عنوان الموضوع : حال اختي يعذبني مجابة
مقدم من طرف منتديات نساء الجزائر

حال اختي يعذبني



اول شي السلام عليكم
ثاني شي انا عمري14واختي عمرها12 هي اختي الوحيده وعندي اخوان غيرها صغار
اختي لما كانت صغيره كانت جريئيه واجتماعيه بعدها دخلت المدرسه وامورها تمام وعندها صديقات واختي مره دلوعه والناس يحبونها وجميله ماشاء الله وامي وابوي. يدلعونها اكثر مني وهاذا الشي حرق قلبي وخلاني اعذبها وانا كنت صغيره تعرفون الصغار يغارون وانا من صغري شيطانه مااسيب احد في حاله واختي ماسلمت مني كنت اطقها واخنقها وما اعتبرها اختي من الغيره المهم ذاك الوقت كان فيها شوي عقده نفسيه من الي سويته فيهاتمنيت لو يدي انكسرت البنت صارت مهفوفه وفوق ذا طقتها استاذه بالمدرسه وكرهت المدرسه وصارت كل يوم تبكي منها حاولنا فيها مانفع
وانا الغبيه كنت افشلها قدام صحباتها واضربها واقول لها ياغبيه وفصلت من الدراسه وصار عندها انفصام في الشخصيه تكلم دميتها وتكلم يدها وتكلم نفسها الحمدلله مع الايام راحة الحاله الغريبه منها بس مع الوقت صارت تبكي كثير قدام الناس كان عمرها8سنوات درسست اول ابتدائي وعمرها9سنوات من كثر ماعيت من المدرسه نقلناها كم مدرسه وكانو يبون يحطونها مع المعاقين المهم بالمدرسه حركاتها غريبه ومشيتها يسائلونب صديقاتي اختك معاقه اقلهم لا هي تستحي بس والمشكله انها تسمعهم ومره واحنا متمشين مرت من جنبها وحده وقالت لامي الله يشفيها واختي تقول لي ليه وش فيني انا ليه يقولون الله يشفيني اقولها مايقصدونك انتي وكمان عندها نقص في عقلها اقولها2+3كم يساوي تقول مدري واخوي الصغير ماشاء الله اذكى منها واعقل ويحب يجلس مع الكبار عكس اختي تحب تصغر نفسها وتلبس مالبس صغيره عليها وضيقه رحنا دكتور نفسي مانفع رحنا شيخ مانفع وش اسوي مابقول كل شي ماحبيت اطول عليكم وبنزل موضوع ثاني اكمل فيه واجلوب عليكم ياليت تساعدوني وللعلم عمرها اللحين12وماتدرس وقفت في رابع ابتدائي

>>>>> ردود الأعضـــــــــــــــــــاء على الموضوع <<<<<
==================================


لا حول ولا قوة الا بالله
الله يشفيها عن قريب


__________________________________________________ __________

يالله قطعتي قلبي عليها مسكينه

جاتها عدة صدمات من ضربج لها واحراجج لها امام صديقاتها

وضرب المعلمه لها


وديها لشيخ ثاني يقرى عليها

او دكتور نفسي ثاني غير الدكتور الي قبل

وشغلوا سورة البقره يوميا بالبيت

والله يشافيها


__________________________________________________ __________

اولا أشكرك انك اعترفتي بالغلط و هذا يدل على انك إنسانه داخلك طيب بس الشيطان كان متواجد ، ما علينا ، صاحبيها وقبل كل دا اعترفي قدامها انا أسفه وحقك على راسي و انا غلطت لما كنت اعمل و اعمل واعمل و انا غلطانه ، والبنت غالبا مجروحه و ثقتها بنفسها صارت سيئة لازم تنمي ثقتها بنفسها امدحيها بصدق و عامليها افضل ما يمكن عوضيها عن كل اللي فات ، شاركيها بالأمور الي تحبها والهوايات الي تحبها ، فأجايها بهديه ولا اقولك فكره ممتازة جدا جدا جدا جدا جدا جدا جدا ( اتفقي مع العائله كلها و صديقاتها أنكم تعملوا لها حفله مفاجئة وكل شخص يجيب هديه تحبها و كيك بالنكهه اللي تحبها ، فأجايها بخرجه معاها ومع ماما وبابا أنتم 4 لحالك خخخ ، كوني لها الأخت والصديقة وانا واثقه انك حتكوني افضل اخت اي احد ممكن يعرفها الي فات مات والجديد هوا الأحلى الي تخليها ترجع وتصير أحسن من اول كمان


__________________________________________________ __________

أختك محتاجة زرع ثقة جديده في داخلها ..
وهذا الشئ يجي من الإهتمام والحب والرعاية منك ومن الجميع ..
وفوق هذا ترجعين لها إعتبارها في كل الأماكن اللي فيها أنحرجت اختك و أنجرحت ..
أجلسوا معها دايما لا خلونها تجلس لوحدها ..
وساعديها دراسيا وفي المسائل الحسابية ..
وأعطيها ألغاز منوعة مثلا حسابية و مضحكة أو ألغاز في صور خلي أختك تشغل مخها وتفكر ..

ومافي داعي تشكون للناس حال أختك ..
أختك مشكلتها بسيطة إن شاء الله ..
وفترة و تعدي ..
وربك كريم سبحانه ..


__________________________________________________ __________

المشاركة الأصلية كتبت بواسطة ورود ملونة
اولا أشكرك انك اعترفتي بالغلط و هذا يدل على انك إنسانه داخلك طيب بس الشيطان كان متواجد ، ما علينا ، صاحبيها وقبل كل دا اعترفي قدامها انا أسفه وحقك على راسي و انا غلطت لما كنت اعمل و اعمل واعمل و انا غلطانه ، والبنت غالبا مجروحه و ثقتها بنفسها صارت سيئة لازم تنمي ثقتها بنفسها امدحيها بصدق و عامليها افضل ما يمكن عوضيها عن كل اللي فات ، شاركيها بالأمور الي تحبها والهوايات الي تحبها ، فأجايها بهديه ولا اقولك فكره ممتازة جدا جدا جدا جدا جدا جدا جدا ( اتفقي مع العائله كلها و صديقاتها أنكم تعملوا لها حفله مفاجئة وكل شخص يجيب هديه تحبها و كيك بالنكهه اللي تحبها ، فأجايها بخرجه معاها ومع ماما وبابا أنتم 4 لحالك خخخ ، كوني لها الأخت والصديقة وانا واثقه انك حتكوني افضل اخت اي احد ممكن يعرفها الي فات مات والجديد هوا الأحلى الي تخليها ترجع وتصير أحسن من اول كمان