عنوان الموضوع : تعقيب ، أزوج زوجي -تم الاجابة
مقدم من طرف منتديات نساء الجزائر

تعقيب ، أزوج زوجي



السلام عليكم

حبيت اوضح بعض النقاط ماذكرتها بالموضوع الاصلي

صح انا ما احب زوجي لكن ماقصرت معاه ومثلت اني احبة لدرجة لما يسافر ويكلمني اسوي نفسي ابكي من الشووق

طبخ و كلام حلوو هدايا واحترام الئ الن لكن كله تمثيل والهوشات مثل اي زوجين ماصارت بيننا مشاكل كبيرة ابد

لكن اللي مكرهني فيه ومطفشني انه بيتوتي حتى دوام مايداوم بس يوقع ويجي دايم دايم بوجهي

الشي الثاني انا كلمته وقلت له تزوج بسرعه هو ماصدق وقال كلمي امي و انا كلمتها قلت اخطبي له وهي رفضت قلت خلاص انا اخطب له قالت مالي شغل فيكم

وما احس بغيرة ابد لا الحين ولا قبل ونفسي ازوجه اليوم قبل بكره واصير ارتاح يوم ع الاقل

شرايكم ؟؟

>>>>> ردود الأعضـــــــــــــــــــاء على الموضوع <<<<<
==================================


اوكي انا موافقة
زوجيه ودلعيه وهننيه


__________________________________________________ __________

على بالك لزوجتيه بترتاحين؟!!! لا والله لتزوج يمكن يقلب عليك ويطفشك اكثررر وممكن زوجته الجديده تنكد عليك حياااتك وموحل ابدا انك تزوجينه وممكن هي بتغار منك وتدخل بحيااتك ويمكن ويمكن وتصير مشااكل كثيره وتدخلات ......واذا هو جالس في البيت خليه يجلس وش بيصير بالدنيا؟!! بس اذا تقصدين انه مايشتغل تفااهمي معه بهالشي او كلمي اهله يتفاهمون معه ابدئي بالتفاهم اول .....وماقلتي لنا شلون ماحبيتيه؟!!! وليه ماقلتي هالشي من البدايه اول مانخطبتي له؟!! امرك عجيب يابنت الناس


__________________________________________________ __________

انا راي زي راي الي فوقي حتى لو ماتحبيه بعد مايتزوج احتمال تأثر عليه زوجته او تغار واحتمال يكرهك او احتمال تطلعي تحبيه يعني انتي مارح تستفيدي شئ الا انك تهدمي بيتك وتضري نفسك بنفسك


__________________________________________________ __________

والله انك امرأه غريبه
تدرين زوجي لما يمزح معي يقول بتزوج اصير ابكي
واصرخ واظل ايام زعلانه
والغريب انك انتي حابه تزوجين زوجك واذا هو طلب
يتزوج سالتي حالك ليه ؟؟لانه تعب منك ومايبيك ومقصره معاه
يابنت ارجعي له تفاهمي معاه والله عجيب امرك يابنت وفرحآنه
من الي تسويهـ والله اذا تزوج راح تحسين انك دمرتي حياتك
بيدك
موفقـــهـ


__________________________________________________ __________

يعني ما عجبك بيتوتي
تبغيه يكون صايع ضايع وسفرات ودشرات وحفلات
أمر غريب
عالعموم لو تجوز غيرك هو الكسبان