عنوان الموضوع : امي تعبت مني ودعت علي -لصحتك
مقدم من طرف منتديات نساء الجزائر

امي تعبت مني ودعت علي



السلام عليكم ورحمة الله وبركاته
.........
عمري 14 سنة ...
راح اعطيكم نبذة عن نفسي اللي كرهتها :
بعض الاحيان اعصب من اشياء تافهه , مثلا قلت لامي اني ابي كذا
واذا ماقدرت اعصب واسوي سالفه , وهي فديتها تحاول تهديني بس انا مطنشتها
واذا جلست بيني وبين نفسي اتحسف قد شعر راسي واجلس ابكي << مدري ليش
واليوم عندنا عزيمة قمت قلت ما ابي انزل لهم ... وهي جلست تهاوشني : أنتي تبين تفشليني عند الناس , انا تعبت منك , ياليتني ماجبتك , و ان شاء الله تجيبين بنات يسوون فيك نفس ماتسوين فيني .. إلخ
انا كنت اسمع كلامها بس اسوي انه مايهمني , ويوم طلعت جلست ابكي حسيت انها صدق تعبت مني وماتبيني
بنات انا من جد كرهت نفسي مدري ليش اسوي كذا . وكل مافكرت انزل اعتذر لها احس اني ما اقدر . احس راح اذل عمري << مالت علي وعلى تفكيري
تكفون انصحوني , واذا تبون هاوشوني عادي اهم شي اني اترك طبعي هذا

>>>>> ردود الأعضـــــــــــــــــــاء على الموضوع <<<<<
==================================


الله يصلحك ، هذي فترة مراهقة وراح تمر بإذن الله .
أكثري من الدعاء عسى الله يصلح حالك
رددي: يا حي ياقيوم برحمتك أستغيث أصلح لي شأني كله ولا تكلني إلى نفسي طرفة عين.
والله سيساعدك ويصلح أمورك


__________________________________________________ __________

وعليكم السلام ورحمة الله وبركاته ياقلبي انا اقلك اعتذري لامك وصدقيني اول ماتعتذري لها راح تسامحك لانه قلب الام مهما سوت مافي اطيب منه انا بنتي عندي كذا تزعل من اي شي وتعصب وبعد شويه ترجع تعتذر مني اعتذارها هذا بالنسبه ليه يفرحني مررره لانها باعتذارها تعترف بغلطها والله اني مااحب ارد لها طلب لكن موكل شي لازم انفذه لها عشان ماتتعود على كذا وتكون قنوعه الله يصلحك ويوفقك لكل مايحبه ويرضاه ويجعلك باره في امك


__________________________________________________ __________

ههههههههه والله انج عسل ,, الله يصلح حالج حبيبتي وحاولي مسكي نفسج وطيعي امج والله يوفقج ان شاءالله


__________________________________________________ __________

حبيبتي والله انا نفسك وعندي نفس مشكلتك وبنفس عمرك
كأنك أنا !!
المهم الله يهدينا انا وأنتي


__________________________________________________ __________

هذي امك واعتذارك لامك ابدااااا مو اهااانه ولامذله بالعكس امك برضاااها عليك ربي بيرضى عليك .......اذا غضبتي امك ربي بيغضب عليك روووحي راضيها وتاسفي لها وبوسي راسها علشان ربنا يرضى عليك وتتوفقين بحياااتك ولازم تسمعين كلااام امك وتطيعينها اذا قالت لك شي قولي حاااضر ....صدقيني اي كلمه تقولها لك امك اكيد لمصلحتك وهي تبيك تحضرين العزيمه علشااان تنبسطين وتفرحين وتغيرين جووو وحتى نفسيتك تكون احسن ولااازم تشوفين البنات والحريم واللي ماتعرفينهم تتعرفين عليهم ....غلط تتركين امك لحالها بالعزيمه لازم تكونين موجوده معها واكيد المعازيم بيسئلونها عنك وش تبينها تقولهم؟!!!!! تقولهم ماتبي تحضر؟!! وانتي ماعندك سبب مقنع وجالسه تعاندين امك وتعاندين نفسك على الفاضي.......احضري العزيمه علشاان خاطر امك هي تحتاجك وعلشان بعد تساعدينها بالعزيمه واذا رحتي واعتذرتي لها اكيد بتفرررح كثير