عنوان الموضوع : بنتي ودلعها الزايد عند أبوها مجابة
مقدم من طرف منتديات نساء الجزائر

بنتي ودلعها الزايد عند أبوها



عندي طفلين بنت وولد... البنت عمرها 4 سنوات والولد عمره 7 شهور الله يحفظهم لي ، مشكلتي أبوها الي هو زوجي مدلع بنته الى آخر حد ما تتصوروا ويحبها كثير ، أولا أنا ما أقول ما يحبها وما يدلعها بالعكس بس بحدود.

بقولكم مواقف


لما نطلع نروح نتسوق أو سوبر ماركت ولما هي تشوف شي يعجبها من الألعاب أو زي شي ثاني تقول أبي هذا على طول طلباتها أوامر حتى لو السعر غالي المهم يشتري لها


وأيظا لما تعمل حاجة غلط أجي أضربها أو أوبخها من باب التأديب تروح تبكي عند أبوها وترتمي بحضنه ويجي عندي ويقول ليش تضربيه البنت هذي صغيرة ما تستحمل الضرب وووو.....الخ
أو أحيانا يجلس يراضيها ويحبها لما تكون زعلانة مني ويقولها اليوم بنطلع بالسيارة مشوار وبنتمشى أنا وانتي وأمك ما راح نشلها معانا خلها تخيس وتقعد في البيت عشان مرة ثانية ما تضربك وتوبخك

تصدقوا صارة بنتي ما تبغيني أجي معاهم لما يطلعوا مكان وحتي تقول لأبوها لا تشل ماما معانا ما نبغاها

أنا جلست مع زوجي وفهمته أكثر من مرة تربيتك البنت راح تروح منا والسب انت ودلعك الزايد لها وووو....الخ.
قالي خلاص أنتي تصرفي معها أنا ما أدخل بينكم
بس ما شي فايدة كل ما أتعامل معها البت وأوبخها يقولي لا تضربيها أنتي قاسية مع البنت
أقوله ها ويش أتفقنا قال ما أقدر أشوف البنت تبكي وتجيني تراها تكسر خاطري كثير

أووف أنا تعبت ويش الحل مع هالرجال ساااعدووني

>>>>> ردود الأعضـــــــــــــــــــاء على الموضوع <<<<<
==================================


حبيبتي أسلوب الضرب غلط
بنتج 4 سنوات تعتبر طفله

حتى الرسول قال ‏(‏مروهم بالصلاة لسبع، واضربوهم عليها لعشر‏)
قال لعشر اضربوهم ولأجل الصلاه مو لسبع سنوات الضرب لأجل الصلاه


يعني بنتج طفله
لازم تحاولين تفهمينها بأسلوب ثاني غير الضرب
حاولي تسايرينها علشان تقتنع بكلامج
واذا مافي فايده
عاقبيها انج ماراح تطلعينها اليوم
او ماراح تعطينها هاللعبه
او أي شي

وحاولي تقولين لزوجج أيضا يكون معاج مايكون ضدج في هالشي علشان البنت تتقبلج ايضا


__________________________________________________ __________

غآليتـي الضـرب خـطـأ
إستعملـي الحـوآر والنقـآش معـآهـآ لآن الضـرب بيخليـهـآ تعـآنـد أكثـر وممكـن تكـرهـك
حـآدثـي زوجـك إنـه يكـون معـك مـش ضـدك
مـوفقـه


__________________________________________________ __________

بالنسبه اللي يقولون ان الضرب خطأ ليش!!!
في مواقف لزوم يضرب الطفل علشان يتأدب ومايكرر الخطأ ويصير دلوع
مب سالفة اني شريره او معقده لا بس الضرب بعض الأحيان يأدب
يعني عزيزتي طارحة الموضوع ماذكرتي ليش ضربتيها


__________________________________________________ __________

عادي اتركيها تتدلع هذا ابوها الله يحفظها ويعافيها


__________________________________________________ __________

تربيه مو بشده ولا دلع الزايد اجلسي فهمي زوجك انتي عاد لاتظربي البنت وتقسي عليه لا