عنوان الموضوع : محطمه ابغا احد يواسيني -لصحتك
مقدم من طرف منتديات نساء الجزائر

محطمه ابغا احد يواسيني



السلام عليكم ورحمة الله وبركاته
اخواتي اتمنا تساعدوني والله نفسيتي جداً محطمه
انا طالبه عمري 20 سنه كنت اتمنى اتزوج كل اللي في سني اتزوجو
وبعد الاستغفار والصدقه والتقرب الى الله الله رزقني بشخص احببته من كل قلبي
تمت الخطبة والزواج حملت اول الزواج وبعد ثلاث أسابيع اجهضت
زوجي كان يتمنى طفل بعد شهرين اغلب اصحابه اللي اتزوجو معاه حريمهم حوامل وكان يلمح كتير
كشفت طلع عندي تكيس وضعف عالجني ب الالوف كان اللقمه يحطها في فمي عمري ما اكلت بيدي وانا معاها
حبيته والله عشقته كان اول حب في حياتي انا جدا ولله الحمد جميله هوا مو مصدق انو اخد وحدا بجمالي
حملت بعد تعب وعلاجات لمدة اربع شهور اول ماعرف اني حامل اتغير قطع عني اريع ايام معلومه هةا في مدينه وانا في مدينه بسبب دراستي واحنا متفقين جا عندي لمده شهور دوره في مدينتي اول اكتشاف اكتشفته خاين يكلم بنات في المكتبه حقت النمبر بوك يبحث عن جرارات وشر،،،،،،،،، في نفس مدينتو بالصدفه اكتشفت دا الشي وعرفت انو خاين لانه ضايفني في الفيس الصفه الوحيده اللي اعرفها من اول زواجي انه بخيل واللحين بخيل وخاين وبعد الشهر الاول صار يمد يده ويسب سبات فيها عدم احترام ليا يشبهني بالحيوانات كلبه وحماره من الصفات دي وانا عمري ماسبيته انا حسيت انو عنده علاقه ولا ماقلب عليا كدا صارت في يوم من الايام مشكله بيننا وطردني من البيت ورماني شهر ورجع يبغا ياخدني بدون مايعرف الحق علﻻ نفسه ومايمد يده عليا ولا يسبني جاي ياخدني كدا صارت مشاده في الكلام بينه وبين ابويا وخرج من البيت بعد شهر دق على امي يبكي يبغاني امي قالت له جيب رجال وراضيها قصدها ابوه واخوانه لانه ضربني خمس مرات وانا حامل ومرا في السياره عند اشاره بعد تلات اسابيع ارسل انا راح اجي بيتكم لو مانزلت بنتكم طالق ماحط لي كرامه اعتبرني مثل الجاريه ابويا ارسل له لاتقرب من بيتنا ارسل مبروك بنتك طالق وطلقني انا كنت في السادس انهرت كان حمل جدا متعب اتوقعت انو يحبني لدرجه مايستغنى عني كان دائما يقلي انا اعشقك مافي احد يفرقنا دخل شخص صالح بيننا ورجعني وجا البيت ومعاه هدايا بس ابويا كان خارج المدينه واحنا مانعرف عنه شي استنا ابويا وابويا ماجا دق عليه قالهم انا بعيد راح وتركني وبعد شهر يوم العيد طلقني وقبل الطلقه هادي رجع لي وقال انو يحبني وانو انا لو احبه ماكان تركته وفجاه طلقني يوم العيد وولدت بدون زوج كنت مجروحه منه ابكي من الالم النفسي والم الطلق كانت سبعه شهور اتعب سبعه شهور وبعد سته شهور من عمر الطفل طالبت بنفقتي واعطيته ولده الغريب انه قال متزووج ومرته في الاشهر الاخيره كيف قدر يبدلني بوحده بدي السؤعه يعني اتزوج قبل مايطلقني دائما ينشر قي حسابه الفيس انو يحبني ويحط حرفي وجاب رقم جوالي وارسلي انتظريني لاتتزوجي وانا احبك واعشقك ولمن خاصمته قال ان شاء الله تقعدي في بيت ابوك طول عمرك وانا متزوج وسعيد وربي عوضني اااااه يابنات كنت اتمنى هوا يمسك طفلي ويكون جنبي يوم ولادتي والله كنت انيقه جدا وكنت مدلعته مساج وايام رومنسيه كان بيننا انسجام مو طبيعي والله كنت احس بحبه مستحيل يكرهني شافني في المحكمه ماقدر يشيل عينه مني سرت اشوفو انسان ثاتي احسه حاقد عليا بدون سببي انا مقههوره الرجال يبدل حياته في اسبوع والحرمه تجلس تبكي على حالها صحيح كل الحريم سوى ممكن اي امراه تسد مكان امراه ثانيه يابنات خففو عني وادعولي بالعوض الصالح اللي اكون قرة عينه ومايشوف غيري

>>>>> ردود الأعضـــــــــــــــــــاء على الموضوع <<<<<
==================================


بصراحة أنا قرأت قصتك بس فيه شغله حبيت أنبه عليها
أن الرجال فيهم فضول عجيب
مثلا النمبر بوك
ما فيه رجل إلا وكتب قحبة الرياض مثلا لو كان من الرياض
أو لو كان من العليا بيكتب جرارة العليا
وحتى بياع حشيش وكل ما يخطر عالبال
ليس رغبة في التواصل
وإنما حب استطلاع
في جوال زوجي حصلت الأمير الوليد بن طلال
وأسماء فنانين وفنانات وكلام والله بشع
واجهته وقال مستحيل أتواصل معهم بس حب استطلاع
وبعد ما نزلت الفاتورة أعطاني نسخة منها وقال راجعي أي رقم تبغيه
وبعدها وثقت وعادت الحياة لمجاريها


نقطة ثانية المرأة أثناء الحمل نفسيتها تتغير

وحتى الزوج لا تتوقع كل وحدة أنها لو حملت زوجها بيطير من الفرح ولو كان منتظر حملك

لأن بعد الحمل تحصل للزوج مشاعر غريبة تختلط بالخوف من المستقبل والمسئولية وحاجات تؤثر عليه نفسيا

وسمعت دكتور اجتماعي أو نفسي يتحدث عن هذه النقطة

وسبب تغير المزاج وزيادة المشاكل في أشهر الحمل والولادة الأولى

عالعموم الله يسر أمرك أختي


__________________________________________________ __________

لا اله الا الله الله يفرج همك اختي


__________________________________________________ __________

باعك بيعيه بأرخص الاسعار من


__________________________________________________ __________

الله يفرج عليكي وييسرلك الزوج الصالح ويعوضك بالبيبي خير


__________________________________________________ __________

الله يعوضك باللي احسن منه اللي يسعدك وتسعديه ي قلبي