((من كان في عون اخية كان الله في عونه ))
عنوان الموضوع : ((من كان في عون اخية كان الله في عونه ))
مقدم من طرف منتديات نساء الجزائر
((من كان في عون اخية كان الله في عونه ))
السلام عليكم
صباح/مساء الخيرااااات
أنطلاقا من قول الحبيب صلى الله عليه وسلم
{ من نفّس عن مؤمن كربة من كرب الدنيا نفّس الله عنه كربة من كرب يوم }
اتمنى منكم خواااااتي الغاليات مساعدتي باللي تقدرون عليه ولكم جزيل الشكر والعرفان
انا بنوتة في عمر الـــ 15 وفيه مشكلة محرجتني بس اعتبركم خواتي الله يسعدكم
مشكلتي بأختصااااار ازالة الشعر الزائد
معانتي طويلة في تجارب الازالة بقولها لكم باختصار
بداية ظهور الشعر كنت استخدم الحلاوة لمنطقة الابط وكان الوضع ماشي تمام التمام وكنت لما اخلص امسح المنطقة بزيت زيتون ولاحظت تأخر في نمو الشعر ونعومة ولله الحمد
لكن مع مرور السنوات وتغير الهرمونات وكذا لاحظت ان بشرتي صارت حساسة وجافة بنفس الوقت
الجفاف وبحمد الله تغلبت عليه مع نظام ترطيب وعناية يومية
لكن بقت مشكلة الحسااااسية الزايدة
بشرتي صار حساسة بقوووة
لدرجة اني لما كنت اشيل بالحلاوة يطلع دم من المسامات
صبرت وتغاضيت لكن الالم يزيد وبذلك تزيد معاناتي
انا خفت من كمية الدم اللي تطلع لذلك وقفت استخدام الحلاوة
وكان عندي زواج وقلت لماما الله يحفظها مشكلتي ووريتها الدم
وهي الله يسعدها خوافة وحريصة علي لذلك حذرتني اني احاول اشيلها بالحلاوة وقالت يمكن طريقتك غلط او شي !!!
وسافرت لحظور الزواج وكنت منشغله بالتجهيزات وكذا وتذكرت اني ماشلت المنطقة
وعشان ضيق الوقت واني مو مستعدة ولا جبت اغراضي معي
رحت لمشغل معروف وكبير على مستوى المنطقة ويمدحونه كثير خصوصا بهالشغلات
رحت الظهر والحجز كان ع الساعة 9 من الزحمة في المشغل لانه معروف وله شهرته
وكنت متاضيقة حيل من الموضوع عمري ما تخيلت اكشف هالمنطقة عند احد
بس الشكوى لله قعدت استغفر واذكر ربي لين ما دخلت وشالت لي الاخصائية بالحلاوة وحطت لي كريم بس كنت اتألم حيل واستغربت لاني متعودة ع الحلاوة فليش كل هالالم !!؟
طبعا بمجرد ما خلصت من الشغل لبست فستاني والحمد لله مو عاري لاني ما افضل لبس العاري ولا راح البسه بأذن الله بس للأحتياط لازم اكون نظيفة
وحضرت الزواج على خير ولما رجعت للبيت وبدلت ملابسي انفجعت بشكل المنطقة
حمراااا حيل وملتهبة وفيها سواد لاول مره اشوفه وواضح حيل بما ان بشرتي فاتحة
طبعا انقهرت ولما كلمت دكتورة قالت ان المنطقة انشالت بطريقة غلط وانتي بشرتك حساسة ومن هالكلام وعطتني مرهم ومرطبات واستمريت عليها
وبعد ماخف الالتهاب وبدأ تدريجيا يختفي
استخدمت شرائح فيت الشمعية والحمد لله مشى الوضع تمام
ومع الوقت فتحت المنطقة ورااااح كل الالتهاب بفضل ربي
واستمريت ع شرائح فيت وكنت مرتاحة عليها
وبعد مرور سنة تقريبا ولما جيت اشيل المنطقة كالعادة
لاحظت الم فظيع اثناء الازالة وكأنت بشرتي مشدودة حيل وفيها حكة مو طبيعية
وبمجرد ما خلصت من شيل المنطقة لاحظت سوووواد
يعني بالمختصر أحترررررقت !!!
توقفت عن استخدام الشرائح الشمعية وبديت ابحث عن البدائل
ونصحوني كثير باله بروان استخرت وبديت استخدمها
بس للأسف مع كل شعره تنشال يطلع مكانها دم ورجعت لي حالتي القديمة
طبعا ما قدرت اكمل وتوقفت نهائي عن استخدامها
والا الان متوهقة ومو عارفة وش الحل ؟؟
واخيرا عندي استفسار بسيط بالنسبة للمنطقة الحساسة السفلية
انا استخدم مزيل فيت او نير الكريمي ومرتاحة عليه
بس سؤالي هل هو كويس ولا منه ضرر على المدى البعيد ؟؟
أعتذر على الاطالة وجزاكم الله خير على استمعاكم ورزقكم الله الجنة ونعيمها
نصايحكم غالية علي وراح اضعها بعين الاعتبار ولكم جزيل الشكر والعرفان
((من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب ))
>>>>> ردود الأعضـــــــــــــــــــاء على الموضوع <<<<<
==================================
رفع
__________________________________________________ __________
الحمدلله على سلامتك وماتشوفين شر ان شاء الله
يمكن انتي تفردين الحلاوه وتاخذين مكان كبير وتشيلين بمره وحده فعشان كذا تلتهب عندك المنطقة وتنجرح
الافضل خوذي قطعه صغيره بين اصابعك وشيلي شوي شوي وكميه قليله لحد ماتخلصين
وعلى طول اذهني بزيت زيتون او كريم سودو استمري عالكريم لثلاث أيام اولحد ماتتحسن حالتك
لاتغسلينه على طول,, خلي جلدك يرتاح بعد الكريم وحاولي عالاقل ساعه
والصابون موعلى طول تحطينه لأن المنطقه تكون ملتهبه بعد الشيل وحاره والمسامات مفتوحه فيضر كذا
...
ان شاء الله اكون أفدتك
والمنطقة الحساسه اذا انتي ماتستخدمين الحلاوه فخليكي عالموس أفضل اتباعآ للسنه بس فيه خطوات لازم تتبعيها وتلاقينها بالنت
موفقه حبيبتي
دعواتك
__________________________________________________ __________
ماشالله الحين عمرك 15 بصراحه اسلوبك مرتب في الطرح الله يزينك بعقلك وايمانك ويحفظك من كل شر ومكروه
__________________________________________________ __________
شيليه باليزر وإرتاحي منه بس أهم شي ما تعمليه دفعه وحده وخلي الطبيبه الي تشيل لك تكتب اقرار إنه ما راح يظهر بقع داكنه لان فيه بعض المراكز ماعندها اخصائية ليزر فيحطون ممرضه عاديه تتعلم واحيانا تزيد القوه فيظهر دوائر داكنه لا تذهب الا بعد سنه انصحك تجربي على منطقه من الابط وتري هل الوضع سليم ام لا وبعد اسبوع ترجعي لها وتكملي كامل الجسم اذا شغلها تمام
__________________________________________________ __________
والله ما قد استخدمة الحلوة بس اذا الشيل قاعد يتعبك
سوي بالموس
..
اما بالنسبةة للمنطقةة الحساسة
انا مرات اشيليها بالموس و مرات بالنير الكريمي
بس مابعرف اذا بيضر مستقبلا ولالا):
رد مع اقتباس
