عنوان الموضوع : تعبت منهم و ابي اتوب بس ما اقدر -لصحتك
مقدم من طرف منتديات نساء الجزائر

تعبت منهم و ابي اتوب بس ما اقدر



السلام عليكم بنات شخباركم مشكلتي ويا اهلي خصوصا اخوي و اختي اخوي اكبر مني بسنتين و كل يوم لازم يهاوش و يصرخ و يضرب صح احيان اكون غلطانه بس ما يتفاهم علطول ضرب اما اختي اكبر مني بست سنوات متزوجه من سنتين قبل لا تتزوج و بعد ما تزوجت تسوي لي مشاكل و لين جيت اقول لامي و ابوي يوقفون معاهم و يطلعوني انا الغلطانه حتى لو كنت الصح و بعد ما تزوجت اختي قامت تجي بيتنا و تنام مع زوجها في بيانا و صار لهم ثمانيه شهور اما زوجها يتغدى و يتعشى معانا و ينام و يمسح يده في الجدار و لما اتغدى معاهم امي كل شوي تاشر لي ان يدي تطلع او شعري مو ماخذه راحتي بالمره و مره سبح في بيتنا و طلع بفوطه بس و ساعات يخيلوني انام مع امي و ابوي عشان حضرته ينام معاها في غرفتي و كل ما اتكلم لامي و ابوي امي تعصب علي و تقول انتي ما تحترمي الضيف و اذا سمعش رجل اختش تقولي هالكلام بموتك من الضرب و مره تهاوشت مع اختي قامت اتصلت له و جا لي و كان يبي يضربني بالسير و اخوي كان قاعد و ما اتكلم باي كلمه و هي تضحك علي و ابوي كاننايم و امي تصلي صلاه الليل و لما قلت لامي بس في هالمره قالت له لا تدخل بين الخوات فزعل منها و اخذ اختي و راحوا بيتهم و قال ما بيرجع بيتنا الا لما امي تتصل له و تعتذر منه و تقول له اني هي راضيه على اللي سواه فيني قلت لامي اذا اتصلتي له انا بشرد من البيت و انا كل مره ابي اصلي احس شئ يمنعني ما افدر اصلي و كل يوم اقول بصلي اقول خليها لليوم الثاني و هذي حالتي و لما ابدا اصلي اقعد اشك بنفسي انا طاهره و له له اقعد اشك في ثيابي اذا نظيفين و له لا اذا وجهي فيه كريم و له لا و انا من قبل سمعت اذا ابي شئ ينفتح لي تنحل مشاكلي ابدا بالصلاه لكن ابليس ما يخليني دايم يوسوس لي و يقول جوفي هالبنيه تصلي و تصوم و تدعي و بعد في حياتها مشاكل ابي شئ يخليني احافظ على صلاتي و ما اخليها و المشاكل اللي صادتني في البيت خلتني اتجه لبرا الببت تعرفت على واحد ادري غلطانه بس والله ما عمري حسيت بالحب و الثقه الا معاه عطاني اشياء معنويه كنت فاقدتها من بيتنا ما اقدر اتركه صار جزء من حياتي و لو كنت شاكه واحد بالمئه انه يجذب جان هديته بس احسه صادق محتاره يا بنات ارجوكم ساعدوني

>>>>> ردود الأعضـــــــــــــــــــاء على الموضوع <<<<<
==================================


لا حول ولا قوة الا بالله يعني اذا عندهم بيت ليش يجو يقعدو معاكم عيب مو محرم يعني هو لا يخجل
وكلي الله و شغلي سورة البقرة كل يوم في غرفتك فهي طاردة للشياطين اما عن الصلاة فالشيطان هو الذي يوسوس لك لازم تكون عندك ارادة و عزيمة و تتحدينه يعني اذا حبيتي تصلي و وسوسلك انك تاجليها لازم اولا تقولي اعوذ بالله من الشيطان الرجيم و تقولين لا يا شيطان لن تغلبني و تقومين
و افضل وقت انك تبداءي الان ما دامت الشياطين مربوطة و تاكدي لما تبدءي الصلاة و داومي عليها بس اسبوع رح ترتاحي و تحبيها و لن تستريحي حتى تصليها كلها في وقتها
اما عن زوج اختك كلمي امك و فهميها انو حرام مو محرم و عيب و اذا رجع انت روحي عند اخوالك او اعمامك او كلمي ابوك اكيد لن يرضى ان يضرب ابنته رجل غريب
اماعن حبيبك لن اقول لكي اتركيه لانني جربت الحب لكن اختبريه ان ياتي يخطبك و شوفي ردت فعله و احكمي
وفقك الله و رمضان كريم


