عنوان الموضوع : كيف اعطيها لها مجابة
مقدم من طرف منتديات نساء الجزائر

كيف اعطيها لها



هلا وغلا فيكم خواتي
بصراحه مشكلتي هي اني من تزوجت سكنت في بلد ثاني غير الرياض
وبعدت عن اهلي زوجي سنه ونص والحين انا عندهم صارلي اسبوع
المهم عرفت ان ام زوجي في خاطرها طقم لازوردي وماراح تقدر تشتريه الين عمي
اللي هو ابو زوجي يرجع من سفرته وبصراحه ام زوجي حنونه كثير وطيوبه
ومن يوم جيت ماقد عاملتني علي اني كنتها كأني بنتها فعاد انا ماحبيت اشوف الصراحه
في خاطرها شي ومااجيب لها المهم شريت نفس الطقم اللي نفسها فيه
بس ماني عارفه كيف اعطيها لها اجيب لها كذا من غير مناسبه اخاف اجرح شموخها
ف اليوم سمعت وحده معي بالدوام تقول ان عيد الام قرب وماقدرت اسالها متي بالضبطت
فحبيت اعرف من اي عضوه منكم هو الحين متى بالضبط هل هو يوم 15مارس او16 مارس
يعني السبت هذا ولا الاحد وبكذا يكون في مناسبه حلوه اقدرا قدمها لهامن غير مااجرحهافيه
وتكونون ساعدتنوني والله يجزاكم خير

>>>>> ردود الأعضـــــــــــــــــــاء على الموضوع <<<<<
==================================


ياحبيتي المسلمين ماعندهم غير عيدين عيد الفطر وعيد الاضحى بس

ام اي عيد ثاني فهو بدعه ..

اعطيها هوا كذا مو لازم مناسبه ولاشي بالعكس بتفرح فيه

وتحبك زياده ..

ربي يهديك ويسعدك


__________________________________________________ __________

حبيبتي عيد الام يصادف يوم 21-3
وبهذا راح تكون احلى هديه بمناسبه
عيد الام


__________________________________________________ __________

حبيبتي اعطيها هو كذا من غير مناسه احسن وياثر في القلب اكثر من مناسبه قولي لها عرفت انه في حاطره وانا ماحب شي يون في خاطرك اقبلي منى هذه الهديه يا امي الثانيه انا اشوف كذا احسن من عيد الام لانه بدعه واخاف ربي مايبارك فيه

وبالتوفيق


__________________________________________________ __________

المشاركة الأصلية كتبت بواسطة نهايه حلم
ياحبيتي المسلمين ماعندهم غير عيدين عيد الفطر وعيد الاضحى بس

ام اي عيد ثاني فهو بدعه ..

اعطيها هوا كذا مو لازم مناسبه ولاشي بالعكس بتفرح فيه

وتحبك زياده ..

ربي يهديك ويسعدك



__________________________________________________ __________

ليش عيد الام بدعه والله غريب أمركم يااهل السعودية
تحتفلون بالجنادريه ما تعتبرونه بدعه واحتفال بيوم الام
يعتبر بدعه !!!!!