عنوان الموضوع : وصلت حدي
مقدم من طرف منتديات نساء الجزائر

وصلت حدي



سلام عليكم

انا بـ أبدا بالموضوع لاني مدري وش أسوي

توفى زوجي بحادث الله يرحمه ويتغمد روحه الجنه ولي منه 4 من الابناء مع العلم انا زوجته الثانيه وعمره ما يقارب 60 وانا عمري 29

وتزوجني واحد ثاني اصغر مني ب 3 سنوات تقريبا عمره 26 وصرت زوجته الثانيه

طبعناً بيني وبين اهلي مشاكل من أول خاصه

المهم بعد ما تزوجته صار يفتش جوالي ويشك فيني ويعقدني حتى جيراني منعني عنهم

بدون اسباب يدق علي ويهاوشني

استمريت معه 9 شهور وانا اجامله وابشر وش تبي ولا ينفع معه ويروح ولا اشوفه لو ادق علي واقوله وينك اغراض البيت خلصت قعد يهاوشني ويفتح محاضرات ويقول معكي رواتب
ما ني فاضي لكي انتي وعيالكي مع العلم ان الراتب الي معي ما هو الي لعيال ورث من راتب أبوهم اللي توفى الله يرحمه

وطلقني قبل 5 ايام برسالة وتساب قلتله ابي اروح للسوق ابي اغراض محتاجتهم

قال برساله واتساب نصها ( انتي طااااااااالق لا عاد تكلميني )

ومهري باقي عليه 10 الاف ريال

المطلوب منكم هل يحق لي الطلاق كذا او لا

والشي الثاني هل يجوز اطالبه بمهري الباقي
واذا رجعني وش اسوي معاه افيدوني

>>>>> ردود الأعضـــــــــــــــــــاء على الموضوع <<<<<
==================================


الله يفرج همك ياااااااارب



حبيت ارفع مشكلتك


__________________________________________________ __________

من رايي اذا بيرجعك لاترجعين وااضح موقد زواج ومسؤؤليه ...وزوجك الاول المرحوم الله يسكنه فسيح جنااته رجاال ناضج وفاهم الحياة عكس زوجك الثاني تسرعتي كثير بزواجك منه ...لاترجعين له ولاتفكرين تتزوجين مره ثانيه يكون افضل وربي عيالك الله يخليهم لك واذا ناويه تتزوجين خذي رجاال اكبر منك لاتاخذين صغير بالعشرينات .....واسئلتك ان شاء الله الاخوات يفيدونك


__________________________________________________ __________

ليش ماتقولين لاحد من رجال عيلتكم يكلمه

سواء ابوج او الخال او العم

هو واضح لن يحتاج احد يكلمه ويفهمه ان الي يسوي غلط وظلم


__________________________________________________ __________

الله يعينك ويفرج همك ويرزقك
أنتي من البداية ليش تزوجتي واحد أكبر منك بكثير المهم الله يرحمه ؤالله يعينك على تربية أولادك المفروض ماتتزوجين مرة ثانية وخصوصا أصغر منك لو أكبر ممكن أنا اشوف انك ماترجعين له خصوصا انه مو قد المسؤولية وراح تتعذبي معاه خليك عند اهلك أو بيت زوجك الأول وربي اولادك وانتي مرتاحة وبالنهاية ذا قرارك إن بترجعين له أو لا شوفي مصلحتك ومصلحة أولادك بالأول وبعدين قرري


__________________________________________________ __________

كلمي متخصص ، لكن قبل ما ترجعي له في حال أراد الرجعه لازم تفكري بعمق بقرارك أساسا ليش اتزوجك وهوا شايل يده من صرفه عليكي و يتضارب مع دبان وجهه وكمان الطلاق بسهوله كده وبواتس أب كمان والله هزلت ، انتي قيمتك عاليه ولا تنزليها عشان اي بشر ، انا بس بقولك فكري بعمق واستخيري ربنا وكلمي متخصص في امور الطلاق وطالبي بباقي مهرك يدفعه ورجله فوق رأسه كمان