كرهت زوجي موقادرره اقبله..شوفو مشكلتي وساعدوني الطبيب يجيب
عنوان الموضوع : كرهت زوجي موقادرره اقبله..شوفو مشكلتي وساعدوني الطبيب يجيب
مقدم من طرف منتديات نساء الجزائر
كرهت زوجي موقادرره اقبله..شوفو مشكلتي وساعدوني
السلام عليكم ورحمة الله وبركاته
اخواتي انا بستشيركم في وضعي
انا متزوجه من خمس سنوات وزوجي يحبني
يعشقني ومدلعني وانا بعد احبه بس عنده
مشكلة انه دايم يدردش مع بنات هو يحلف
ويقسم اني مو مقصره عليه بس اللي يسويه
يقوول شي في نفسي ابي اوصل له ...
طبعاً تهاوشت معاه كثير ..وانا من طبعي ازعل
واعفس الدنيا عليه ويرجع يراضيني وارضى
بسرعه وارجع احبه وادلعه طبعاً تكررت المشكله
ثلاث مرات وكل مره يوعدني مايكررها وانا
اصدقه وارضى بسرعه بس المره الرابعه
كبرتها له وطلبت اهلي وقلت له انت ماعاد
تهمني زي اول واني راح اروح لاهلي
واحل المشكله مع اهلي ..هو طبعاً خاف كثير
وجلس يحلف انه مايقدر يكمل حياته من دوني
بس كرهته وكرهت اعذاره وهو تعود اني ارضى
بسرعه بس انا مارضيت ولا قبلت الهدايا
قلت ودني لبيت اهلي وبس هو حلف وقسسم
انه مايكررها وانه فكر في الموضوع كثير وانه
مستحيييل يعيدها وحذف كل برامجه ..بس
انا من كثر تكرار هالمشكله ماعاد اصدقه
وقال ماراح اوديك لاهلك لحد ماتوعديني
انك راح ترجعين لي ..قلت اوك برجع لك
واعطيك اخررر فرصه بس ماراح اقدر ارجع
احبك زي اوول واتفقت معاه انها اخر فرصه
بيني وبينه لو شفت شي ثاني مره راح انفصل
عنه وهو وافق ووعدني ماراح اشوف شي ثاني
وانه تاااب..المشكله انا الحين عند اهلي وهو
يرسل لي كلام حب ويتصل ويقولي اشتقت لك
واحبك ومن هالكلام بس للأسف مو قادره ابادله
نفس الشعور زي اول ..كل ماجيت اقول كلمه
حلوه اتردد واحس خساره فيه ..صرت جافه
معاه ..وهو صار يتقرب منس بالكلام الحلو
وكثرت الرسايل والاتصالات بس انا من جوا
قلبي مو قادره اقبله زي اول..احبه بس ماقدر
ادلعه واقوله كلام حلو زي اول ..لان هو تعود
انه اذا زعلت ارضى بسرعه وارجع ادلعه
واغازله..بس الحين مر قادره ابد صار يشحذ
مني كلمة احبك ويشحذ مني البوسه ..
ويقول انتي ماتدقي اذا مادقيت..اول انا دايم
ادق واتطمن الحين لو يجلس يوم ماسمع صوته
عادي مايهمني..مو قادره اسامحه من قلبي
مسامحته بس كذا قدامه عشان امشي حياتنا
وعشان انا اعطيته فرصه ..نفسي ارجع احبه
زي اول بس اخاف انصدم فيه مره خامسه
تعبت منه وهو حلف ووعد انه تاب توبه نهائيه
بس مو قادره مو قااادره اقبله ولا اقوله كلمه
حلوه..احس لو استمر كذا راح يطفش هو
بس انا كمان طفشت من مراهقته ..
ساعدوني الله ويوفقكم
>>>>> ردود الأعضـــــــــــــــــــاء على الموضوع <<<<<
==================================
زوجج شكله تعود ان يكلم البنات وانج تسامحينه
بس حلو تصرفج هالمره ماسمحتيه بسرعه
علشان يعرف حجم غلطته
بس اذا حسيتيه فعلا تاب
خلاص ارجعي لبيتج
وان شاءلله مع الأيام تنسين الغلط الي كان يسويه
__________________________________________________ __________
خليكي على موقفك حتى يتادب ومايعيدها
__________________________________________________ __________
تصرفك هذه المره كان في محله انتي الان في مرحله جفاف وصدمه نفسيه اعطي لنفسك فرصه وراحه نفسيه وسترجعين تحبين زوجك مثل الاول ان شاء الله
__________________________________________________ __________
تصرفك حلو وسليم
بس لاتطولين الزعل
اعرف وحده مثلك
وفي النهايه طفش الرجال ورجع للدردشه مره ثانيه
وطبعا وصلت الامور ان يجيبهم لبيته لان زوجته مو موجوده
__________________________________________________ __________
معلش حبيبتي اجباري رح تكوني جافه شوي
بس مع لوقت بيمشي لحال وخاصه انه ندم
رد مع اقتباس
