عنوان الموضوع : ابي اسحب ملفي بدون مايعرفو اهلي مجابة
مقدم من طرف منتديات نساء الجزائر

ابي اسحب ملفي بدون مايعرفو اهلي



السلام عليكم ورحمة الله
انا ادرس طب ثالث سنه واحس هذا الشي مايناسبني مااقدر اتحمل الضغط ومسؤولية المرضى واهتم فيهم اصلا هذا ماكان طموحي ولاكان حلمي وانا صغيره ولاقد فكرت بأني اصير دكتوره بس المشكله ان ابوي كان يضغط علي بكلامه من اولى ثانوي لازم تشتغلين والا تصيرين شحاذه ويضرب لي امثله تحبط هذا ماتوظف وهذا ماتزوج واهم شي الفلوس ....طيب يعني اذا انا ماحبيت الشي ولاقدرت استوعبه بالله كيف اساعد المرضى ولاعادي يصيرون ضحايا واخطاء طبيه واصير بدون ضمير عشان اخذ فلوس وارضي ابوي وارفع راسه هو وامي اني صرت دكتوره.... يعني فلوس وعشان يتفاخرون فيني وانا هالشي خانقني مره وضغطت على نفسي وحاولت اقنع نفسي اني اقدر على هالوظيفه بس اكتشفت انها ماتناسبني بتقولون بعد كل هالسنوات استوعبت لان يوم انقبلت وخلصت تحضيري ارتاح ابوي وخف علي ضغطه وصرت افكر بنفسي الصراحه يابنات ابوي مسيطر على حياتي من يوم انا صغيره بالضرب والصراخ واللي براسه يسويه وتوه بدا يحترمني ويقدرني لاني حققت له *حلمه * وماسكت عني الا من سنتين و مره يابنات يقول لي لاني ساعدتك بيصير نص راتبك لي !!....

ماعلينا انا كل ماجيت ادرس اختنق ويصير ببطني غازات من القولون تعبني مره وصداع من القلق والتوتر وابوي نايم وانا اسهر بالليل اذاكر ....شي يقهر يجلس يتحكم بحياتي بس يتكلم ويتكلم وانا علي التنفيذ والتعب... صحيح بالبدايه رضيت وفرحت وصرت فخوره بنفسي بس لما نزلنا المستشفى وصرنا نتعامل مع المرضى انصدمت وتحطمت...

ماابي اطول عليكم بكلامي بس قررت اسحب ملفي من الجامعه بكبرها لاني كارهتها وكارهه قسمي ومرات افكر اقول اذا تخرجت بشتغل باللي احبه يعني يكون غير قسمي ...بس ليش اضيع سنوات زياده
...رح اغير مسار حياتي من الحين بإذن الله ليش انتظر 3سنوات او يمكن اكثر عشان ارضي ابوي بشهادتي....

المشكله اذا سحبت ملفي رح يوصل لابوي رساله على جواله.... انا اول مادخلت الجامعه حط رقمه بصفحتي الجامعيه بعدين انا دخلت وحطيت رقمي وتغير ولسه توصله رسايل على جواله... والله اني مقهوره مو ناقص الا يدرس بدالي.. يعاملني كأني طفله وماافهم ويتدخل بكل شي نكد علي حياتي.....

المهم اللي انا خايفه منه لو عرفو!!!!! ابوي يمكن تجيه جلطه من الصدمه ؟؟لان يوم قلت له بالبدايه ماابي طب حط يده على قلبه وسوى مسرحيه حزينه بالبيت واهلي قالو بتموتين ابوك.... امي تدرون وش بتسوي؟؟بتنهار وتكبر المشكله تكبرها تكبرها لين تدخلني المصحه النفسيه وتجيب لي شيخ يقرى علي وتقول اكيد حسدوك الناس...

انا خايفه لان اخواتي الثنتين اللي اكبر مني وحده تخرجت لكن ماتزوجت والثانيه فشلت بدراستها وامي تكرههم وكل يوم هواش شوفي صديقاتك تزوجو وانتي عندي بالبيت عليتني وجالسه على قلبي واختي اللي تركت دراستها صارت تاخذ حبوب مهدئه وحبوب اكتئاب.... وانا امي وابوي مايحبوني ويحترموني الا عشان دراستي واذا تركتها يمكن يضربوني ويطيح قناع المحبه حق ابوي ويرجع لطبيعته القاسيه....

بس تحملت بما فيه الكفايه وماقدر اضغط على نفسي لين يجيني ضغط والا سكر عشان يرحموني ويخلوني اسوي اللي ابي... حتى لو مرضت مارح يرحموني.

