عنوان الموضوع : مشورتكم ولاتلوموني لاني طمعانه براتب ومنصب خطيبي
مقدم من طرف منتديات نساء الجزائر

مشورتكم ولاتلوموني لاني طمعانه براتب ومنصب خطيبي



السلام عليكم ورحمة الله
خواتي ابغى ارائكم . . عمري 30 بالظبط وفي شهر 9 بدخل 31
من عائله شبه فقيره عايشين ببيت شعبي سقفه خشب وهناقر بس الحمدلله متعففين والي يشوفنا يقول دخلهم بالشهر 20,000
بس والله ما نقول للناس عن الحاجه علشان بس الشفقه وعلشان مانبغى نترك الخالق ونشكي للخلق
خصوصا اني حاولت اتوضف بشتى الطرق واي وضيفه بس ما ربي كتب

ماعلينا

تقدم لي دكتور بالجامعه عمره 45 مطلق وعنده بنت وحده تدرس بالثانويه عايشه مع جدتها ام امها
ويمكن بعد زواج ابوها تنتقل للعيش معانا سبب طلاقه ان زوجته كانت دلوعه امها وابوها ومشاكلها كثيره
واهلها يتدخلون بأستمرار في حياته وهو منفصل تقريبا من 9 سنوات

تعرفنا عليه عن طريق جيران اختي بس والله حتى زوج اختي يقول لاخواني انه كريم طيب وفرفوش وراعي فله وضحك
بس يبي وحده صغيره لانه يتمنى ينجب بعد هالعمر
انا لمن سمعت فيها طاري الانجاب قلت اكيد يبغاني فقاسه كل سنه اجيب طفل
بس لمن سمعت اخلاقه وسألو عنه اخواني حتى هم ارتاحوا له بس قالوا لي القرار الاول والاخير لك
فـ انا محتاره بين اخلاقه ووضيفته الزينه وبين مسألة الانجاب
مع العلم ان جميع الي تقدموا لي معدومي الاخلاق او فيهم امراض روحيه وسحر وغيره
نسأل الله لنا ولكم السلامه

انا بشكل عام مرتاحه له بس يمكن انا ارتحت لها لان وضيفته زينه وراتبها زين مدري كم راتب الدكتور بس اظنه مايقل عن 10,000
متأكده انكم بتلوموني علشان طمعانه براتبه بس انتم ماعشتم الي عشناه تمر الايام مانلقى رغيف الخبز ناكله
ويمر العيد مايجي احد يعيد علينا لان الفقير في هالزمان تعرفون كيف الناس تعامله
ولكن الحمدلله على كل نعمه الي لاتعد ولاتحصى اولها نعمة الاسلام والصحه العافيه
فـ طمعت لاني ما ابي ابنائي يعيشون الي انا عشته ومريت فيه

شوروا علي من ناحية فارق السن ومن ناحيه الانجاب ومن ناحيه بنته الي بتعيش معنا
ومن ناحيه اخاف يعايرني بفقر اهلي
والله العظيم احس اني مشتته ماني قادره اقول ايه ولا اقول لاء
علشان كذا قلت استشيركم لان التمست في اجاباتكم لمشاكل الغير حكمه الله يفتح عليكم


>>>>> ردود الأعضـــــــــــــــــــاء على الموضوع <<<<<
==================================


رفع

لااله الا انت سبحانك اني كنت من الظالمين


__________________________________________________ __________

استخيري الله
ربي يسعدك ويهنيكي ويعوض عليكي


__________________________________________________ __________

ليش تحكمين عليه ان راح يعايرج بحالتكم الماديه

انتي الى الان ماشفتيه

وكل واحد يبي يتزوج ايضا يتمنى ان يجيب اطفال

وهذي سنة الحياه

وحطي في بالج ان الله بيعوضج عن الحياه الي عشتيها قبل
ومدام اخلاقه مافيها شي
حرام تضيعينه من يدج

ويمكن بنته تطلع حبابه وامها كانت مقصره معاها
اعتبريها مثل اختج لصغيره عيشي معاها طبيعي وتقربي منها
والله يوفقج


__________________________________________________ __________

اول شي الاستخاره ثم الاستخاره ثم الاستخاره

اختي انا اشوف ان فرق السن مو مرا كبير طالما انه اصبح عمرك في ال 30
فعمره هو 45 ممتاز ولا غبار عليه

اما مسئلة الخلفه احمدي الله مليون مرا لانه يرغب بلانجاب
الان اغلب الرجال يقولك ماابغى اطفال ابغى ادلع نفسي ومن هالسخافات
وعن نفسي لولا حبي للاطفال والانجاب ماافكر اصلا بالزواج
( انا مستغربه من خوفك وتفكيرك السلبي ناحية الانجاب)

المشكله الوحيده هيا بنته على قولتك دلوعه
من البدايا حطي شروطك مثلا قولي اذا جات بنته تسكن عندكم
يجيب شغاله وبنته ماتدخل ابدا في خصوصياتك
وبس ... بلاش تعقديها واتوكلي على الله


__________________________________________________ __________

انا من رأيي تتوكلي على الله وتوافقي دام انه اخلاقه ومستواه المادي جيد والعمر كمان جد مناسب البنت بسن 30 فماا فوق تحتاج واحد ناضج واعماركم مناسبة جدا لبعضها واذا عالانجاب وش فيها يعني بالعكس احساس الامومة اكيد رح يعجبك ومو شرط تجيبي له كل سنة طفل من وين طلعتلك هالافكار ؟! اكيييد طبعا لا وبالنسبة لبنته ممكن تجلسوا وتتفاهموا على اللي يريحكم انتو الاتنين ويريح البنت وتوصلو لنتيجة ترضي جميع الاطراف وانت بنضجك وخبرتك تقدري تتعاملي معها في حالة ما كانت تريد العيش معكم لا تضيعي هالفرصة الممتازة وخليكي متفائلة انشاءلله كلشي يمر مثل ماتحبي واحسن..
موفقة والله يسعدكم