عنوان الموضوع : يااارب تاخذ حقي منهم عاجلا غير اجل .. الطبيب يجيب
مقدم من طرف منتديات نساء الجزائر

يااارب تاخذ حقي منهم عاجلا غير اجل ..



اخواتي
انا متزوجه من 11 سنه تقريبا .. زوجي من قبل الزواج راعي بنات وخرابيط ,, في الثمان سنوات الاولى كان يخونني .. اصلا مابطل مكالمات ولقاءات حتى وانا عروس لمن اكتشفته سويت مشكله كبيره كنت بانهي الزواج لكن حلف لي وانو بيتوب صدقته من الحاله اللي وصل لهاماكملت اسبوع الارجع لعادته .. سويت له مشاكل يمكن السنتين الاولى وبعدها صرت ماافتش ثقة فيه ولانو مو مبين لي انو يكلم من وراي المهم ماصرت احس باي احساس انه يخون كان شايلني من على الارض شيل سفريات مطاعم تمشيات وبيتي ولبسي من احسن شي مرت الايام وبعدها بدات اكتشف انو يكلم بنات اكشف الجوالات في سيارته وكذا انهرت لكن كان يعتذر وكان يعطيني ارقام البنات اللي يكلمهم ابرد قلبي فيهن اهينهن واجرحهن وووو.
اليوم الثاني يعوضني بتمشيه باي شي وهكذ اكتشف واتكلم عالبنات ويمشيني يسفرني صرت اقول في نفسي طالما كذا مو مقصر وانو اللي فيه مرض وتسليه خلاص مشي يابنت عشان اعيش لكن عيشه مصحوبه بحزن وعذاب نفسي ..
العالم من حولي مايظهر لهم الا السعاده اللي كنت متظاهره فيها تمشيات ولبس وماركات وووو ماكان يدرون عن الالم والحزن المعشش في صدري ومشيت الايام والسنين وقبل ثلاث سنوات تعرف على حرمه كبيره يمكن في الاربعينات عندها سبع اولاد وكلهمم متزوجين كانت هذي القشه اللي قصمت ظهر البعير هذي الصدمه اللي قضت على ماتبقى من حياتي ماتبقى من الصبر ماتبقى من الراحه صدمه بعينها كالعاده كشفته وعلى بالي بيعطيني فرصه اتكلم عليها واهددها زيها زي غيرها لكن ظهر وجهه الحقيقي ظهر لي الوحش البشري اللي جواته رفض بقووه اتكلم عليها واهددها وهددني بصوري وصور خواتي وصار يدافع عنها ويراضيها شافت نفسها عليه وصرت كلما ارسل لها ترسل له ويرجع يقلها اقهريها اني كنت معاك سهران ووو يقلها كلام كثير ترسله لي تقهرني فيه صار ينام لوحده عشان يكلمها صارت تقله لاتنام معها خانقها وروح نام وحدك عشان نسهر وان حصل وتراضينا ترسل له انت صالحتها وانت تنام معها وتزعل معاه واليوم الثاني ينقلب علي وزي كذا كلما ارسلت لها اقولها انو احنا مبسوطين وكنا سعيدين وامنين ومستقرين انتي خربتي بيتي ترسل له وهو يرد عليها اني كذابه انو هو في مشاكل دااايم معاي صار عادي يراسلها قدامي ويغار عليها ويسوي مشكله ان ماردت على اتصالاته ورسايله والعكس واذا اتصلت وانا موجوده طلع يكلمها قدام عيني ينام معاي واذا عرفت تقلبه علي عشان ينام وحده ويسهرون مع بعض وصار يقلها انام عندها عشان تصحيني صارت تقله طنشها انا بصحيك وفعلا الاقيها تتصل وقت الدوام وارد عليها واتكلمم والاخت شافت نفسها علي واثقه انو يحبها وواثقه انو راح ياخذ حقها وواثقه ان احنا في مشاكل وكذا وكان معها فعلا ويقهرني باي طريقه رحت اشتكيت لاهلي واهله كان يقول لهم عشان اسلوبي تغير طيب واللي قاعد يصير ايش مقابله اكيد بنقهر ان زوجي راح من يدي وخطفته مني وحده عجوز وصرت اغار على بيتي وزوجي وادافع عن بيتي واحميه بس كان مايساعدني كان واقف معها ضدي ايش كان متوقع اسوي مثلا اقول الله يهنيكم مع بعض كملو عادي في بيتي مافي مشكله ..!!!!
صار يدور لاي شي يقهرني يقول مرات لها انو بيطلقني والاخت تستنى متى يطلقني وصرت االاقي في السياره كوب قهوه وعليه روج يعني انا كنت معها امس وكان يدخل علي وعلى ثوبه اثار روج وكان يوريني هداياها منها ولها ووو..
