زوجي النفسية مع كل احترامي مجابة

[aksachli]

عنوان الموضوع : زوجي النفسية مع كل احترامي مجابة
مقدم من طرف منتديات نساء الجزائر

زوجي النفسية مع كل احترامي



السلام عليكم جميعا
ببدا موضوعي وبإختصار عمري 20 وزوجي اكبر بسنة
كلنا نعاني من ضغوطات الجامعة والاختبارات بس الحمدلله اموري ماشيه لكن هو اي ضغط من الجامعة او من اهله او اصحابه يجي يحط حرته بي .
يدخل الظهر مكروف من الجامعة يحط حيله فيني !
قبل كان يتلفظ ويرفع صوته وانا ارد لان ماقدر امسك نفسي ماودي المشاكل تكبر بس شسوي طبعي كذا :"( صرت اعتذر له لاني ارادده
لكن قبل يومين دخل يهاوش ع سبب تااافه تاافففه والمشكله مالي علاقه فيه نهائياً وانا كعادتي م مسكت نفسي
صار يدخل حتى السلااام والله م يسلم !!! واذا سلمت عليه م رد ! واذا بينام يعطين ظهره ولا تصبحين على خير ولا غيره ! واذا بيطلع وبيطول قال ترى بطول خلي واحد من اخوانك يجي ياخذك حتى مشوار لاهلي مو مكلف ع نفسه !!
مدري اعتذر له ولا شسوي بالضبط
لو اسكت بيطول الوضع ع كذا وبنفس الوقت م ابي اعتذر له وهو الغلطان !

>>>>> ردود الأعضـــــــــــــــــــاء على الموضوع <<<<<
==================================

صحيح لاتعتذرين الا اذا غلطتي وبس.....انصحك اذا جا وقت رجعته للبيت روحي جلسي بغرفتك او انشغلي بشي وخليه يعصب على نفسه ...لاتراددينه غلط بالعكس كووني هاديه وسااكته اذا راددتيه مراح تخلصين وبتدخلين معاه بمشاكل ثانيه ...بس لشفتيه معصب صدي عنه ولاتعطينه وجه وروحي غرفتك واتركيه يعصب على نفسه لين يهدى .....المفروض لجا يطلع يوديك بطريقه لبيت اهلك مو يقولك دقي على اخوك!!!! قوليله ليه انا ماعندي زوج يوديني؟!!! ودني بطريقك مايصير كل مره اقول لاخوي يجي ياخذني احراج لي ..قوليله كذا وبهدوء ومن غير انفعال وعصبيه ....لاتكلمينه الا اذا احتجتي شي والله يهديه ويسخره لك

__________________________________________________ __________

ليه زيارات الاهل كل يوم اقضبي بيتك

__________________________________________________ __________

بسم الله الرحمن الرحيم

شوفي وانا اختك من باب التذكير فقط ... الملائكه تلعنك اذانام وهو زعلان منك ..

انتي ماغلطتي ولاتعودينه على الاعتذار ... الا اذا اخطأتي ..

طنشي .. لكن عطيه كل حقوقه وانا اختك .. اكله شربه لبسه الكلمه الطيبه .. عشان انتي بنت رجال وتربيتي على الطيب .. حتى يحس بغلطه ... مو لازم تكشرين .. خلك مبتسمه ..وواثقه من نفسك ..
تفاهمي معاه .. اللي بينكم عشره وعمر مو يوم فكري زين .. كيف تدبرين امورك معه ..
كيف المشاكل الكبيره الله لايجيبها لكم ..
وبالنسبه لاجى يطلع ويقول اخوك ياخذك .. قولي له بكل ادب .. انت ملزم فيني مو اخوي .. فضلا لامر ودني انت انا ملزمه منك .. وواجبي عليك .. اذا رفض والا رد لاتردين عليه .. بس خليه يعرف انه هو فقط ملزم بك وليس اخوك ...
ونصيحه اخت .. اخت تبي لك الخير راضيه بطريقه غير مباشره .. عشان نفسيتك انتي فقط ... اعملي قهوه ناديه يتقهوى معاك ... خلك ذيبه ... والله يصخركم لبعض ..

__________________________________________________ __________

مررره ماتقدري تربطي لسانك صغيره مثلا
عاادي اذا جاء شتم خليه ولاكانه هو زوجك
مو واحد من الشارع لازم تردي عليه وتوريه شغله
وترا الرجال اذا عصبوا يكرهوا تردي عليهم طنشيه
واذا هدا اساليه ليش معصب وتدلعيه قوليله مايصير
كذا الامور ببساط ومايهون علي اشوف كذا زعلان
وذحين اعتذري منه واذا جاء معصب اربطي لسانك

__________________________________________________ __________

المشاركة الأصلية كتبت بواسطة ام خيـال بسم الله الرحمن الرحيم شوفي وانا اختك من باب التذكير فقط ... الملائكه تلعنك اذانام وهو زعلان منك .. انتي ماغلطتي ولاتعودينه على الاعتذار ... الا اذا اخطأتي .. طنشي .. لكن عطيه كل حقوقه وانا اختك .. اكله شربه لبسه الكلمه الطيبه .. عشان انتي بنت رجال وتربيتي على الطيب .. حتى يحس بغلطه ... مو لازم تكشرين .. خلك مبتسمه ..وواثقه من نفسك .. تفاهمي معاه .. اللي بينكم عشره وعمر مو يوم فكري زين .. كيف تدبرين امورك معه .. كيف المشاكل الكبيره الله لايجيبها لكم .. وبالنسبه لاجى يطلع ويقول اخوك ياخذك .. قولي له بكل ادب .. انت ملزم فيني مو اخوي .. فضلا لامر ودني انت انا ملزمه منك .. وواجبي عليك .. اذا رفض والا رد لاتردين عليه .. بس خليه يعرف انه هو فقط ملزم بك وليس اخوك ... ونصيحه اخت .. اخت تبي لك الخير راضيه بطريقه غير مباشره .. عشان نفسيتك انتي فقط ... اعملي قهوه ناديه يتقهوى معاك ... خلك ذيبه ... والله يصخركم لبعض ..