عنوان الموضوع : معلمتي تحبني ماذا افعل !! -تم الاجابة
مقدم من طرف منتديات نساء الجزائر

معلمتي تحبني ماذا افعل !!



السلام عليكم ورحمة الله

مشكلتي مزعجتني مرره وتعبت نفسيا منها , انا طالبه بالثانوي . ما اعرف اذا هذا له علاقه بالموضوع. بس انا ومو قصدي غرور والله على ما اقول شهيد يا اخوات,انا جميله جدا وكل من شافني اثنى على جمالي ملامحي مو سعوديه كل من شافني يفكرني شاميه عشاني بيضا وطويله وشعري اشقر وعيوني فاتحه , ودايم الناس تطالع فيني وانا والله والله ما احب هذا الشي و مرره متعبني والله العظيم انا تعبت من الناس ونظراتهم وكلامهم عني في اي مكان اروح له الناس يناظرون فيني انا قسم بالله احاول دايما اني ما الفت الانتباه وما احط ميك اب . المهم نرجع للموضوع معلمتي(البنات كانوا يقولون انها بويه عشان ستايلها وشعرها) من بداية السنه وهي تناظر فيني وقلت شي عادي انوو كل الناس كذا وعادي يومين وخلاص بس الموضوع استمر وانا لاحظت عليها انوه في الفصل تحااول دايما انها ما تناظر فيني وانا اعرف انها قاصده هذا الشي يمكن عشان ما تبي تبين للبنات الباقين . بس برا الفصل دااااايماا تناظر فيني اذا مريت وتبتسم لي وتناظرني من فووق لتحت دايما بس انا ما اعطيها وجه ولا ارد لها الابتسامه حتى وشكلها شافتني ما اعبرها وصارت بس تعلق علي بالفصل واذا غبت تقول لي اشتقت لوجهك ومن هذا الكلام وانا اجاملها . الحين جايه تقول لي انها تحبني والله يا بنات والله خذتني بالفسحه لفوق وجلست تسولف وقالت لي اني جميله واني افتح نفسها على الصبح وانها تبي رقمي عشان نسولف وشخصيتي اعجبتها وتقول لي انها وحيده دايما وتبيني اكلمها وانا غبيه عطيتها بس احس اني كنت مضطره يابناات وش اسوي ما ابي الموضوع يكبر انا مرره خاايفه . اخاف اقول لامي وامي مرره موسوسه بتكبر الموضوع واخاف اقول للمديره ويكبر الموضوع وما ابي يطردون المعلمه ذي لانها مرره ممتازه من ناحيه التدريس وما اعرف وش اسوي

>>>>> ردود الأعضـــــــــــــــــــاء على الموضوع <<<<<
==================================


ماشوف بالموضوع اي شي اذا كلامها لك بس ذا يمكن معجبة بشكلك وتتمنى بنت مثلك او تحب تشوفك لان شكلك يفتح نفسهاا عادي مااشوف انها تجاوزت الحدود ولا قالت شيء مو كويس .!! ان بعض الظن اثم او يمكن انتي ماقلتي لنا كل كلامها .!


__________________________________________________ __________

المشاركة الأصلية كتبت بواسطة ذابلهـ في عمر الزهور
ماشوف بالموضوع اي شي اذا كلامها لك بس ذا يمكن معجبة بشكلك وتتمنى بنت مثلك او تحب تشوفك لان شكلك يفتح نفسهاا عادي مااشوف انها تجاوزت الحدود ولا قالت شيء مو كويس .!! ان بعض الظن اثم او يمكن انتي ماقلتي لنا كل كلامها .!



__________________________________________________ __________

شوف أختي بعض المعلمات شاذات وتصرفاتهم غير طبيعية ، أنصحك الابتعاد عنها وكلها سنتين وأنت خارج المدرسة ، لا تسلمين نفسك للشاذات عقلياً وفكرياً وجنسياً ، لو كانت معلمة ممتازة كان ما عاملتك إلا كأي واحدة من الطالبات ، ابتعدي عنها بلطف ولا تبينين لها ، ولا تعطيها أي سر من أسرارك ، ولو وصلتي الجامعة راح تحصلي العجب العجاب نفس عقلية هالمعلمة مزروعة في كثير من البويات ، الي أصابتهم لوثات عقلية وشاذين ، وتربيتهم سيئة ،،،


__________________________________________________ __________

ممكن تكون فعلا أعجبت بشخصيتك فقط... لا تظلمينها لحتى تتأكدين...
الموضوع ما خرج عن إطار الكلام


__________________________________________________ __________

وعليكم السلام اختي الغاليه انتي اكيد من اصول تركيه او ارمنيه كورديه عشانك كذا شكلك اوروبي

حبيبتي انتي ما اعطتينا معلومات عن المعلمه عن عمرها و عن حالتها الاجتماعيه وهل فيه اللي يثبت انها شاذه المهم حبيبتي انتبهي على نفسك ودراستك