لاني تعبانة جدا منه لكن مرض الزوجة قد يخفف الامر .
ثانيا هل الرجل في هذه المرحلة العمرية قادر على اعطاء زوجة في عنفوان شبابها حقوقها ؟
هل تعرفون قصص لزواج رجل خمسيني من بنت اصغر منه بكثير ناجحة ؟
هل تؤيدون الارتباط به ولاتقولون بيجي احسن مشكلتي عندكم ارجعوا لها وتعرفون ان هذه فرصتي في الزواج والاستقرار وتكوين اسرة .
ثالثا وش الاسئلة اللي اطرحها له لاعرفها قبل الزواج ؟
اللي عرفته انه محافظ على الصلاة متقاعد لديه ابناء وبيت ملك للزوجة الاولى .
لم اسأله هل يستطيع تأمين بيت لي لاني اخجل من هذا السؤال كذلك راتبه التقاعدي ..
ارجوووكم نبهوني وش اسأله قبل ان اعطيه بينات والدي
رابعا الشروط ماذا نشرط عليه سكن مستقل وعدم اجباري على ترك وظيفتي وماذا ايضا؟؟؟؟
ياليت ماتبخلون علي مثل ماقلت قبل علاقتي باختي متوترة بسبب مشكلة الزواج وصديقاتي بعد زواجهم وعنوستي يخشون على رجالهم مني ويلتقين معا بدون اخباري !!!!!!!
والله مالي غيركم بعد الله ولاتنسوني من صالح الدعاء وان الله يرزقني عاجل غير اجل بالزوج الصالح الذي يسعدني ويعوضني وجزاكم الله خير

>>>>> ردود الأعضـــــــــــــــــــاء على الموضوع <<<<<
==================================


مانصحك تاخذين واحد بالخمسين انتي بمنتصف الثلاثين موكبيره كثيرر وليه مادورتي عن طريق خطاابه تجيب لك شخص في الاربعين افضل .....من رايي ممكن تلقين فرصه افضل ولاتستعجلين ...


__________________________________________________ __________

يآنبضي
مآأنصحكِ تقبلي بمتزوج أيضآ بتعآني كثير وإنتي صغيرة على أن تتزوجي بخمسيني ..
حآدثي خطآبه مثلمآ قآلت الآخت " من الشرقية "
موفقهـ


__________________________________________________ __________

شوفي حبيبتي :
انتي استخيري وشوفي ايش الحل
ياروحي اعرف قصه زمان سمعتها انه مثل حالك تزوجت رجال كبير بالسن ومتزوج سالوها الناس قالولها ليش قالت لو كنت الرابعه لوافقت

هناك الاخلاق والادب لعب دور كبير جداً قوليله حابه اقابل زوجتك قابليها وتاكدي منها اذا كانت موافقه فعلاً وافقي
واذا لا اللهـ يكتبلك غيره

صحيح انتي صغيره بالسن وهاذا شوي فيه اختلاف بس ماعمره السن لعب دور

موفقهـ


__________________________________________________ __________

انتي استخيري فقط سمعت بوحده في نفس عمرك كانت متزوجه بواحد بنفس عمرها وجلست معه 15 سنه بس ما حملت فقالت له يتزوج بوحده ثانيه فوافق ومن اول شهر زوجته حملت فاشتعلت الغيره في الاولى وطلبت الطلاق وبعد فتره جاها واحد في الستين من عمره وافقت عليه وحملت ومعها ولد وهي سعيده معه


فالعمر مو مهم كثير المهم تستخيرين ولا تتسرعين واهم شئ الأخلاق والدين



بالتوفيق


__________________________________________________ __________

استخيري وفكري كويس رغم ان ضد تتزوجي متزوج وتدخلي مشاكل مع ضره يمكن تقول ان موافقه ويوم يتزوج يتغير كل شيء