عنوان الموضوع : تعبت من هالعيشه الطبيب يجيب
مقدم من طرف منتديات نساء الجزائر

تعبت من هالعيشه



السلام عليكم

انا عمري 23 واكبر من زوجي ب 4 شهور

زوجي عقله مره صغير تعبت منه يتلقط علي بكل شي جوالي يفتشه حتى سوالفي بقروب اهلي يقراهن ويحاسبني عليهن ولا يرضى احذف محادثاتي مع خواتي
بايام الخطبه كان واعدني بسفره وبيوديني برا وما ادري ايش اخرتها الطايف
لما سألته قال أبوي رافض :/ شدخلني ب ابوك انا متزوجك ولا متزوجه ابوك
سكت وخليتها تعدي ووعدني انها بتكون هدية تخرجي

وفيه طبع مهما اسوي له مايرضيه راعي هواش دايم يهوش مايمل ابد اتضبط له واتكشخ له ومافيه فايده كل ما اطلب منه شي يرفض فيه حسنه وحده وما أنكرها كريم كريم اتعب وانا اقول كريم ولا عمره ردني بالفلوس بس انا ما احب اضيق عليه مع ان راتبه مو شوي ماشاء الله .

قسم بالله من كثر ما هو مضيق علي وخانقني افكر لو الانتحار حلال كان منتحره من زمان
اجلس طول اليوم لحالي ارجع من الدوام تعبانه وحالتي حاله واسوي الغداء ويتغدا ويطلع وياويلي لو يدق علي العصر ولا المغرب ويلقاني نايمه يقلب الدنيا فوق راسي ومايرجع الا 1 ولا 2 بالليل وانا انتظر وفوق كل هذا البيبي منوع وتويتر ممنوع خلاص انخننننقت انا ابوي عمره ماحاسبني على هالاشياء
مستواي صار زفت ونومي قليل

اخر هوشه كانت عشاني سولفت مع اختي وحذفت المحادثه رفعني من رقبتي يقول لاتحذفين محادثتك معها !! اقوله فيه اشياء خاصه ب اهلي يقول مابينا اشياء خاصه

يده صايره طويله مره عطاني كف نص وجهي تخدر منه يوم كامل

خلاص وصلت لحد ما اقدر اتحمل اكثر

شوروا علي

>>>>> ردود الأعضـــــــــــــــــــاء على الموضوع <<<<<
==================================


اجل انتي بعد فتشي جواله ههههه قوليله بشوف البي بي حقك مثل ماتحاسبني بحاسبك وفتش جوالك ....ماله حق يفتش جوالك خصوصا بمحادثاتك مع الاهل قوليله عيب عليك ومالك حق تفتش بجوالي يمكن هو يشك فيك ...مدري هو شك ولافضول فيه تصرفاته مستفززززه مرره الله يعينك


__________________________________________________ __________

حبيبتي اصبري
ان الله مع الصابرين
حالتك احسن من غيرك مليون مرة
لو شفتي معاملة ابوي لامي كنتي حمدتي ربنا على حالتك

وانتي حاولي تكلميه
واتفاهمي معاه
وان شاء الله توصلوا لحل


__________________________________________________ __________

المشاركة الأصلية كتبت بواسطة takao kinomiya
حبيبتي اصبري
ان الله مع الصابرين
حالتك احسن من غيرك مليون مرة
لو شفتي معاملة ابوي لامي كنتي حمدتي ربنا على حالتك

وانتي حاولي تكلميه
واتفاهمي معاه
وان شاء الله توصلوا لحل

صح كلامها

لو تشوفين غير مشكلات كنتي تقولين الحمدالله على مشكلتي


__________________________________________________ __________

يا عسل حاسه فييييكـ بس مشكلتك اهووون من غيركـ
الحل بيدكـ يمكن ياخذ وقت بس اصبري اذا زوجك مروق واجلسو مع بعض وسولفو
بعدها ادخلي ع مشاكلكـ وحده وحده مثل مشكلة النوم فهميه انك تدرس ومخلصه واجباتكـ انك بتنامين
انتي تقولي مو بالبيت خلاص ارسلي له رساله ونهايتها حبيبي بأنام تحتاج شئ وووووهكذا
..
نجي لمشكلة الجوال فهميه أنها سوالف بنات وقولي له بمزحه وحده بوحده كل واحد يفتش جوال الثاني
..
سالفة الأنتحار موسهله ابعديها من راسك ماقدرتي تتحمل زوجك رغم فيها طبع حلو كيف بتتحمل نار جهنم
..

موفقه ياعسوووله


__________________________________________________ __________

حبيبة قلبي لاتقبلين ولاترضين له بهذا الطبع ولاتسمحين يمد يدة عليج
روحي لبيت اهلج وعلميهم بالموضوع حتى لايعيدهة مرة ثانية
انتي زوجة مو عبدة عندة حتى لانوم ولا حرية
عالاقل لازم تكون الثقة موجودة ومايفتش بجوالج واهم شي مايسمع كلام احد ثاني مثل ابوه ويمشي عليج
علمي اهلج ولاتخافين
موفقة