عنوان الموضوع : مشكلتي ليست صحيه ولانفسيه بل مشكله ..... مجابة
مقدم من طرف منتديات نساء الجزائر

مشكلتي ليست صحيه ولانفسيه بل مشكله .....



انا ماعندي مشكله نفسيه ولا صحيه ولا اجتماعيه
ولله الحمد والفضل والمنه لكن عندي مشكله في ابراز الشي الزين فيني
انا وجهي طويل مستطيل وانفي ايظا طويل ومرتفع يعني تقريبا طوله بارز جدا على الوجه
وجبهتي ايضا مساحته كبيره . . انا اذا سرحت شعري لااااازم انزل غره قصيره على جبهتي علشان تخفف من طول الوجه
وتلفت عن حجم انفي الطويل انا اصبح جميله وجذابه بشهاده الجميع بغرتي
لكن لو صار ورفعت هالغره وضميت شعري كله للخلف اصبح حتى غير مقبوله الشكل
واذكر لكم موقف صار اني مره في مناسبه عائليه قرر اني اغير من شكلي ورفعت شعري عن وجهي للخلف تسريحه كيرلي بدون غره
بس كلمتني اختي وقالت شكلك مره ما هو حلو ولا انتي مقبوله بدون غره احس شكلك مدري كيف
وانا ما اخفيكم لاحظت هالشي بس قلت يمكن انا موسوسه فـ رحت نزلت غره على جمب بس احسها طولت وجهي زياده
مشكله وجهي مايناسبه الا الغره القصيره زي الغره الي ينزلوها للبنات الصغار وجهي وطول انفي مايناسبه الا الغره القصيره جدا
بس والله ودي اغير من تسريحتي الدائمه ودي اسوي رفع لشعري وودي اسوي بوف من قدام ودي اغير من استايل شعري
لكن بدون ما اقلل من قيمتي الجماليه

نصحتني وحده من صاحباتي وقلت علشان تقللين من مساحه جبهتك جيبي موس وحلقي مسافه كبيره من جبهتك من تحت الشعر
علشان ينبت شعر يقلل من مساحه الجبهه وتمتعي بجمالك بدون غره
لان بكره لو تزوجتي تجلسين طوول اليوم بغره قدام زوجك بيطفش من شكلك
طيب لو قالك شيلي الغره علشان اشوف وجهك كامل وش تسوين
بيني وبينكم فكرت بكلامها صدق بكره لو ربي رزقني بأبن الحلال بجلس انزل غرتي طول اليوم

الي صار اني الحمدلله انخطبت والشوفه قريب والكل يقول لازم ترفعين شعرك عن وجهك قدام الخاطب
لاغره ولاشي على وجهك علشان لاتخدعينه. . طيب والله انا حلوه وجميله بشهاده الجميع لكن لو صار ورفعت الغره شكلي انا ما اتقبله
شوروا علي بالله عليكم يا اخواتي اخدعه بمجرد اني انزل غره قصيره على وجهي

شوروا علي او عطوني نصائح . . وبالله عليكم لاتستهينون بكلامي والله لجئت لكم بعد الله علشان اخذ نصائحكم
الله يسعدكم دنيا واخره ووالله انا ما اعترض على خلقه الله احسن الخالقين انا استشيركم بس
ولاني اشوفكم اعرف مني بهذي الاشياء
.

>>>>> ردود الأعضـــــــــــــــــــاء على الموضوع <<<<<
==================================


همممم بقول شوفيلك تسريحة مناسبة لشكل وجهك
ماتبين طول وجهك وانفك
وكمان دوري على طرق الماكياج اذا بتسوي
في طرق تقدري تغيري شكل انفك بيها يمكن يبان صغير متل مابدك
بس بده احترافية شوي


__________________________________________________ __________

هذه خلقة الله خليه يشوفك على الطبيعة الله واذا ماحبك بعيوبك في ستين داهية


__________________________________________________ __________

اولا الف مبرووووك ع الخطبه وربي يتمم لك على خييير
الشكل ياقلبي مووو كل شي طالما انك واثقه من نفسك وشكلك
ماعليك الا انك تملكينه من بعد توفيق الله باخلاقك
والله مايكمل الشكل بعين اي رجل الا اخلاقكك بيشوفك اجمل وحده بعينه
واهم شي القبول بين الزوجين طالما في قبول وارتياح بين الطرفين فهذا توفيق من الله
وبعدين في بنات ملكات جماال اشوفهم مافيها من العيب ذره ومع ذلك مطلقه او زوجها مهملها لو كان الجمال مقياس كان ملكت اسباب السعاده بيدها
وانتي ممكن تاخذين بحل صديقتك اشوفه معقول ووممكن يضبط معك
ومن رائي تقابليه بنص غره لاترفعينها كلها وتسمعين كلامهم لان انا بنظري النظره الاولى مهمه وهي اللي تثبت بالبال وماظن بيدقق بعد الزواج
يعني هذا جانب واحد سلبي بس وركزت عليه انتي
بس الجوانب الثانيه حلوه فيك فاحمدي ربك وخليك واثقه من نغسسك
ولاتنبهينه على هالشي الا اذانتبه قولي حلووو ومميزني عشان كذا الغره مناسبتني وخليك واثقههه
الله يجملك بعينه ويوفقك معه
اتمنى اكون افدتك
تحيااتي


__________________________________________________ __________

حبيبتي لاتشيلين الغره

اذا راح يشوفج

عادي خليها
انا وقت الشوفه الشرعيه طلعت لي غره


وخلج واثقه بنفسج


__________________________________________________ __________

أنا اشوف انك مكبرة الموضوع مره وتطالعين كثير بالمرايا
دام قلتي انتي جميلة يعني انتي جميلة أما طول الوجه والانف هو سبب جمالك إلا إذا دققتي فيه بزيادة أولا الغرة لو شعرك ناعم أتركيها عادي بالعكس الرجال مايمل منها ولا حاجه تطمني ولكن لا تخليها على طول لدره لو شافك من غيرها حسك تغيرتي
مالك ومال انتقادات البنات والرجال يهمه جمال الوجه بغض النظر عن التشريحه والاكسسوارات هدي تهمنا إحنا الحريم هو بيمه بشرتك وجسمك ووجهك فقط وطبعا طبعك الحلو
مع زوجك نوعي في الغرة مره خليها قليله وارفعي الباقي بشباصة فوقها ومره نزليها كلها كثيفه
مره وانتبهي ترفعي شعرك بف لأنه يطول الرجه من غير
أعملي غره من جنب جبهتك من الطرف واسحبيها لجنب الثاني حتى لو تثبتيها هدي تخلي الوجه مدور
والبلاشر لاتعمليه أبدا أبدا إلا بلون بنكي خفيف أغلى خذودك بشكل دائرة مموه وليس خط من إذنك لنص خذك غلط أعمليه دائرتين وانتي تبتسمين لأنه يرفع الخدود
طبعا الوجه الطويل أول سبب له هو انه ماله خد يعني ماعندك خدود واللحين البوتكس رؤوووعه لهيك شغلات وبالسعودية صار متوفر أنصحك فيه بيغير شكلك بالمره أعمليه فقط بخدودك بيبرزها واذا صار في خدود اختفى طول وبروز الأنف
ماتكلف كثير على زواجك يكون أفضل وكلها طبيعي ماينخاف منها
الله معك