عنوان الموضوع : امي وابووي ومشااكلهم تكفون ساعدوناا ' مجابة
مقدم من طرف منتديات نساء الجزائر

امي وابووي ومشااكلهم تكفون ساعدوناا '



بسم الله الرحمن الرحيم
السلام عليكم ورحمة الله وبركاته

اولا ؛ اتمنئ من الادارة تنزل موضوعي ..

ثانيا ؛ مشكلتي يااخواتي اللي من 35 سنة مالقينا لها حل وعجزنا وطفشنا وكرهنا الحياة بسببها ..

اعذروني ع التعبير او اي كلمة مو بمحلها بس بطلع اللي بقلبي وبقول لكم لأننا بصراحة خلاااص ماعاد نتحمل اكثر ...
امي لسانها سليط وتحب القيل والقال وتظلم ودائما تحب تسلط ابوي علينا يعني ( تحشي رأسه بالكلام علينا ) ...عشان يكرهنا وفعلا ماقصرت ماصار يتحمل يشوفنا .. مع ان امي ع صومها وصلاتها اللي يشوفها يقول هذي انسانه عظيمة .. انا ماراح اظلمها مدري وش بقلبها ربي ادرئ به بس انا انقل لكم افعالها تشوفون مدى القهر والهم اللي عايشين فيه ..
وابوي عصبي جداً وماعنده اسلوب للتفاهم مرره دائم شتم وسب وهواش واحيانا توصل للضرب ..
واذا ربي ستر علينا يوم بدون هواش ونقاشات مانسمع لهم صوت مكتم وعلى التلفزيون من ينام لين يصحئ وبمجرد ماينام تشتغل امي حكي عنه وتسب فيه وتألف قصص وتحاول تتكلم عنه بالشينه عشان نكرهه .. وسبحان الله يفكرون ويظنون الظن السئ فينا رغم انا عارفين ربنا قبل نخاف منهم .. ع كل شئ محاسبة ع الاكل ع النوم ع السوالف حتئ لو نجتمع احنا وخواتي ونسولف ليش تسولفون ولعن وسب وشتم ..
والله العظيم صرنا مانستانس لا بعطلة ولا برمضان ولا بعيد ع كل شئ مشاكل ووجع رأس ..
تكفوون شوفو لنا حل ماتركنا شي ماسويناه والله العظيم لو بنات غيرنا مايصبرون عليهم لكن نخاف الله ونصبر نقول ذولي والدينا لكن هم مو بحاسين فيناا مرره مايعاملونا بأننا بناتهم ومن لحمهم ودمهم .. دائم يفرقون بينا وبين اخواني يحاولون بأي طريقة يفتنون بينا وبينهم صار فيه حوواجز كثيرة بيناا تخيلووو ماعاد نتحمل شووفة اخواني من افعال امي وابوي ... دائم يذلون انفسهم لحريم اخواني ويكسرون رؤوسنا قدامهم والرأي لهم والضحك لهم والسوالف لهم والسفر والطلعات والوناسه لهم ..واحنا وربي يشهد محرومين من كل شئ حتئ النفقة احنا اللي نصرف ع انفسنا .. استغلاال لأبعد الحدود ... كرهناا الناس وكرهنا الحيااة وكرهناا كل شئ بالحيااة .. عجزناا بكل شئ كل شئ سويناه نرضيهم ومافاد فيهم وربي انا ندعي لهم باخر الليل ربي يردهم الينا ويحنن قلوبهم علينا لكن لاحياااة لمن تناادي ..
حيااتناا من جحييم الئ جحيم ...

تكفون الله يفرج همكم وش الحل ؟؟
وربي تعبنا ومليناا بدأت العطلة وبدأت المشاكل اللي مالها اي داعي ولا لها اي سبب .. بس كذا تنكيد وقهرر وذل وكله ودعواتهم اللي تكسرر الظهر وربي نسكت كثييير عشان مايدعون عليناا وكل شئ ع راسنا ..

ادعووو لناا ...

ادارة ارجووكم نزلوو الموضوع وربي في أمس الحااااجة للنصح والتوجيه والدعاااء ...

>>>>> ردود الأعضـــــــــــــــــــاء على الموضوع <<<<<
==================================


الله يعينكم ..
اسال الله ان يهدي قلوبهم ويسخرهم لكم ..
كلمو اخوانكم يكلمونهم او يحاولون يتدخلون بوضعكم ..
مدري وش اقول بس اترك المجال لغيري يمكن يفيدونكم اكثر مني ,,

استغفرالله الذي لا اله الا هو الحي القيوم واتوب اليه ..


__________________________________________________ __________

استغفر الله ربي واتوب اليك والله ما اعرف شو اقولك الله يهديهم


__________________________________________________ __________

عليك بكثرة الاستغفار وقراءة سورة البقره يوميا

اذا تقدري تصارحين امك باللي فبالك يكون احسن يمكن هي مو منتبهه لحالها


__________________________________________________ __________

والدينك حالتهم صعبه الله يعينكم ..... حااولي تجلسين عند امك بيوووم وتصاارحينها حتى لو كاانت قااسيه معليه تحملي بس خليها تسمعك قوليلها اللي بقلبك وليه التفرقه بينكم والمعامله الطيبه لناس وناس وقوليلها اذا انتي تحبينا ماتعاملينا هالمعامله السيئه صااارحيها ودخلي وحده من الاهل تتفاهم معاها حااولي كثيررر ولاتيئسين واصبررري والله يفرج همك


__________________________________________________ __________