عنوان الموضوع : رجيم لشهر رمضان تكفون الطبيب يجيب
مقدم من طرف منتديات نساء الجزائر

رجيم لشهر رمضان تكفون



السلام عليكم ورحمة الله .


بنات انا قبل زواجي كان وزني 70 وطولي 171يعني كان شكلي مقبول
والحين خلال سنه صار 88 وتعققققدت مرررره من شكلي وملابسي ضاقت علي
احس زوجي مسكين كاره شكلي وما الومه بصراحه اختفت معالم الانوثه بجسمي
وهو بعد مايشجعني الله يسامحه اقوله مسويه رجيم يروح يعزمني ع مطعم ولا يروح يجيب لي شبسات وشوكلت وانا اللهم ياكافي ابلعهم عن بكرة ابيهم منى عيني ارجع ل70 اللي كنت كارهتها اول ..

طالبتكم ابي نظام غذائي امشي عليه في شهر رمضان الله يبلغناه واياكم ويعيننا
على صيامه وقيامه وياليت يكون متنوع مابي اتقيد وامل منه وبرضو مشكلتي ما اعرف اسوي
طبخات صحيه ياليت تعطوني افكار لطبخات صحيه اقدر اطبقها تكسبون اجر فالانثى المخشوشه جواتي وجعلها يارب في ميزان حسناتكم

>>>>> ردود الأعضـــــــــــــــــــاء على الموضوع <<<<<
==================================


وقت الفطور ابدأي بسنة النبي عليه افضل الصلاة والسلام
ثم بيضه مسلوقه أو بيضتين مع عصير برتقال فريش
وعلي الساعه 12 الليل كلي دجاج مشوي فحم مع طبق سلطه او سمكه مشويه وطبق السلطه يكون بدون طماطم وبدون جزر
والسحور زبادي قليل الدسم مع تفاحه
ولو فيه جوع بين اي وجبه بينهم خللي اكلك يكون تفاح خيار خس


__________________________________________________ __________

وممكن تستخدمي شاي للتخسيس امن وصحي اسمه صوفي ونوعي اكلك تفاحه زبادي قليل الدسم برتقاله اناناس كيوي تونه بدون زيت موزه واحده فقط وليس اتنين اهم شئ اي اكل صحي يكون بعيد عن المقليات والزيوت


__________________________________________________ __________

ابعدي عن النشويات والسمبوسه


__________________________________________________ __________

اسمعي
قللي أكل فقط
يعني مو كل خمس دقايق تاكلين شي مايفيدك مثل
بطاطسات غازيات جلكسيات
أحذرك ثم أحذرك تاكلين وتنامين على طول هذا اللي يسبب لك السمنه المفرطه
وكمان
اذا جاء الرمضان قللي اكلك من الزيوت والملح والسكر
يعني لما تفطري تمر وماء وقهوه التمر لاتتعدى اكثر من اربع تمرات
بعدها صلي المغرب واجلسي شويهه يعني ساعتين كذا وبعدها
كولي الاشياء الصحيه مثل الشوربه وابتعدي عن الماجي
شوربه عدس شوربه خضار
و فواكه وخضروات
ولاتنسي الأكثار من الماء اشربي قد ماتقدرين بس مو مره وحده لا
كل شويه اشربي
ربي يسهل عليك وتنحفين


__________________________________________________ __________

قللي من اكل الحلويات لأنها تزيد الوزن كثير
وخلك على العصاير لايصيرلك جفاف
وقبل السحور امشي ساعه