عنوان الموضوع : اخويه وبنته -لصحتك
مقدم من طرف منتديات نساء الجزائر

اخويه وبنته



السلام عليكم ورحمة الله وبركاته

أتمنى من أداره المنتدى تنزل موضوعي لآني محتاجه استشارتكم..
انا اتكلمت مع اكثر من مجموعه أشخاص زميلاتي بالعمل وصديقاتي وغيرهم وأخذت برأيهم بس محتاجه اخذ برأيكم يمكن ألقى حل أفضل للمشكله.

انا عمري تقريبا 28 واعيش مع الوالدة الله يحفظها ويطول بعمرها وأختي الي تدرس بالثانوية ما تزوجت الي الان ما جا النصيب لسا اذكروني بدعواكم،
المشكله مو هنا المشكله في اخويه هو ثاني اخواني للأسف حياته غريبه لكن ما اقدر أتكلم
ما نشوفه الا في المناسبات فقط وأحيانا ما يحضرها هو له فتره كذا من وفاة زوجه الاولى الله يرحمها..
بعد سنتين من وفاتها اتزوج بوحده كانت مطلقه والبنت تعتبر صغيره وغير مسؤله وكان يترك زوجته وبنته معاها وأحيانا يسافر ويترك بنته لوحدها في البيت انا خايفه بس على بنته هو ما همني لآني تعتب معاه من كثر ما أكلمه
البنت الحين عمرها 17 بعمر اختي وخايفه انها تضيع اكثر من كذا حالها جدا سيء تخرج وما ترجع الا الليل متأخر مستواها الدراسي نازل جدا مع انها ذكيه ماشاء الله وغير كدا ملابسها كلها قصيره وضيقه وتخرج بيها والعبايه مفتوحه والطرحه على كتفها وغير كذا حكايه التخريم مرا قهرتني فيها خارمه بشفتها للأسف انصدمت لمن عرفت معنى الحركه وتعرفون قصة الشعر الي جنب ناحته شعرها بالمكينه والجنب الثاني عادي طويل مسويتها بعد وغيرها من أشياء ثانيه ما اتوقعت ان بنت اخويه تسويها وإذا جيت أتكلم مع اخويه يقولي خليها على راحتها ما ابغا اضغط عليها ودائما يدخل في وجهي وما يخليني اسوي شي

الصراحه ما اقدر اخلي البنت تضيع اكثر وسمعة العيله معاها من كذا فقررت اني أكلم اخويه الكبير والوالدة اننا ناخذها تعيش معانا وانا عندي المقدره اني اصرف عليها الحمدلله من راتبي فايش رأيكم ولا في حل ثاني ممكن اسويه والى الان خايفه من رده فعل اخويه اذا أخذت البنت مع العلم ان البنت تبغى تجي تعيش معانا وهي راضيه وانا مكلمتها .

وجزاكم الله الف خير.

>>>>> ردود الأعضـــــــــــــــــــاء على الموضوع <<<<<
==================================


بسم الله الرحمن الرحيم

بالعكس جزاك الله الف خير وهذي يتيمه وكافل اليتيم معروف اجره وانا اختك .. تحتاج الرعايه وكل اللي قلتي انها تسويه من باب انها عندها مشاكل نفسيه وعاطفيه محتاجه لتلفت نظر من حولها لكن للأسف من خارج بيئتها صاحباتها صاحبات صاحباتها وهكذا ...
وصدقيني هذي البنت تكسبينها بالعاطفه اطلعي معاها اشتري لها قربي منها اول قبل أي تغييرات تطلبينها منها .. عشان تتقبل منك ..
اعملي خطه كامله قبل ان تناقشينها باي تغيير .. وممكن تتواصلي مع دكتوره نفسيه تساعدك من بعيد في التفاهم معها وتستشيرينها ... حتى تكسبينها وانا اختك...
الله يجزاك الف خير ويسعدك وين ماكنتي ... وأتمنى احتضانك لها مو بس عشان تغيرينها .. أتمنى احتضانك لها انك تكوني لها الام أولا واخير ...


__________________________________________________ __________

المشاركة الأصلية كتبت بواسطة شماليه كفو
بسم الله الرحمن الرحيم

بالعكس جزاك الله الف خير وهذي يتيمه وكافل اليتيم معروف اجره وانا اختك .. تحتاج الرعايه وكل اللي قلتي انها تسويه من باب انها عندها مشاكل نفسيه وعاطفيه محتاجه لتلفت نظر من حولها لكن للأسف من خارج بيئتها صاحباتها صاحبات صاحباتها وهكذا ...
وصدقيني هذي البنت تكسبينها بالعاطفه اطلعي معاها اشتري لها قربي منها اول قبل أي تغييرات تطلبينها منها .. عشان تتقبل منك ..
اعملي خطه كامله قبل ان تناقشينها باي تغيير .. وممكن تتواصلي مع دكتوره نفسيه تساعدك من بعيد في التفاهم معها وتستشيرينها ... حتى تكسبينها وانا اختك...
الله يجزاك الف خير ويسعدك وين ماكنتي ... وأتمنى احتضانك لها مو بس عشان تغيرينها .. أتمنى احتضانك لها انك تكوني لها الام أولا واخير ...



__________________________________________________ __________

الله يستر على البنت و يرزقك الزوج الصالح
بس حبيبتى مافكرتى يوم انتى تتزوجىين مين بيهتم بالبنت
بتقولى امك الله يطول بعمرها بس مااحب ان البنت تتعلق فيك و فجاة تتركونها
و بالنسبة لو انها موافقة انها تعيش معاكم فهدا امر لك الاجر فيه
بس لا تخذلونها عشان مايصير لها ازمة نفسية اكثر
و لا تحسسونها انها خطيئة لازم نخبيها
كونى لها صديقة قبل لا تخافى على العادات و التقاليد


__________________________________________________ __________

سوي هذا الشي يمكن ترجع لوعيها اخذيها تعيش معكم الله يوفقك لفعل الخير


__________________________________________________ __________

البنت محتاجة للحنان المفقود عندها ومحتاجة للتوجيه ساعديها وحاولي اقناع اخوكي ما فيها شيئ اذا البنت قبلانة تعيش معاكم