وفكرت اني احمل عشان اقهرها وكان بيسمي بنتي باسم حفيدتها احب واول حفيداتها للاسف اصلا ماقالها اني حامل عشان يبين لها ان احنا متقاطعين وفي مشاكل .. وارسلت لها اقلها اني حامل وارسلت لها صور البنات اللي يكلمهن معها بنفس الوقت وبنفس الطريقه ويصورهن بالتنقو باوضاع مخزيه زيها بالضبط يطلب منهن كلهن حركات مايعه فاضحه ويصورهن ويحتفظ بالصور ولمن عرف اني ارسلته لها كذا جاء يضربني وكان بيسقط حملي وطلقني طلقه وحده ومريت بايام عصيبه ماتتحملها جبال ..
راح قلها اني كذابه مو حامل وان الصور بس تبغى تنتقم مني ...
طبعا ذاك اليوم ماكان طبيعي زعلان متضايق ويراسلها اظنها كانت زعلانه منه وحاول يقابلها ورفضت واظن بعد عرفت انه وقتها كنا مسافرين يعني احنا متراضين ومبسوطين ومع بعض فانقهرت انو احنا متصالحين وزعلت منه وهو تضايق من زعلها وانا لمن شفته بهالحال زعلان عشانها وطلبت منه يختار بيني وبينهاواختارها ورحت ارسلت اني حامل وارسلت الصور ووووو.. زي ماذكرت
لمن ولدت ماقالها في الاول حاول يسمي بنتي باسم حفيدتها اول حب واول حفيده بس انا كنت حاسه ورفضت وماكان ملزم عشان مايثبت لها انو فعلا انا حامل بتزعل زعل قوي فما اصر عالاسم كثير
لمن كنت اقرا رسايلهم كلها عني سب فيني القرده جت والقرده راحت واناا سويت بالقرده وهي سوي بالقرده وسوي ووسوي فكنت اضحك وابكي اضحك لانها وااضح مقهوره مني وابكي مو معقوله هذا زوجي يتكلم ويسب فيني ويتهمني ويتهم اهلي باشياء فظيعه وناكر كل صبري ومعروفي معاه انكر الدم والعشره انا بنت عمه وام اولاده ماقصرت معاه باي شي وهو يخونني كيف لو احترمني واخلص لي حسبي الله ونعم الوكيل
كانت حالاته وصوره في الواتس عنها كل يوم يغير مره عتاب مره حب مره يترجاها ترجع له اذا تعبانه يصور لها حالات حزن ودعاء بالشفا اذا مات احد عندها يجيب صور دموع وتعازي ..
المصيبه انو يكلم معها في نفس الوقت العشرات يرمي ويتعرف على غيرها وفي بنت متزوجه متعلقه فيه من قبل الزواج ب11 سنه ولساتهم على علاقه وماتدري المسكينه بهذي المصايب اللي يسويها عشيقها ماتدري انو متعرف على العشرات غيرها يرمي ويتعرف . مجدد الاخ ,,
الان من كم شهر مخفف مره يمكن عشان راتبي بدات انتقم منه فيه توظفت من سنتين بس بدات اخذ حقي بنفسي وانتقم منه من الراتب فصرت اشتري اهتمام واحترام وذا ماحصل انتقم منه فخفف شوي صح تصير اتصالات ورسايل قدام عيني بس على خفيف مو زي اول .. المشكله في النوم مايعترف في غرفة النوم نهائي رغم محاولاتي غيرت من الغرفه صح اني اهملت نفسي نوعا ما لكن قلت مو سبب لاني كنت مهتمه وماكان يعبرني فمااتوقع هذا سبب هاجرني من كم شهر كان ينام يعني بس الحين تعدى الثلاث اشهر ماينام معاي الا بس اذا احتاج مره كل اسبوعين او ثلاث والحين تعدى الشهر مامسكني وربي يابنات كرهته وكرهت وجوده في البيت قلت لو احرمه من الراتب بيحس بس اعتقد خلاص ماعاد يهمه وربي انو انا كمان ماعاد يهمني لكن جالسه اعدي وماادقق عشان اولادي يعيشون بامان وسعاده مزيفه ايش اسوي بنفسي حسبي الله عليهم ونعم الوكيل ,,
قلت قصتي باختصار ماتكلمت عن خويته الكوفيره اللي دخلها بيتي وسوتني مجانا وغيرها وغيرها ..
كتبت افضفض واشوف رايكم بهذا الحال وكتبت تدعوني لي بالفرج وان يعجل ربي بالانتقام من زوجي ومن هالعجوز التعبانه لعل منكن من دعوتها مجابه ..

