عنوان الموضوع : ماهو الحل برأيكم؟
مقدم من طرف منتديات نساء الجزائر

ماهو الحل برأيكم؟



السلام عليكم ورحمة الله وبركاته

راح احكي لكم كل مايجول بخاطري يمكن وحده منكم تعطيني الحل وتفرج عني همي ,,,

بسم الله نبدا : انا كنت بنت حنونه جدا ابكي على اقل شيء احب امي وابوي بشكل هستيري ماتحمل فكرة اني افقدهم او ان يصير لهم شيء لدرجة ان امي صارت تدعي لي ان قلبي يقسى شوي واخاف ربي وصلواتي في وقتها واخاف اسوي اي معصيه ,, الحين قلبي مثل الحجر بل هو اقسى منه لاتوجد لدي اي مشاعر يعني لو اسمع ان احد من اهلي صار له شي ماتسقط دمعه من عيني حتى في صلاتي اذا جيت ادعي احاول دموعي تنزل لكن ابد انا مادري شنو اللي صار لي وتغيرت!! راح احكي بعض الاشياء ممكن تكون سبب اولا دخلت في علاقات كثيره مع شباب اول شاب معاي في الجامعه هو انسان رائع جدا وحنون وطيب واخلاق وصلت لرقمه وكلمته وتعودت على الكلام معاه ماغلط معي ولا بكلمه كان اخ عن حق وحقيق وبعدين هو قالي انا مو مرتاح بالكلام معاك لان خايف على مصلحتي وانا تفشلت وبعدت من نفسي ,, الثاني تعرفت عليه في موقع زواج واتفقنا على الزواج وكل الامور تمام وصدفه قالي اسف ماراح اقدر اكمل معاك (الله يسامحه اذا انا غلطانه واذا مو غلطانه الله ياخذ حقي منه بنات الناس مو لعبه) الثالث تعرفت عليه من الانترنت كنت افكر اني حبيته تالي اكتشفت هو مو حب ولاحتى اعجاب بس لاني كنت احتاج احد يكون معاي واسولف له تعرفون المثل اللي يقول قلب المراه دليلها؟ انا قلبي قالي ان هالرجال نصاااااااااااااااااب ويحب المال كثير والحمد لله رب العالمين كشفه لي وتباعدنا عن بعض ,, عاد يجي الرابع هذا اللي الحين مشكلتي معاه انا مثل ماقلت لكم قلبي ميت يعني ماقدر احب هالشخص حبني من كل قلبه واتمنى يكون صدق مو لعب وكل ماقلت ان راح نفترق حاله حال الباقي يرجع ويكلمني ,, انا مع الاثنين اللي قبله كنت ادعي واقول يارب اذا هالشباب رايدين لي سوء ابعدني عنهم وسبحان الله يوم يومين ونفترق لكن هالشاب ضل معاي حتى بعد دعائي يعني ارتحت له واتوقع اني حبيته الحين مشكلتي وابغيكم تساعدوني فيها وهي:
كيف ابين له اني احبه شنو اقول له من كلام؟مو لازم كلام احبك واموت فيك لا ابي ابين له اني مهتمه فيه لان الحب هو اهتمام. كيف تكون حدود الثقه يعني انا مستحيل اثق فيه ثقه كامله الا اذا كان زوجي هل عادي اقوله هالكلام اني ماثق فيه ثقه كامله؟ من قبل اذا اتصلت له يكلمني بلهفه وحب وخوف الحين اذا كلمته يبي بس يقفل الموبايل واذا سالته قال تعبان ومتضايق من الشغل الكثير,, موضوع الشغل هو يشتغل بلا رحمه ولاتوقف واذا قلت له انتبه لنفسك قالي لاتحاتين متعود ع الشغل بالذات ان شغله اختياري يعني هو ياخذ اضافه لشغله عشان يثبت وجوده ويشتد عوده في الشغل انا اعصب كثير عليه ومن اهماله لي خصوصا ان بالايام مايكلمني واذا اتصلت مايرد علي ,, اذا سالته يقول مانتبه للجوال او ان تجيه مكالمات وايد والجوال مايخزن اكثر من 30 مكالمه او النت زفت مشان هيك مايقدر يكلمني اذا رجع من الشغل ,, انا افكر ماتصل فيه واخليه هو اللي يدق بس اعتبره اهمال بالذات اني عارفه وضعه كيف وعادي جدا ينام في الدوام ودوامه ماعنده نت وجواله صعب يتصل علي لان انا في مدينه وهو في مدينه بس انا ممكن اتصل انتو شرايكم ادق عليه او احقره؟ واذا كلمته شنو المواضيع اللي ممكن افتحها معاه غير اكلت شربت كيف كان يومك لان احيانا اتصل له وطول الوقت على الصامت احس حتى انا امل منه وهو نفس الشي هو صادق جدا وانا اعرف هالشيء بس وين المشكله اني عارفه احتمال كبير جدا ان ماراح يكون لنا نصيب مع بعض وقاعده اضيع وقت ونفس الوقت اقول راح اخذ وقتي بالتفكير واذا تاكدت من مشاعري ومشاعره راح احاول اقنع اهلي.
طولت عليكم ؟ ادري بس لام تعرفون القصه كامله وتساعدوني ان قلبي يرجع حي مره ثانيه

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممممم *.*
والله فكرتج ياية تطلبي طريقة في انج تتوبي عن اللي تسوينه
او طريقة ترجعج مثل قبل تخافي ربج وتحافظي على صلاتج .... لكن للاسف
بقول لج شي واحد الواضح انه هالشخص ما يبيج ودام انه احتمال كبير ما راح يكون فيه نصيب
ليش تضيعي وقتج في شي راح تندمين عليه مستقبلا
حبيبتي الظاهر انج فاضية وعندج وقت فراغ اقضي هالوقت بالاستغفار والصلاة وقراءة القران
الله يهديج

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

بدل من ان تضيعين وقتك في كلام مع شباب

صلي لك ركعتين زيادة

الله يهديكي


__________________________________________________ __________

حسستيني إنك من الملائكة كل ما تدعين الله إنه يبعد عنك عيال الحرام يروحون عنك
كل الي كلمتيهم ما يخافون الله الي يخاف الله ما يشكل علاقة ولو صوتية مع إمرأة
لازم يطرق باب البيت ويسألون عنه وتتم العلاقة بالحلال
وللأسف أنتي كذلك لا تخافين الله وستقعين في شر أعمالك


__________________________________________________ __________


__________________________________________________ __________