عنوان الموضوع : ولد خالتي خطبني -لصحتك
مقدم من طرف منتديات نساء الجزائر

ولد خالتي خطبني



السلام عليكم ورحمة الله وبركاته
بليييييز الاداره تنزلون هالموضوع هاذي ثاني مره اكتب



بنات ولد خالتي جا خطبني وانا موافقه بس اهلي ما رضوا وصار كلام وكذا واهلي لاحظوا اني كنت ابيه حتى اني ما اكلت ولا شربت شي وكنت ما اتكلم مع احد ابد . بس هم كانوا شايفينه مو مناسب لي . وانا بعدها بفتره رضيت واقتنعت وقلت خلاص مو من نصيبي . فجاه طلعلي وتم يرسل انه يحبني وكذأ . انا ما صدقت فرحت كثيييير . بس اكيد ما رديت عليه . بعدها ما خلا وسيله إلا سواها عشان اتكلم لين ما مليت خلاص ورديت عليه . قلتله اني مو مستعده اكلمه واهلي ما يدرون قالي لفتره بسيطه بس عشان نحل الموضوع وانا ما كنت اتكلم واجد بس اهو يتكلم بعدين قلتله اني ما بكمل كذا وقلتله عشان ربنا لازم ما نكمل واقتنع الحمدلله وقلنا ان نتطمن ع بعض بس بدون تواصل . المشكله ان اهو مستعد يخطبني مره ثانيه بس خايف من ردة فعل اهلي . دلوني كيف اقنع اهلي فيه . وبعد اهو صاير يقولي انا مريض وانا تعبان يعني انه يبي يخليني اكلمه . شو رأيكم كيف اقنع اهلي فيه . لا تردووووني بليييز . انا ما ابغى غير يكون كل شي بيني وبينه بالحلال . ما ابغى طريق الحرام ابد بس اهلي الله يهديهم

>>>>> ردود الأعضـــــــــــــــــــاء على الموضوع <<<<<
==================================


انتي استفسري من اهلك ليش رافضينه ايش عيبه وليش مو مناسب الك
وحاولي تقنعيهم بالحسنى يقبلو فيه
اذا مارضو ماعليكي الا ترضي بقرارهم بالاخير اهلك اولى بمصلحتك


__________________________________________________ __________

امك اقرب شي له اذا هي موافقه العائله كلها بتوافق
لانه ولد اختها


__________________________________________________ __________

غريبه رفضوه وهو قريبك انا احس الاهل يفرحوا اذا تقدم لبنتهم واحد من عائلة والاقارب خصوصا لو كان ولد عم او لد خاله غريبه امك ماهي موافقه اكيد ولد خالتك فيه شيء ولا في سبب يمكن امك مرضعته مايصير تتزوجيه لان اخوك برضاعه طيب اهله جاوا خطبوك ولا هو لوحده واهله موافقين عليك ولالا،،انا اقول اسالي
امك احسن هل بين امك وخالتك مشاكل يمكن اهلك مايحبوا زواج الاقارب مدري على انه احتمال ضعيف هل سبب
اسالي وتأكدي من امك واذا ولد خالتك فيه موكويس معناته اهلك معهم حق يرفضوه اهلك اكثر ناس بيخافوا عليك الله يوفقك


__________________________________________________ __________

ما ذكرتي سبب الرفض بعض الشباب صايع وضايع والأهل يخافون على بنتهم يضيعها وما يكون كفو يقدرها ويعزها ويصرف عليها وما يهينها

وعلى الأغلب مو كفو لأنه راسلك ومشاك بدرب الحرام
واحذري تقولين له أنا موافقه عليك

والله لو رجال ما أحد رده حتى لو رديتيه أنت الكل بيوقف في وجهك

لكن الرجال يعرفون الرجال

والي رجال ما يرسل لبنت ضعيفة ويقولها كلمتين يضحك عليها

أكيد الرجال يعرفون خرابيطه ورفضوه


__________________________________________________ __________

وليه رافضينه اهلك؟!!اسئليهم وشوفي يمكن في سبب مقنع للرفض وماتعرفين عنه...لاززم تعرفين السبب هذا من حقك ...بس اذا هم رفضو من غير سبب مقنع مالهم حق بالنهايه القرار قرارك وانتي اللي بتتزوجين ومو من حقهم يرفضون عنك ...