>>>>> ردود الأعضـــــــــــــــــــاء على الموضوع <<<<<
==================================


حل مشكلتك كثرة الاستغفار والدعاء في قيام اليل وتقري يوميا سورة البقره كوني مع الله يكون معك بأذن الله الواحد الاحد بتنحل كل مشاكلك عاجل ليس اجل بس المهم تتطبقي كل كلامي بالحرف الواحد واتمنى لو تغيرت حياتك تدعيلي دعوه بظهر الغيب

تحياتي ام سديم وسما


__________________________________________________ __________

لاحول ولاقوه الابالله حسبي الله ونعم الوكيل
وانا اللي كنت اظن مشكلتي كبيره طلع فيه ناس همهم اكبر من همي
حسبي الله على زوجك وعلى ذارالعجوز واشكالها من جد وقحين
"الكوافيره تذكرت مرره قبل10سنوات جابلي زوجي وحده ماكنت اشك فيه وقتها قالي زوجة صاحبي
طلعت مسويه حالها كوافيره وقالت بسويلك ميك اب وقلت اوك عفست وجهي عفس مادري هي ماتعرف ولاماقصده عشان تخرب شكلي قدام زوجي
من اول مره تعرفت عليها عرفت انها فاسخه الحيا والدين من كلامها ولبسها واسلوبها
وصارت تزورني كل اسبوع برغم احنا بمدينه وهي بمدينه ثانيه المهم ماكملت شهر الاطردتها من بيتي وقلتلها لاعاد تجيني مايشرفني صحبة وحده مثلك وماعاد شفتها
وانتي ايش مصبرك على الوقح هذا؟!!
مادام انتي موظفه وتظمنين انو اولادك بيكونو معاك افسخيه وخليه مثل الكلب يركض وراك
وانتي معاك ادله كثير وش تنتظري؟!
لاواللي قاهرني تصرفي عليه وعلى خنازيره معاه؟!!!!
حريقه تحرقهن هن واشكالهن لاحيا ولاايمان!!
اسال الله ان ينتقم منه.ومن خنازيره معاه ويبرد قلبك فيهن وبذالعجوز الوقحه

