عنوان الموضوع : محنوقة اوى -لصحتك
مقدم من طرف منتديات نساء الجزائر

محنوقة اوى



السلام عليكم ورحمه الله وبركاته
انا فتاه عمرى 26 عام تقدم لخطبتى شاب انا بصراحه اول مره جه البيت انا مش ارتاحتله بس بابا وماما قالو ده كويس انتى سنك كبر ودى فرصه وجربى المهم انا برده مقتنعتش بكلامهم لان انا اللى هعيش معاه المهم صليت استخاره وبعدها بكام يوم بابا كلمه ةقاله تعالى نتفق مع انى مش قولت لبابا انا موافقه لا بالعكس انا برده مكنتش مقتنعه بيه نهائى وخصوصا كمان هو من الارياف وانا من مدينه وكلامه واسلوبه ولغته مش متنفق معايا نهائى المهم بابا لما كلمه وقاله تعالى نتفق انا اتفاجات انه جاى هو واهله واتفقو حتى على الشبكه يوم ايه وانا مش موافقه المهم انا فضلت ساكته وقولت اجرب زى ما قالى بابا وماما . المهم بعد كام يوم كلم بابا وقاله انا جاى عندكو علشان عاوز يقعد معايا شويه بابا قالى قولتله ماشى علشان بابا اداله كلمه هو جه بقى وقعد معايا كنت مخنوقه اوى بجد منه ومش طايقه ابصله ولا اكلمه خد رقم تليفونى انا مكنتش عاوزه اديهوله بس قال لبابا انا عاوز رقمها وطبعا بابا قالى اديهوله فضلت قاعده ساكته بجد مش عارفه اتكلم معاه خالص فى اى حاجه بعد لما مشى بقى انا كنت مخنوقه اوى ولقيت نفسى بعيط كتير اوى من الخنقه واغمى عليا وقولتلهم يا جماعه والله انا مخنوقه منه بجد برده مقتنعوش بكلامى لقيت العريس بقى بيتصل بيا تانى يوم مكنتش عاوزه ارد عليه ماما قعدت تقولى ردى عليه رديت ومكنتش برده عارفه اكلمه اقوله ايه بعد ما قفلت معاه برده قعدت اعيط ومخنوقه وبرده هكذا عندى فى البيت مش مقتنعين المهم هما اتفقو على الخطوبه تانى يوم العيد وهننزل نجيب الدهب اخر الاسبوع انا مش عارفه بجد اتصرف ازاى انا مش عايزاه والله وكل يوم اعمل مشكله فى البيت معاهم اعمل ايه تنصحونى بأيه .....

اسفه طولت عليكم لكن فعلا انا مخنوقه اوى ومش لقيه حد يقف جنبى غيركو

>>>>> ردود الأعضـــــــــــــــــــاء على الموضوع <<<<<
==================================


الرفض احسن شئ
قبل لا يصير شئ قبل خطوبة
والله
يوفقك


__________________________________________________ __________

الـرأي رأيـكِ يـآقلبـي مـآأحـد يجبـركِ علـى شـي مـآتبغيـه !


__________________________________________________ __________

صلي استخارة والي راح يصير سواء كملتي ولا لا هو الخير لك

والله يعينك


__________________________________________________ __________

حبيبتي الرأي رأيك
كلمي أهلك وفهميهم أنك مخنووقة منه
واستخيري مرة تانية
وربنا يوفقك


__________________________________________________ __________

كلام البنات صح
الرفض الحل الوحيد