عنوان الموضوع : ابي افضفض لكن مجابة
مقدم من طرف منتديات نساء الجزائر

ابي افضفض لكن



السلام عليكم
يمكن في احد مايعجبه موضوعي بس حابه افضفض لكم والله قلبي مليان من الهم ،،
انا اليوم دخلت28سنة ولحد الآن ماتزوجت والله مقهورة ليه انا وش فيني حمدلله
صحيح جمالي عادي وفي ناس تقول اني جميلة طيب محد طق الباب ابداً متى اتزوج
واجيب اولاد بتقولوا باقي صغيره لاتضحكوا علي مابقى شيء على 30 الوحده اذا ماجابت اولاد من بدري وربتهم موتجيبهم وهي كبيره الي اعرفهم بعمري واصغر مني ماشاءالله ربي يهنيهم تزوجوا وانا اسمع فلانه ولدت وفلانه حامل واذكرهن هذول كان يلعبوا معي وانا صغيرة وانا باقي في البيت مثل ماانا اكيد الي ماهمه زواج وإلي ما يبي ولافي شيء بداخله ولاصغيرة ماتحس العمر يمشي بسرعه سنتين الا وانا بثلاثين والي تجي تقول همي الزواج وش فيها البنت اذا تبي الستر وتبعد عن الفتن وتتزوج هذا شيء من حقي الزواج سنة الحياة ودي اتزوج واستقر واكون اسرة ويكون لي اولاد يقول لي ماما هذا امنيتي الامومة ابي اشيل اولادي والعبهم واهتم فيهم هذا بعد من حقي وحمدلله متواصله مع دعاء واملي ماينتهى رمضان واحد يخطبني ،من رمضان الي فات وادعي ومتأمله دعواتك لاختكم ب تتزوج ويتيسر امورها وشكرا

>>>>> ردود الأعضـــــــــــــــــــاء على الموضوع <<<<<
==================================


انا الشهر الجاي بدخل ال27 مابكيت ولاتضايقت!!! عااادي يا بنت الحلال لاتكبرين الموضوع بكل بساطه كلمي خطاابه تدورلك زوج ......كل شي قسمه ونصيب الوحده ماتدري متى يجي النصيب واذا للحين مانخطبتي ابد مومشكله انك تكلمين خطابه والله يرزقك قريب


__________________________________________________ __________

حبيبتي

نــــــــــــــصـــــــــــــيـــــــــــــــــب ..

لو الله كاتب لك تتزوجين بتتزوجين حتى لو وصل عمرك 100 و مابقي في عمرك غير ساعة ..

السيدة خديجة رضي الله عنها بلغت الأربعين فتزوجت خير العالمين و أنجبت له البنين و البنات ..




.
.
.
قصة ..
سقط رجل في بئر وبدأ يصرخ مستغيثاً ..
فسمع الناس صراخهُ فقدموا لإنقاذه ورفعوهُ من البئر ..
فجاء رجل وأعطاهُ كأس لبن
يشربها ويرتاح ،
ثم سألوه كيف سقطت في البئر فبدأ هذا الرجل يصف لهم بالتفصيل كيف سقط ووقف على حافة البئر ليصف لهم ولكن في هذه المرة سقط ومات ..!!

يقول الشيخ المغامسي .. مُعلقاً على هذه القصة..
أن هذا الرجل بقي من رزقه شربة لبن فلما شربها وانتهى رزقهُ الذي كُتب لهُ، سقط في نفس المكان ومات ..!!


__________________________________________________ __________

استغرب من البنات اللي يفكرون ان الزواج اهم شي بالحياة ...!!!

المهم

حبيبتي ترى عمرك 28 والله صغيرة بالنسبة للبنات اللي يتزوجون بهالوقت اكرر يتزوجون بهالوقت

حبيبتي كان من زمان مافي دراسة ولا شي فكانت البنت من يصير عمرها 14 تتزوج واذا كبرت شوية عن هالعمر تصير عانس ... هذا زمان قبل

بس الزمان حبيبتي تغير صار اهم شي ان البنت تاخذ راحتها من ناحية الدراسة حتى تخلص وتتخرج وكمان تتوضف وتاخذ نفس بعد ما خلصت الدراسة والجامعة اللي يفقعون المرارة

والله انا صرت كلما اشوف بنت عمرها تقريبا 21 او 22 متزوجة تقلي ياريت لو ما تزوجت بسرعة ياريت لو شوية عشت حياتي

بعدين شوفي بنات الخارج بدول اوروبا واميركا كلهم يتزوجون فوق ال30 عمرهم

وكمان حتى ابشرك خالتي صار عمرها 32 سنة يلا تزوجت وتعرفين كم ولد جابت ؟؟؟

ولد وبنت

والحين حامل وهي عمرها 39 سنة

وصحتها ما شاء الله اقوى مني ومنك بعد وفرحانة ومبسوطة على الاخير مع زوجها اللي قدرها

لانها صبرت وصبرت وما كانت تقول انا اريد زوج بالعكس كانت تقول كل شي بوقته حلو ومن يجي نصيبي ما اقدر امنعه وفعلا الله رزقها زوج يحبها واعطاها ولد وبنت قمر

لذلك حبيبتي

الخص لك كل شي

1 الحياة قسمة ونصيب والا ما يجي نصيبك وتفرحين ونفرح فيكي

2 اكو اشياء اهم من الزواج واذا فكرتي فيها راح تعرفين معنى هالشي

3 مو معناها صار عمرك 30 سنة عنستي بالعكس الله يعطي للي يصبر احسن شي والله يرزقك بالزوج الصالح

ثقي بحالك



__________________________________________________ __________

ربي يرزقك بالزوج الصالح و لا تقطني من رحمة الله كل شي بيد رب العالمين


__________________________________________________ __________

الحمدلله على كل حال ..
ألزمي الدعااء بإلحاح وأبكي وتضرعي لله وانكسري بين يدي الله دام هذي رغبتك هذا حلك بإذن الله وانا بنت خالتي كانت متعقدة أمورها وانخطبت بالهبل ولا تم نصيب و بعد قراءة الرقية والاستمرار عليها وقراءة أذكار المساء والصباح تزوجت بفضل الله وهي الآن مبسووطة والحمدلله .. لا تيأسين والله يوفقك ويحقق أمنيتك يارب