اسفه بنات بس انفعلت وبجد شي يجنن العاقل


__________________________________________________ __________

ياليت يأعزيزتي تعتبري كل اللي كتبتيه مجرد فضفضه لا أكثر
لأن اللي مثل زوجك أغسلي أيدك منه إلا إذا حصلت معجزه ؤممكن تصير بالاحتساب واللجوء إلى الله
لكن من باب إعطاء الفرص راح تتعبي كثيرررر
زوجك من النوع اللي يحب ينوع في العلاقات ومن خلال هالعلاقات يشعر بالثقه وانه إنسان مرغوب
هالنوع من الرجال يا أما عاش طفولة ومراهقة متعبه أو وحيده أو انه إنسان ملول وعير واثق من نفسه والنساء يشعرونه بأنه جميل وجذاب وواثق من نفسه
ومعقول كل هالعلاقات وباقي محتارة تحرميه من راتبك أو لا
عموما
من خلال مسامحتك المتكرره له تعطيه إشاره بأنك غير مرغوب فيك يعني في حال الانفصال لأقدر الله بتعيشي حياة تعيسة ومن خلال أيضا مسامحتك له وارضاءك لجميع علاقاته من باب التعويض والسفر و و و و
جعلتي نفسك أحدى نساءه وواحده من عشرات النساء اللي في حياته جميعكم تتنافسن عليه
حتى وان كان بالنسبة لك كل شيء لازم يا أختي ماتحسسيه أبدا
الثقل ثم الثقل ثم الثقل
ومبين من زوجك انه مهما تنوعت علاقاته لأيستغني عن زواجه وياليت تتأكدي إن زوااجه منك يجعله مرغوب أكثر في نظر الباقيات لأنه صعب المنال وأيضا عذر مقبول منه في التنحي عن أي علاقه تريد إن تنتهي بجديه بأنه لأيحب إن يخرب بيته
الموضوع كله في أيدك
يا أما
تستمري على حالك وتأخذي منه اللي تريدي وتعتبري حياتك الزوجية تحدي لكل مخربه تريد إن تأخذ مكانك •
أو
تتخذي موقف صارم جداااا لأرجعه فيه للضعف وانا أثبتلك ألف في الميه انه مراح يضحي فيك أبدا لو وصلتيها لمحاكم
لأنه متمسك في حياته الزوجيه ومايحب الخسارة وفشل الزواج تعتبر الخسارة الكبرى في حياته لاتقارن بخسارته لبعض علاقاته
وحاولي انك تلفتيه لقلبك مو بس لبيته اجعليه يحبك يعشقك
ومراح يحصل هالشي إلا بحاجه وحده منك
خليك ثقيله وبيني انك لامباليه فيه حتى نظراتك اجعليها بثقل أثقلي حتى في نومك معاه وشوفي كيف راح ينجن عليك



الله يوفقك


__________________________________________________ __________

ياااااالله وشهذا الانسان
الله يهديه علشان أولاده
اصبري يالغلا علشان بنوتك ومثل ماقالت اختي سديم السما كوني مع الله يكون معك والله يسعدك ويوفقك وينصرك على الي ظلموك


__________________________________________________ __________

الله يعينك ويصبرك سامحيني لو انا منك كانت تركته من زمان حريم وخرابيط وما يخلي ولا يبقي بكره يجبلك مرض من كثر معاشرته للحريم شي مقرف ما ادري كيف تتقبلي تنامي معاه لو انتي الي سويتي كذا كان من زمان رماكي وفضحك انتبهي على نفسك وربي عيالك بعيد عن خرابيطه وانتبهي عيالك يعرفو شي عن خرابيط ابوهم لايحسبو انه شي عادي ما يستاهل يكون اب ولا زوج ومسامحتك ليه وصلته للاستهتار اثقلي وحسسيه انه ماله لزمه في حياتك واحقريه لابعد درجه الرجل من طبعه ما يحب احد يرفضه يجري ورى الحرمه الي ترفضه بس اول ما ياخذ الي يبغاه يرميها ويدور غيرها