نفسي يابنات اتزوج واحقق اللي ابيه ويعوضني ربي ان شاالله وارتاح شوي من ضغط ابوي...ادعو لي اتزوج قبل لايتقاعد ابوي بقي له سنتين: ''( وانتو تعرفون اذا الواحد تقاعد وش يسوي

اذا سحبت ملفي وسجلت بالجامعه اللي ابيها والقسم اللي ابيه صحييح انه قسم بسيط وممكن ماله مستقبل مثل الطب بس اهم شي انا حابته وربي هو اللي بيرزقني ماني شايله هم الفلوس وربي موجود...
وقالو لي الجامعه موافقة ولي الامر!! افكر ازور توقيعه +فيه اشياء بالموافقه غير التوقيع؟؟ +خايفه مافي احد واقف معي وخايفه يعرفون وماودي يعرفو الا وانا متزوجه عشان ماانضرب والا يدخلوني المصحه واذا تزوجت اصلا امي بتصير تحبني وتحترمني يعني الزواج بيشفع لي شوي ويخفف المصيبه .....لاتنسوني من دعواتكم الله يرضى عليكم ويسعدكم ورح ادعي لكل وحده ترد علي بصلاتي ♡♡♡♡♡♡♡♡♡♡

>>>>> ردود الأعضـــــــــــــــــــاء على الموضوع <<<<<
==================================


حبيبتي كيف تقولي كذا كيف تقدري تهيني ابوك بكل هذه الاهانات ابوي نكد علي ابوي عصبي ابوي يبيني اسجل في الطب عشان احققق حلمه حبيبتي تعاملي بلطف تخيلي ان بنتك تدخل وتقول انك نكديه .........الخ ترضين صح ابوك يضغط عليك لكن عليك واحترامه وطاعته بما ليس فيه معصيه واظنه طلبه ما كان كبير الاب دائما يبي بنته يفخر بها ويعتز بها اقولك من راي
اولا :
لاتقولي هذا الكلام عن ابوك
ثانيا :
انسي فكره انك تغيري قسمك بدون مايدري وتزوري التوقيع الى اخره
ثالثا :
لا تغيري قسمك وغيريه بعد ماتزوجي وغيري وافعلي الي تبيه لكن اللحين كوني محل فخرره وسعادته صدقيني راح تكسبياكثر من مجرد وظيفه راح تكسبي حسنات على بره وحرصك على سعادته فانصحك اللحين انك تصبري


__________________________________________________ __________

أنا حاسة فيكِ الله يكون بعونك الطب متعب و مشواره طويل و برأي المرأة اللي بتدخل طب بتكون جنت على راحتها وولادها صراحة معك حق 100٪بس برأي صعب تزوري توقيع أبوكي و رح تتعذبي كتير و انتي ماشاء خلصتي نص المشوار خلص بقي لك 3 سنين و سنتين إمتياز و بعدين بتتخصصي فرع مريح و ان شاء بتحبيه
أنا بنصحك بالجلدية لانو تخصص سهل و بيقص ذهب أو عيون كمان كتير مريح و مربح
و نسبة الخطأ فيه ضئيلة أو اذا بدك تترتاحي تخصصي تغذية
وممكن تقولي لأهلك انو بدك تتخصصي برا لانو الشهادة أقوى او انه من هلا يسمحولك تغيري التخصص اعملي هي الحجة كورقة ضغط عليهم

بس انا برأي تكملي و تطلبي الأجر و العون من الله حبيبتي ما بقي كتير

الله يسهل أمرك و يخترلك الخير يااااااارب


__________________________________________________ __________

اولا واخيرا ابوكي يبي مصلحتك


__________________________________________________ __________

الله يكون بعونك انا من راي الأخوات كلهم


__________________________________________________ __________

يابنتي ياحبيبتي اي مهنة في الحياة لديها سلبياتها وضغوطها اي مهنة كيفما كانت ولو تراجعتي رح تخسري كثيررر انت قلت ان اختيك خيبا امل ابويك فلماذا ستزيدين عليهم انت الاخرى وتعيشو بهم وقرف ومشاكل وخيبة امل اكبررر واكبررر لوالديك .. وبعدين عندك فكرة ثانية غلطانة اذا كنت ترين الزواج مهرب من المشاكل وملجأ للراحة فانت مخطئة ..احيانا ياعزيزتي حساباتنا لاتكون صحيحة والتجارب والواقع يؤكد ذلك بعض البنات يرون ان الحل لمشاكلهن مع الاهل هو الزواج واذا بهم يسقطون في مشاكل اكبر والمنتدى ملئ بمثل هذه الحالات وتكون النتيجة كارثية ارجو ان تتريثي وتفكري بهدوء لان شكلك مضغوطة ومابتقدري تفكري بعقل اياك ان تتسرعي وتتخدي قرار عشوائي وغير مدروس