__________________________________________________ __________

زوج اختك ما عنده بيت ؟؟؟؟
مخلي بيتكم مثل فندق

اووووووف وش ذي استغفر الله يطلع بلفوطه بلفوطه !!!!!!!ما يستحي على دمه ما يقول في بنت ما تحرم لي
يطلع ويخرج على كيفه
الغلط في ابوكي وامك الي معطينه وجهه زيادة عن لازوم واذ حضرو للبيتكم لا تعطينهم وجهه
يمكن يبون يستفزونك
ولا تقولين ما اقدر اصلي وما ادري ايش صلي وخاصمي شيطان واطرديه من حياتك
وبالنسبة لحياتك مع شخص الي تحبينه اتمنى من الله ان يجمعكم مع بعض


__________________________________________________ __________

ما ادري هو مسلسل هندي أو ايش!!
ممكن اختي تعيدي رواية الحلقه لاني ما استوعبتها أبد أبد


__________________________________________________ __________

الصراححهه قويه وقويه انهم يطولون معكم لا وينامون في غرفتكك
انتي استحملي واصبري ان الله مع الصابرين
بس ماله حق يضربك ولا له دخل لا تستحين منه واخذي حقكك منه اذا سكتتي عن حقكك من راح ياخذه ؟
امممممممم اما عن الصلاه حبيبتي اول شي اكثري الدعا انه الله يثبت قلبك وتتوبين لانه علىى كثر ماتدعي تتحق امنيتك , وانتي حاولي تصلين حاولي بقوة
اما عن الرجال الي تكلمينه صدقيني هاذا لان عندك فراغ عاطفي وعندك وقت زايد
اذا حاولتي تشغلين وقتك مارح تفضين تفكرين في هالاشياء : اقري قران , صلي , استغفري , ادعي , على الاقل املي وقتك مثلا بعد التلفزيون او الروايات او منتديات او اكلات او اجلسي صوري كثثثير اشياء تقدرين تسوينها تخطف وقتك


__________________________________________________ __________

السلآم عليكم ورحمة الله وبركآته
أولآ أهنيك على صبرك لآنه وضع لآيحتمل أبدآ
غآليتي
حآولي أن تكوني حآزمة ولآتعطيهم غرفتكِ لآنهآ ملكك إنتي هم عندهم منزلهم
لآتسمحي له يمد يده عليكِ ومن المفترض أن لآيرآكِ لآنكِ لسيت محرم له
مآإن قلتِ أنه خرج بآلفوطة !! إتضح لي مع إحترآمي أنه لآيخجل أبدآ
والحيآء صفة يجب أن يتحلى فيهآ المرء ..
تفآهمي مع وآلدتكِ ووآلدكِ بطريقة مهذبة أن تمنع عليهم دخول غرفتكِ
وأن يكونو مجرد زوآر ..
حسني علآقتكِ بأخيكِ لآنه سندكِ في هذه الحيآة
حبيبتي بآلنسبة للشك كونكِ طآهرة أو لآ هي مجرد وسآوس من الشيطآن
كوني قريبة من الله وحآفظي على الصلآة لآنهآ تنهى عن الفحشآء والمنكر
أتركي الشآب الذي أحببتيه لآنه إذآ كآن يحبكِ حقآ فليطلب يدكِ ويحرركِ
من سجن عآئلتكِ ..
.
.
لآإله إلآ أنت سبحآنك إني كنت من الظآلمين