عنوان الموضوع : يوم نتهاوش ويوم زي العسل ابي حل طفشت
مقدم من طرف منتديات نساء الجزائر

يوم نتهاوش ويوم زي العسل ابي حل طفشت



السلام عليكم
انا متزوجه من شهور وبداية زواجنا كنا كل شوي نتهاوش هو عنيد وانا عنيدة وكل واحد يبغى يمشي كلامه على الثاني
الحين انا صرت اجاريه واحاول اني ما اعانده بس هو ينرفزني احيانا واعصب عليه ويزعل ويهاوش يقول لاتردين علي اقول له ليش يعني تبي تتكلم علي واسكت يقول ايه تسكتين واسكت وانا فيني غصة
اليوم وداني للمستشفى لاني كنت تعبانه وطولت شوي ولما دخلت على الدكتورة سوت لي سونار وقالت لازم ناخذ منك تحليل وتعالي بعد ساعتين قلت طيب ولما طلعت قال وش سويتي قلت قالت لي النتيجه تطلع بعد ساعتين قال طيب وش قالت فيك قلت ماقالت شي بس قالت بعد التحليل تعالي واكتب لك علاج قال انتي اصلا ماتعرفين تصرفين عاد انا انقهرت ماحب احد يحطمني وزعلت منه وراضاني بكم كلمه ولما رجعنا للمستشفى وسالت عن نتيجتي قالو الكمبيوتر متعطل وارسلنا العاملات يجبيو النتائج انا جلست انتظر وطولو وكل شوي يدق يقول وش صار وانا اعلمه واروح اسالهم كم مره وكل شوي يتعذرون بالعاملات اخر شي طفشت قلت لهم انا لي ساعه هنا وانتو كل شوي تقولو ارسلنا العاملات وينهم ؟؟ قالت احنا وش دخلنا طيب انتظري لحد ماننادي عليك واجلس شوي وطفشت قلت خلاص بروح اجيبها بنفسي يوم جيت واكلم الدكتورة وتطلع نتيجتي قالت مافيك حمل قلت انا عارفة ان مافيني حمل بس وش الالم اللي فيني قالت بعطيك مسكن وتعالي بعد اسبوع قلت يعني اكل مسكن وانا مادري ايش فيني قلت مابي مسكن قالت خلاص نسوي لك اشعه صوتيه بعد اسبوع تعالي قلت طيب اكتبي لي موعد قالت لاعادي مولازم تعالي بعد اسبوع تلاقيني موجوده قلت اوكي واروح اعلم زوجي ويعصب قال كل هالوقت بالمستشفى واخر شي تقول بعطيك مسكن ويتكلم ويهاوش قلت طيب انا وش ذنبي قال انتي كمخه كان دخلتي ع المدير واخذتي حقك بيدك قلت عادي عندك ادخل على الرجال قال ايه عادي وهو اصلا غيور لو احد ناظرني يعصب عاد قلت له ترى كل الحريم مثلي جالسات ينتظرون النتيجه قال الحريم كمخ مثلك وزعلت قلت انت كمخه قال لاتردين علي وتطولين لسانك قلت انت اللي بديت ويهاوش يقول لاعمرك تردين وتطولين لسانك واسكت شوي قلت ودني لاهلي قال ماني موديك روحي بيتك وينزلني بالبيت ويمشي وربي اني جلست ابكي وسكرت على نفسي مابي اشوفه وهو من نزلني مادخل البيت وانا ياعمري مسكره على نفسي الغرفة وجالسه مدري وش اسوي تكفون عطوني حل طفشت من حياتي معاه
للمعلوميه هو يوم يكون حبوب ومافي زيه ومره يهاوش ويعصب ومايطيقني البارح كنا مع بعض سمن على عسل وشاري لي هديه واليوم معصب ويهاوش كرهني بحياتي

>>>>> ردود الأعضـــــــــــــــــــاء على الموضوع <<<<<
==================================


انا زوجي كذا يوم حلوين ويوم نتهاوش انا احاول قد مااقدر اذا عصب اخليه يرتاح وابعد عنه لما يهدا بس هو اللي يلاحقني ويحارشني لمااعصب ونتهاااااوش وبعدين يندم تعبت من هذا الوضع بس جالسه اعود روحي ماازعل بسرعه واحاول اجاريه واتقبل كلامه عشان مانتهاوش وربي يسخر لك زوجك ويسخر لي زوجي ياااارب


__________________________________________________ __________

مالك الا انك تسايرين على قد ماتقدرين وصادقه ملاك حاولي انك ماتزعلين بسرعه وان شاء الله انا بسوي كذا اصلا كل الرجال كذا موشي جديد عليهم خطيبي اخس من كذا


__________________________________________________ __________

هههههههههههههههههه ياحياتي عليكم
كناري ماشاءالله تبارك الرحمن الله يخليكم لبعض
عادي حبيبتي المشاكل ملح الحياه لازم يصير هالشي
المشاكل هيا الي تخليكي تعرفي مفتاح زوجك
عاد انتي وشطارتك انتي الحين عرفتي صفه من صفاته لازم تتأقلمين معاها
شوفي قلبي زوجك طيب وحنون واتوقع كريم بس اغلب اي كذا صفاتهم تلقيهم عصبييين
انتي لاتعاندي مو بس عشانه لأنو العناد مو حلو ع الحرمه ينقص من انوثتها
وكمان قلتي انتي عنيده وهو يكره العناد انا اخوييقول موتي البنت العنيده تحسي مافيها اثر الأنوثه
حتى لو اخذ وحده قمر زمانها والقاها عنيده وماتصلحت ارجعها بيت اهلها
ثانيشي لو عصب انتي اسكتي خليه يقول كمخه من اليوم ليوم القيامه
لاتردي لأنك انتي الي بتنقهرين من ردة فعله مثل ماانتي شايفه
بس يهدأ ويروق تلقيه يبدأ لحاله يستهبل عشان يطيح الحطب
وهو بمثابت اعتذار لان مو كل الرجال يعتذروا
لما قلك مفروض كنتي تدخلي للمدير قوليله خلاص المره الجايه ان شاءالله
سلكي سكتيه بس او كنتي قلتي سوت تحليل وماطلع في شي
بس قالت تعالي الاسبوع الجاي اسويلك اشعه صوتيه وخلاص
واسكتي خليه يتكلم ع كيف وانتي اذن من طين واذن من عجين ويادار مادخلك شر
الحين لو رجع سوي انك عادي ولااهتميتي لكلامه بس بنفس الوقت لاتعطيه وجه مره ولاتكلميه
الا اذا قلك شي ع قد السؤال بس جاوبي .
يعني لاتبيني انك مره تصيحي ومقهوره خليكي بأي شي يشغلك بيحس
انك زعلانه لأنه مو عوايدك فهمتي


__________________________________________________ __________

سايريه


__________________________________________________ __________

....