عنوان الموضوع : اكرة نفسي مجابة
مقدم من طرف منتديات نساء الجزائر

اكرة نفسي



السلام عليكم ورحمة الله وبركاتة

بنات مجيت هنا الا راجية الله ثم منكم تساعدوني حطو نفسكم مكاني شوي

بنات انا وحدة خجولة مرة واستحي لدرجة من الحياء اصيح >ادري بتقولو نفسيه اي انا فيني نفسيه بس مافي احد من اهلي اهتم فيني

تخيلوا اذا تجمعو الكل وقعدو يسولفون الا انا وبنات اقرابنا كل وحدة لها خويه من بنات عمي اوخالي او خالتي من طرفين الا انا اقعد لحالي على جنب بس اذتجمعوا جيت وجلست معهم
لاني معندي اسلوب اعرف اسولف كله ساكته بس اذا جت وحدة تخيلو تقلي سالفه وسمعها برد عليها تلف عني وتطنشني بس جد قمة احراج احس تجيني الصيحه

تخيلوا تجلسين مع بنات ووناسه ويعاملونك برسميه مثلك مثل الطاوله الي قدامهم ..نفسي افتح مواضيع واكون انا الي يحترموني نفس ميحترمون بعض تخيلو بس جالسه اعطيهم اني مو مهتمه لاتصرفاتهم بس داخلي اتقطع الف قطعه وحتى عمامي يقطو علي حكي انا تعبت نفسين لن مفي احد يحس فيني ولا اعرف ارد على احد
موتقولو لي رتبي حكيك بعدين قوليه بنات انا معرف اتكلم يعني معرف وش الكلمه الي علي اقولها يعني مخي فاضي ابي اصير سنعه بكل شي بما ان الكل مستحقرني حتى صديقاتي وبنات فصلي كلهم يتلفظو علي ويتكلمو من وراي انا مشكلتي محد فاهمني والحين ادري فيني حاله نفسيه وحتى صديقتي قالتها بوجهي قالت انتي مريضه نفسين وشعوركم لو احد يقولكم كذا بنات انا معرف اتصرف ولا لوبيدي والله رحت مستشفى اتعالج بس محد يرحم ولا هميت احد انا تعبت واطلبهم مستشفى محد وداني لا ابوي ولا اخواني ورحت مع بنت جيران تخيلوا عاد كيف ابطلب اعالج نفسيتي

بنأت تكفون ابوس ايديكم ابي اصير بنت طبيعيه ويحبها الكل انا مرة بليده وعايشه تسليك لعمري مني نفس البنات الي عندها احلام ولا يهمهم شي تخيلو والله كل يوم اتمنى اموت بس اخاف من ربي

بنات والله نيتي صافية مع الجميع والله بس مدري ليه الكل مو طايقيني وحتى اموت تجرحني دايم بكلامها ودايم تقول ليت يجي احد وياخذك عني تخيلو لهدرجة حتى امي مو طايقة خلقتي واه يبنات لو سمعتوها بعد مقالت لختي ليتها ولد والله طاردتها من بيتي من زمان بنات ورب البيت م كذب عليكم ابي اصير بنت واثقه بنفسي ابي الكل يغار مني تدرون محب نفسي اكرهني وسبب هم وذا جيت بأخذ حقي من احد يغلط علي معرف ارد بس اصيح على طول صرت مهزوزه وعند بنات قرايبي دايم مكسوره ابي اصير انانيه وحب نفسي تكفون وابي اصير ناجحة بكل شي ومبغاء اعتمد على احد ومبغاء اخذ راي احد ابي الكل يتمنى يكون مثل شخصيتي من بعد ميعيبو على بنفسيه
بنات لاتصدموني مثل من صدمت من اهلي تكفون ردو على بردود تساعدني ومفهومه وربي وانا قلتها وربي اني لادعيلها وربي ولي خلقني ومجيتكم الا انا واثقه بربي ثم بكم

>>>>> ردود الأعضـــــــــــــــــــاء على الموضوع <<<<<
==================================


مشكلتي شبيه ب مشكلتك
الله يفرج همك ويكون في عونك
إن شاء الله الي عندها حل تفيدك


__________________________________________________ __________

عليك بقراءة القراءن هو لي بيحل مشكلتك النفسيه
غير كذا انا اشوف من اسلوب كلامك انك انسانه ناضجه واسلوبك جميل فالكلام


__________________________________________________ __________

حبيبتي
حاولي تختارين الشخص المناسب
يعني حاولي تتكلمين مع البنات الي ترتاحين لهم ومايحسسونج بالفشل

حاولي تفتحين مواضيع انتي تحبينها علشان تجرئين في الكلام



واذا ماعطيتي نفسج الثقه وعطيتي نفسج إحساس الفشل

حتى الي حواليج راح يحسون انج انسانه فاشله
حاولي تعطين نفسج الثقه
والاهميه
وتكلمي بكل جرئه لاتخافين

ماراح تخسرين شي اذا حاولتي تكلمين

والله يساعدج


__________________________________________________ __________

كيف تقولي ماعندك اسلوب وإانتي تبارك الرحمن تكلمتي باسلوب جميل واعي وناضج؟؟
أنتي خجوله فقط اكسري هذا الخجل والجمود واقراي كثيرا عن الثقه بالنفس الحياء جميل ولكن بحدود
انا مثلك لا اتكلم كثيرا وهذه سمه غاليتي ولكن تحدثي عند غيرك ولايهمك احد حتى وان كان يقولون نفسيه انا يلقبونني بهكذا واكثر لكن لا يهمني
هذا موضوع عن تنميه الثقه بالنفس اتمنى يفيدك ولو قليلا ولاتنسيني ببدعوة جميله منك
تنميــــة الثقـــة بالنفـــس


__________________________________________________ __________

يا حبيبتي انتي مو مريضه نفسياً انتي بس خجوله وما احد راح يساعدك قد نفسك توكلي على الله وبنفسك تقدرين تساعدين نفسك لا زم يروح منك الخجل والخوف ثقي في نفسك يا قلبي وما عليك من الي يضايقك طنشيهم .اقري كتب ثقفي نفسك وقوي ثقتك با الله راح تحسين براحه ~
هذى الي اقدر اقوله وترى انتي تحطمين نفسك بنفسك انتي لاوم تثقين بنفسك وتبعدين الخجل عنك بس ~