عنوان الموضوع : زوجي تعامله معي مجابة
مقدم من طرف منتديات نساء الجزائر

زوجي تعامله معي



السلام عليكم كيف حالكم اخواتي ان شاء الله في احسن حال

اليوم ابي افضفض لكم لاني بموت من الهم والغم من زوجي متزوجه لي 3 سنوات عندي طفل عمره سنه وحامل في الشهر الاول

اقولك يومي كيف يمر طبعا اقوم زوجي الصباح يروح الدوام الي الساعه 2 ونص تقربيا ويرجع انا هالوقت اكون نايمه لان ولدي ماينام الا الساعه 11 الصباح ما اصدق انه يرقد عشان انام وارتاح هو يجي اقوم بعض الاحيان اجهز له الاكل وبعض الاحيان يكون مايبغي

انا احضر الغذاء من الصباح عشان لاجاء يكون جاهز طول ماهو صاحي مقابل الاب توب ف المجلس يدوب يجي يمر على الحمام اكرمكم الله ويرجع جري ع المجلس ولا يدري عني ولا عن ولده لابغى ياخذ حقه الشرعي جاء وسحبني معه الغرفه وخلص وطلع ولا نام ولا كلمه حتى مايراعي مشاعري اذا اكنت ابي هالشغله ولا لا دايما استخدام المزلقات عشان بس مايعورني المكان خصوصنا يكون ناشف لمحت له انه يعور ويسبب لي مشاكل وحرقان ولاهمه شي

مهمل مايدري عني ولا يحسسني اني انسانه مهمه له كانه بس اخذني عشان وحده تخدمه ويقضي حاجه معها مرا سويت حفله اغير فيها جوا واغير فيها نفسيتي

اول مادخل شاف الشموع الكيك طالع فينا قال من جد فاضيه يدوب جالس معي 5 دقايق وحتى الكيكه ما اكل منه قطعه وقام قلت له اجلس معي قال مستعجل عندي شغل على لاب توب
عمره مافكر يجيب لي معه هديه وانا مع كل مناسبه اجيب له حتى يوم ولادتي ماجاب لي شي معه اذكر يوم جاني المستشفي كان معه كيس حق هدايا ع بالي هديه كنت فرحانه اعطاني الكيس قال خذي هذي الاغراض لي وصيتيها من اختك كسر بخاطري وربي وحزت بنفسي وقتها امي كانت معي وحست فيني ثاني يوم جات وجات معها سوراه ذهب ب 3000 ريال تحاول تعوضني كنت اتمني انها منه هو مو من اجد ثاني يوم رحنا نقضي للاخته ذهب طلبته يشتري راح اخذ لي سلسل 400 ريال فرق بين حقته وحقت امي

وفوق ماتحملت اخواته يعاملني بقسوه وجفاء فكرت كذا مرا ادخل هالمواقع واكلم شبااب ادور لي فاقده عنده ابي الاهتمام ابي الحب ابي احد يحسني بوجودي حتى لما ارسل له
رسائل حب ومدح ف الواتس يقراء ولا يفكر يرد وربي بنات عمره ما ارسل لي الا مره وحده من اول يوم خذته فيه لي يومكم هذا ولا ايام الملكه لما كان يكلمني كانه يكلم احد من اصحابه حتى يمكن اصحابه يكلمهم بمزحه ويمدح فيهم مدري ليه انا كذا اتمنى يرجع الزمن وارفضه

تصدقون لاجاء يبي يقومني مايناديني الا ياولد حتى اسمي ما اسمعه منه اليوم طلبت منه يجيب مويه وخيار قال لي كولي خرى بالله فيه زوج يقول هالكلام لزوجتة غير الدعاوي علي وانا ساكته ماغير دموعي هي لي ترد عليه كان دايما يصارخ على قدام اخواته ويخاصم ولا يحس فيني
كلامه معي قليل ويادوب اذا بغى شي حتى اهلي انا ساكنه معهم في نفس العماره مايخليني اطلع لهم ولا اذا طلعت لازم اخذ اذنه ولا يسوي لي سالفه لو طلعت وهو مايدري انا ما اطلع الا اذا طفشت لاني طول وقتي جالسه لوحدي اطفش ابي احد اتكلم معه اسولف وخصوصنا اهلي دايما عنده ضيوف ولا يخليني اطلع العماره محد فيها غريب انا واهلي بس لي فيها يعني اطلع بدون عبايه عادي بس مدري ليه مايوافق مع اني لو ططلعت كل شوي انزل اشوفه يبي شي ولا محتاج حاجه مع ان جوالي يكون معي يدق اذا يبي شي

مستحيل مايمر يوم مايزعل اول يعصب حتى لو يطلب منى شي مايطلبه الا بنفاخ

هالايام طلع لي طلعه يقول حافز اول ماينزل تعطيني هو وانا قلت له مو من حقك انك تاخذه قال ورب البيت لو صرفتي منه شي مايحصلك خير

حافز لي راح كان كله هدايا له انا طفشت من تعامله معي غير هذا لايصلي ولا يعبد ربه لي 4 ايام انزف دم ولا فكر يوديني المتسشفي يطمن علي ولا ع البيبي
وحتى لما اتعب وامرض مايسال ولا يطمن علي او يسال من طرف خشمه

ابي استشريكم ايش اسوي معه جيته برمنسيه وجيته بنفس اسلوبه مانفع احترت معه

لو ولده طاح وبكي جاء يخاصم انتي ماتهتمين فيه طيب هو مايقعد يمشي وانا ايش اسوي له لو كان خايف عليه كان جلس معه يمسكه ينتبه له
اه ياقلبي احسن اني طفشت منه معامله معي ابي اطلق وارتاح

>>>>> ردود الأعضـــــــــــــــــــاء على الموضوع <<<<<
==================================


اناا اعاااني مثلك
ربي يفرجها علي وعليك


__________________________________________________ __________

و عليكم السلام و الرحمه..

والله شو اقولك!! زوجك انسان متسلط (منك السموحه جدا جدا) بس جد هذيلا هم الرجال ف مجتمعنا يحبون يفرضون نفوذهم على الحريم و على بالهم السكوت و قلة الاحتكاك بشريكة حياته و الجفاف فالاسلوب هو اللي يحقق له هيبته..
ناقشيه قولي عصب و صارخ بس ابي منك شي واحد انا بالنسبه لك شو!! من حقي اعرف مكانتي معاك و ادري زوجتك بالورق بس بس بقلبك انا شو..!!
قولي ما منعتك من شغلك و لا لابتوبك اللي تجالسه اكثر مني و من ولدك اللي له حق كونك ابوه بس عطني من وقتك حسسني اني زوجه لك و اني نصك الثاني..

وربي يحسن العلاقه بينكم و يسخر بقلبه و يجمع شملكم..


__________________________________________________ __________

قولي اللهم فوضت اليك امري
كوني على وضوء دائم واستغفري كثير يوميا اقري سورة البقره


ثانيا لا عاد تعطينه هدايا ولا حتى تعطينه من الحافز عامليه ببرود خليه يحس شويه لا تحسسيه انك راكضه وراه لان كذا هو شايف حاله عليك
وربنا يسهل


__________________________________________________ __________

والله الحال من بعضه يا اخيتي صارلي اسبوع كل واحد ينام بغرفع لسبب تافهه


__________________________________________________ __________

والله احس خلاص ما اريد اتزوج من المشاكل اللي اشوفها في المنتدى
اخاف اتزوج و يصيرلي كذا .....
يا رب إرزقني زوج صالح يخاف الله


حبيبتي اكثري من الاستغفار و الاذكار عسى الله يهديه ....