عنوان الموضوع : اسسستحي من زوجي شو اسوي
مقدم من طرف منتديات نساء الجزائر

اسسستحي من زوجي شو اسوي



شحالكم خواتي
والله اني متضايجه وااااايد ومب عارفه شو اسوي
انا صالي سنه متزوجه وحيييييل استحي من ريلي من ناحيه اللبس القصير وجي
بس الموضوع مب موضوع مستحى وبس
انا جسمي مليااان بلاوي سيقاني عريضه سويت تمارين قبل الزواج بس ماشي فايده
غير جي فيه ترهلات بجسمي كله صدري بطني فخوذي سيقاني وعضودي واردافي وعلامات التمدد ف كل مكان والسواد مافي شيء فيني عدل والسبب اني
كنت متييينه ايام المراهقه ومطنشه ومااحد كان ينبهني لهالشيء بالعكس اللي حولي كان يحبون المتن ويشوفونه شيء زين
من دشيت الجامعه كرهت شكلي وشديت على نفسي ونحفت صار كل من شافني ينبهرر بشكلي من برا وكيف تغيرت بس مااحد يدري عن البلاوي اللي مخبيتنها
استخدمت كريمات ورحت لدكتوره ورياضه بس ماشي فايده لين انخطبت وكنت رافضه عشان جسمي بس اصروا علي اهلي لان ماشافوا سبب مقنع للرفض
تم الزواج وريلي كان عاجبه جسمي بس كان كله يشوفه وانا متستره قال باتركج فتره تتعودين علي وتالي تلبسين قصير وجي
تميت سنه احين وحامل وريلي بدا يضغط علي واااااايد من ناحيه اللبس يقول ابيج تلبسين قصيير
انا البس له قصير وقت النوم بسسس على النور الخفيف والشموع بس هو يقول لا ابيج كل اليوم بلبس خفيف كل ماقالي جذي احس اني ضاااايجه
ارفض وهو يعصب يقولي مافيه سبب ليش ترفضين اقوله استحي يقول مو معقول تمينا سنه وبعدج تستحين وانا عارفه ان معه حق
ماادري شاسوي بنات زياده على بلاوي جسمي انا حامل وكرشه احين وغمجت عندي مناطق زياده يعني جسمي يفشسشل
انا عارفه مشكلتي مالها حل ويمكن بعضكم يشوفها عاديه بس والله مب عاديه عندي ريلي صار يطالع البنات في التي في اكثر عن قبل وعارفه انا السبب
بس شو اسوي ودي اكمل تمارين تشد جسمي احين بس اخاف على الجنين والله مو عارفه شلون اتصر
اخاف اتهور والبس له قصير ويشرد عني الريال وصج يعوووفني والله اني وصلت لمرحله صرت اقول ارد بيت اهلي بكرامتي قبل لايشوف جسمي وهو يعوفني بس اتذكر الطفل اللي ببطني واحتار اكثر شو اسوي

عارفه مشكلتي مالها حل بس حسيت ودي افضفض ومااقدر اقول هالرمسه لحد يعرفني

>>>>> ردود الأعضـــــــــــــــــــاء على الموضوع <<<<<
==================================


لا حبيبتي من رايي انك تصارحي زوجك و تقوليلوا انو خايفة ما يعجبو جسمك و انك سويتي رجيمو صار في عندك ترهلات و شوفي شو يقلك يمكن يتفهم و ما يكون مثل ما قلت الله يوفقك


__________________________________________________ __________

الأفضل تصارحيه وخليه يعرفها منك بالطيب قبل لا يعرفها بالاكراه حيكون تقبله للموضوع احسن وممكن يساعدك في الموضوع يوديك دكتورة تجميل او غيره


__________________________________________________ __________

يعني بالمنطق كيف صارلك سنة وما شاف جسمك؟؟؟؟؟؟؟؟
غيري وبدلي بالكلام
لا يا عيني هو شافه وعارف منيح بس أنت بتهيألك إنه هو مش شايف
بالعكس البسي قصير وخليكي واثقة من نفسك ولا كأنه في حاجة من اللي حكتيه
من ثقتك بنفسك ما راح ينتبه وحتى إدا انتبه ممكن ما يهتم
أبدا أبدا ما تبينلوا إنك خايفة جسمك ما يعجبه..... من الآخر ما تفتحي عيونه على شي هو أصلا مو منتبهله


__________________________________________________ __________

الله يعينك


__________________________________________________ __________

البسى قصير مع الشراب الطويل عادي يشد جسمك وانتي لابسه قصير
كل البنات كذا حتي اللي م عندها ترهلات مستحيل تلبس قصير بدون شراب طويل
ونصيحتي لا تفتحين عيونه يمكن هو م ينتبه وانتي تخربين على نفسك
سوى اللي قلتلك عليه و ان شاء الله تنحل كل مشاكلك