عنوان الموضوع : أنسى نفسي أنسى حالي أنسى اسمي واذكر اخواني وخواتي -لصحتك
مقدم من طرف منتديات نساء الجزائر

أنسى نفسي أنسى حالي أنسى اسمي واذكر اخواني وخواتي



السلام عليكم ورحمة الله وبركاته
..

بدخل في الموضوع مباشرة
اني متزوجة , عمري 23 سنة
انظلمت من اهلي بشكل فضييييع بكل ماتحويه كلمة فضيع من معنى !
من 7 شهور صارت آخر مشكلة وتخلوا عني
تركــــــوووني وحيدة
وتكلموا عليي وعلى زوجي
جرحوني
حطمووووني
وكسروا لي قلبي
بالرغم من حبي ليهم اللي ما اقدر اوصفه !
أني اقدس العايلة وبالنسسسسسبة ليي أهلي أهم شي في حياتي
أحبهم أعشقهم وقلبي عليهم ومعاهم
وادعي ليهم فووووق الاذى والقهر والظلم اللي شفته منهم

المهم :
لما صارت المشكلة تركتهم وطلعت وماعدت دخلت البيت
وصرت بحالة نفسية ماحد علم فيها غير ربي وحددددده !
عذاب وظلم وقهر من جميع الجهات
كل الأبواب تقفلت بوجهي ماظل لي احد , صرت وحيدة ماحد يمد ليي ايده ويشوفني وش ابغى !
رحت في الدنيا وحيدة وهالشعور المر ما أتمنى احد يجربه
مر وطعمه قاسي !
ضياع شتات ماادري وين اروح ولا لمين الجأ واشكي
ماليي غير رحمة ربي التي وسعت كل شيء
والحمدلله على كل حال

اخواني 2 صغار , وعندي واحد كبير 18 سنة
الله يحفظهم ويسلمهم يارب

هذول عندي بالدنيـــــــــااا كلهااا
هذووووووووول حبايب قلبي وروحي

أني أمهم مو أختهم .. شعوري تجاههم شعور ما اقدر اوصفه !
احبهم اعشقهم ! مستعدددددددة اعطيهم عمري ولا يصير فيهم مكروه ألف بسم الله عليهم
وانحرمت منهم !
صرت اروح جنب البيت على امل اشوف واحد منهم طالع ..
عشت اسوأ وضع ممكن الواحد يعيشه
وضع ماينوصف بالكلام ! ماقدر اشرحه !

عشت وحيييييييييييييدة لا اهل ولازوج
زوجي عيشتي معاه أسوأ من الدمار ماراح اتكلم عن وضعي مع زوجي
لأن هالشي موضوع بحد ذاته ومايختصر !

المهم تركت اهلي .. وزوجي وقتها كان تاركني
عشت لوحدي اصعععععععععععععععب الايام والشهور

امي كانت ترسل لي كلام ع الواتس اب تزيد فيه قهري وتجرحني
إلا إني ماتحملت فراااقهااا !
وعارفة انهاا ماتحملت فراقي .. هي تظلمني بدون قصد وتجرحني
لكنهااا تبغاني دايم جنبهاا


بعد هالفراق شفتها في عزاء شخص متوفي

لما شفتها ماكلمتها ونزلت راسي ولمحت عيونهااا تطالعني !
بهذيك الليلة مت مليون مرة .. تعذبت
ماتتصوروا كيييييييييييف !

رجعت من العزا وانا بضيقة فضيعة مخنوووووقة
ظليت افكر وافكر واتخيل نظرتها لي
ضعفت .. انكسرت .. ماقدرت
وقمت شلت عمري وتوكلت على ربي ودعيت ورحت ليهااا البيت
والحممممممدددد لله ..

ماراح اتكلم عن اللقاء كيف كان .. ألف الحمدلله
هي ارتاحت بروحتي ليها واني ارتحت , ع الأقل تكلمت صارحتها شوي باللي في قلبي
وماطولت ماكنت حابة اشوف خواتي أو يشوفوني

امي طيبة وحنونة
لكن الدنيا ورتها الويل لكذا تأثرت باللي عاشته
وتغيرت !
واثقة انها تحبني وتبغى تشوفني اسعد وحدة بالكون لكنها تتصرف العكس !

قبل شهر 1 كنت لسة ماقطعتها لكنها ماكانت تكلمني
كنت مجبورة التقي معاها في اماكن معينة , وكانت بذاك الوقت ترسل لي اشخاص يسمعوني كلام

قولوا ليها لاتطلع من شقتها خلها تقفل عليها الباب
مابي اشوف وجهها بأي مكان < كذا كانت توصل ليي .

