عنوان الموضوع : خايفة اكون علة على زوجي
مقدم من طرف منتديات نساء الجزائر

خايفة اكون علة على زوجي



اكتب لكم قصتي ودموعي تنهمر انا متزوجة صار لي سنة ونص ومتغربة بحكم زوجي مبتعث يدرس برا مشكلتي اني تربيت على يد ام وأب قاسيين وكانت تربية شديدة والشي هذا اثر على كلامي وثقتي بنفسي بمعنى اني في حياتي الاجتماعية اتعلثم وماعندي طلاقة في الكلام زي بقية الناس وماعرف اعبر عن الشي اللي ابغى أوصله
والدكتور شخص حالتي وانا في الابتدائي قال ان هذي حالة نفسية وفقدان الثقة بسبب الصرامة في التربية ونصح اهلي انهم يخفون علي
وللاسف ماخفو و الحالة هذي موجودة عندي لين الحين وما عندي ثقة في نفسي ماعندي سرعة البديهية يعني لو احد استهزء فيني بمزحة معرف أرد في وقتها ابتسم بعديييين استوعب واعرف أرد بس وييين خلاص خلصت السالفة وطبعا حس الفكاهي على قدي ماعرف اجذب الناس وحاولت اطور حالي وقريت كثير ماعرف شسوي لما اعزم البنات علامات الملل في وجهوهم ومهما ألطف الجو محد يتقبلنييي شفتو الشخصية الثقيلة الدم وماتنبلع انا اتوقع هذي شخصيتي بالنسبة لهم وانا مو حاسة بعمري
من قبل كم يوم اتشجعت اسوي عزومة كبيرة اول مرة في حياتي اسوي عزومة هذي الكبر وكانت مغامرة وعزمت فيها البنات اللي اعرفهم لما جو رحبت فيهم وضيفتهم وتكلمت معاهم بس تعابير وجوهم ماتوحي انهم منجذبين لي اصلا قلت معليش مو مشكلة احاول افكهم واتودد وامزح مافييي اي استجابة ولما يتكلمون مع بعضهم واشاركهم في الحديث محد يستوعبني او يستصيغني كاني اتكلم اعجمي وهذا الشي حطم ثقتي بنفسي جدا
المهم ان اليوم اللي بعده على طول سمعت انهم سوو عزومة ماعزموني واللي بعده برضو سوو حفلة عيدميلاد ماخلو احد عزموه ولا تذكروني
زوجي لما عرف حزن علي لان هو دايما يقول لي انتي ماتبادرين انتي حساسة زيادة وانتي وانتي بس الحين شاف بعينه كيف تعبت بهالعزومة وعزمت حتى اللي ماكان يعزمني وعززتهم وحسستهم كأنهم في بيتهم
انا سكت فقال لي حالك يعني يقطع قلبي قلت عادي انا متوقعة هالشي ماعدت انصدم سويت روحي قوية بس من داخلي ااااه ما اصعب الكلمة والاصعب ان زوجي شخصية اجتماعية درجة أولى ماشاءالله و كلامه واسلوبه حلو بس من تزوجته صار يجلس معي مايطلع لان يشوفني دايما جالسة لوحدي شكلي بيوجع القلب وانا قاعدة بحالي انا اقوله اطلع ماعليك مني انا عادي تعودت مااتضايق بالعكس بتضايق انك تكنسل كل شي عشاني ابيك تعيش حياتك ياحبي بس مافي فايدة ااااه احس صرت علة على قلب زوجي
رجاءا ساعدوني باقتراحاتكم الردود من غير تجريح لاني مو ناقصة الم من الناس

>>>>> ردود الأعضـــــــــــــــــــاء على الموضوع <<<<<
==================================


الأمر بسيط جدا اعيدي برمجة دماغك انك شخصيه محبوبه وذكيه واجتماعيه ( كرري دي الكلمة بصوت عالي قبل النوم كل يوم ) وصدقي الفكرة وامني بيها تلقائيا حتتغير تصرفاتك على حسب الافكار الجديدة الشغله ومافيها امسحي كل الافكار السلبية اللي كونتيها عن نفسك وماتخدم اهدافك واستبدليها بافكار جديدة وايجابيه وصدقيها وحتتغري باذن الله


__________________________________________________ __________

حبيبتي ما عليكي انت عمرك ما راح تكوني علة على احد لا تفكري بهاي الطريقة بعدين زوجك لو ما بحبك وبستمتع في الجلوس معك كان طنشك وطلع يعيش حياتوا استغلي جلوسو معك واتكلمي معو واستفيدو منو


__________________________________________________ __________

اذا ماعزموك لاتفكرين تسوين عزيمه مره ثانيه ولايهمونك واذا عزموك اعزميهم يعني وحده بوحده عامليهم بالمثل.......وزوجك قوليله يطلعك دامه جالس عندك اطلعي معه غيرو جوو روحو مكاان رومانسي وهو جالس عندك بارادته مو انتي اللي قلتيله يجلس ...عااادي بس انتي حاولي تسوين تغيير شوي بدل مايكون جالس اطلعو مع بعض....وسويله جوو رومانسي بالبيت


__________________________________________________ __________

إلا مايعزمك لا تعزميه ، وإلا ما يقدرك لا تقدريه ، خليك دايما متفائلة وإزرعي الثقة بداخل عقلك .قولي إنك حتكوني إجتماعية وحتكوني إيجابية ولاتفكري بالتشاؤوم .. ولا يهموك ..

تقبلي تحيتي / شهد بنت عبد الرؤوف


__________________________________________________ __________

حبيبتي لاتهتمين بأحد
والحياه ماتنتهي لهسبب وتعيشين في هم وحزن

طلعيمع زوجج تمشي عالبحر او روحوا مناطق قريبه منكم بالويكند غيروا جو
روحوا المجمعات
أماكن ترفيهيه