السلام عليكم ورحمة الله ...
بدخل بموضوعي على طول ...
انا بنت جامعيه ادرس انتساب = بمعنى اجلس بالبيت وانتبه لاخواني الصغار وماعندنا شغاله والحمدلله على كل حال ولي اخت اكبر مني لكنها متزوجه...
المشكله في ابوي وامي الي مايحسون فيني ابد... انتساب وما ادرس غير ثلاثة اسابيع وبقية الترم اقعد من صباح الله خير وارتب البيت واكنسه وانظفه وتعرفون شغل البزران؟ يخبصون البيت وتقعدين تلاحقين وراهم وترتبين وفوق هذا اغسل الحمام واغسل المواعين واكوي الملابس واحممهم وااكلهم بعد وعادي انا راضيه صح الوضع يتعب بس الحمدلله عندي اخت اصغر مني تشيل عني شوي...
المشكله في ابوي وامي الي كل ماشافوني لاني ف العصريه اكون فاضيه اكثر شي لكن والله تعبااااااانه وهلكانه يقومون على راسي انتي وانتي انتي وانتي.. انتي شايفه نفسك علينا ولاتجلسين معنا ولاتسولفين انتي ماتشتغلين ومريحه راسك انتي ماتهتمين باخوانك ووووووووو !!!!!!!!
والله يا انتوا انا ما اصدق العصر يجي عشان ارتاااااح والله تعبااااانه واقعد بالسرير من التعب بس هم مايحسون واقولهم اني اشتغل وامي تشوفني بعد احيانا تقوم الساعه 9 وتشوفني اشتغل ومع هذا ماتقدر وانا والله لو بيدي كنت طنشت ورحت نمت مثلي مثل صديقاتي واقعد على النت والواتس مع البنات وتركت البيت واخواني!!!! والله كلامهم يألمني ويحز بخاطري تععععععبتت حتى نظراتهم والله يابنات ماتصدقون احسهم يشكون فيني !!!!!!
خاصة لما يشوفوني اهتم بنفسي وبالكريمات يقولون ايش عندك تهتمين.... ايه عندها شي!!!!! انا والله ولا كذا عادي مثلي مثل البقيه احب اهتم بنفسي واستغل الصباحيه بالترطيب او الخلطات واشتغل ولا خلصت تحممت ووين!! ف الاسبوع مرتين وهه لكن مع هذا نظراتهم ترعبني مايصدقوني ولايناظروني كأنهم يقولون ايه ايه صدقت وانا والله تحز فيني ="( .... ودايم ابوي لما يشغل جواله يفتح على محاضرات وخاااصة عن المحرمات ومكالمة الشباب ويكح بمعنى اسمعي وانا والله ولا من هذوول وبالعكس انا من بعد المغرب اكثر شي اقرأ قران واحيانا اصلي الضحى اذا ناموا اخواني والوتر وغيرهاااا ربي اعلم فيها وهم يحسبوني حتى الصلاة اصليها رياء اعوذ بالله وان قلت لهم صليت يسلكون لي
وغير كذا هالفتره صاير مزاجي متقلبببب بشكل!! ماكنت كذا ومدري وش السبب لي فتره كذا اعصب فجأه وان كلموني اختصر الكلام ذوقي احس كل ماله يصعب احس مو مثل زمان احب السوق وادور له واجلس فيه واطول شوي الحين والله نص ساعه ويالله يخب واقعد اعصب نبي البيت وغير كذا ما اخرج بملابس كلها بلوزتين ومزاجي ينقلب حتى لو تقولون حلوو انا ما احب كذا احب اخرج بلبس كامل حق خرجه مو لما تجيني خرجه مثل المجنونه ابي السوق!! وهالفتره صايره اغلب الوقت صامته مدري وش اسولف فيه يعني حتى ابوي لما يبي يسولف معاي مدري وش اسولف فيه هو يفتح سالفه وارد لكن ماناخذ ونعطي وهذي مشكلتي من زمان بس كان في تجاوب اكثر ولو اني حاره بكل شي لكن في السوالف مدري احس تجيني حالة بروود مدري شلون اسولف ما اعرف اعبر زين والكل يعتبرني بهذي مغرورة واني شايفه نفسي لكن والله مو بيدي مقدر اتواصل وبس ف الفضفضه اسوووولف مدري ليه =(.......
اسفه اذا اتعبتكم بس والله ضايق صدري وواصله فيني وجيت هنا انفس شوي... والله يعطيكم العافيه
اعتبروها فضفضه
رد مع اقتباس