وربي يشهد مالي أي ذنب في اللي سووه وقالوه عني ! وماعممممري تكلمت عليهم عند احد
بس هم تكلموا علي
ظلموني وفضحوني

وبالرغم من كل اللي صار
الا إني قلبي عليهم ومعاهم على طوووووول , واقضي الليالي بالصياح والدعاء ليهم

المهم :
الحين أني اتواصل مع امي واتس اب
واذا صار البيت فاضي اروح ازورها عشان ما ألتقي بخواتي

اليوم سمعت خبر صفعني !!
احنا 4 بنات
انا الـ 2
واختي الصغيرة بثاني ثانوي
وهي ماشاء الله عليها كانت شاطرة مرة ونسبتها دايماً عالية ماتنزل
بالفصل الدراسي الاول سألت امي عن نتيجتها
ابغى اتطمن عليها
قعدت امي تفخم فيها وتبالغ تقول ليي مرررة مررررة مرررة درجاتها عالية
وكل المدرسات يحبوها ومدري ايش
اني فررحت وقلت ألف الحممممدلله بس لازم تشد على نفسها عشانها بثاني ونسبة !
وقلت لامي ليش ماتخليها تاخذ دروس خصوصية
الرياضيات والكيميا والفيزيا
عشان تجيب المعدل العالي اللي تحلم فيه
قالت لالالا بنتي مو محتاجة
حتى المعلمات في المدرسة مرة فخورين فيها وماتحتاج تقوية
قلت تمام اجل الله يوفقها
مع إني كنت حاسة ان امي تقول كذا تغطي على شي !!
وكنت متشككة بسبب رد فعلها .. ومستغربة !

المهم اليوم وحدة تكلمني واتس اب تسألني عن اختي اللي بثانوي
تقول ليي : اختك ليش تراجع مستواهااا ؟؟؟؟ ليه صار كذاااا ؟؟؟

قلت ليها : ليش ؟
قالت ليي : انها كانت بالمدرسة وعلقوا النتايج وشافت نسبتها
قلت ليها : كممممممممم ؟؟؟
وهنا الصدمة !

قالت : 72 !!!!!

ياربي انفجعت قسسسسسسماً بالله !!

ماني قادرة استوعب .. تضايقت حدي !

حسيت بضيقة بقلبي مو قادرة اوصفها ! ودي اكلمها !
ودي اعرف وش اللي صار ليها ؟!! ليش تغيرت ؟!
ليش نزل مستواها ؟!

محد بينفعها ماليها غير شهادتها وامي حاطة أمل عليها !
قلبي موجعني مرة
ابغي اسأل امي بس عارفة انها ماراح تصارحني وبتغطي عليها
تفكر اذا قالت بنتي متفوقة ودرجاتها عالية هالشي بيقهرني < لانهم راسمين ليي صورة عكس صورتي تماماً إني أنانية وغيورة وحقودة وشمّاتة ! خخ

أني الحييييين مقهورة على اختي بقووووة .. كانت كل تفكيرها بدراستها وهالسنتين اهم سنينها الدراسية بس ضيعتهاا .. حسافة والله !
ودي اكلمها , اسمع منها , اعرف وش اللي صار معاها
لكني عارفة انهم معتبريني عدوة ليهم ومستحيل تقول ليي شي وتصارحني
واصلاً هي لما نلتقي حتى بوجهي ماتطالع


بس غصب عني أحبهم وأفكر فيهم وأحاتيهم وقلبي على طول عليهم
أبغاهم يكونوا سعيدين ومرتاحين .. وما اتمنى اشوفهم إلا بأحسن حال

بالرغم من همومي وعذابي ومشاكلي إلا إني بأوقات الدعاء أنسى نفسي أنسى حالي أنسى وضعي أنسى اسمي وما اشوف إلا قلبي ولساني يعدد اسماء خواتي واخواني ويدعي ليهم بالخير والصلاح

>>>>> ردود الأعضـــــــــــــــــــاء على الموضوع <<<<<
==================================


ياحبيبتي

الله يحنن قلوبهم عليج

لازم تروحين لخواتج يوم وتشترين هدايا وتقدمينهم لهم

كعربون اعتذار
وفتح صفحه جديده

وحكي لهم الي في قلبج

لازم ترجع الأمور مثل قبل

الدنيا ماتسوى

الواحد مايدري متى يومه

وراح يتحسف لو صار شي لاي شخص عزيز عليه


نصيحه لج روحي لهم وتكلمي مع الكل واحد واحد

والله يهديهم
ويحنن قلب زوجج


__________________________________________________ __________

ايش سويتي؟ ليش يكرهوك ويعاملوك ككذا؟


__________________________________________________ __________

لازم تروحين لهم

وتتكلمين معاهم تقولين لهم الي في قلبك


__________________________________________________ __________

كلللل هالحنان ومايحبونك ياااروحي انتي تعالي اخمممك ،، بس معليش تنازلي شوي وخوذي مثل مقالو هدايا وروحي لهم ولو كانو غلطانين ولو كانو اصغر منك لكن اذا تركتيهم وتركوك الى متى ؟ومن بيعتذر الأول ؟ كذا تبي تبتليين انتي وياهم وتوصلين لطريق مسدود وبعدين اخوانك صغار اكبر واحد 18 طايشين مايحسبون حساب يعني فوووتي لهم مصيرهم بيعقلوون موووفقه ياعسل ،،


__________________________________________________ __________