عنوان الموضوع : زوجي ضربني وأهانني .. ارجع له من غير اعتذار ؟ -لصحتك
مقدم من طرف منتديات نساء الجزائر

زوجي ضربني وأهانني .. ارجع له من غير اعتذار ؟



زوجي ضربني وأهانني .. ارجع له من غير اعتذار ؟




انا متزوجة وعندي طفل وحامل .... اكتشفت اكثر من مرة ان زوجي يغازل
ولما اواجهه كان يحاول يهدي الوضع وبعدها يقلب السالفة علي ليه افتح جواله

آخر مرة اكتشفت انه يغازل صار يصارخ علي و يسبني بأقبح الكلام أنا وعائلتي
وضربني وطردني وبعد مرور عشر أيام هددني اذا ما رجعت للبيت انه يتزوج علي

ولدي صغير عمره سنة وشهرين صار بيني وبين أبوه .. ابوه ياحذه لفترات طويلة
ويرجع لي الولد جوعان وعطشان ومتبهدل

و ابوه يكابر ولا يبي يعتذر لي وصار لي 3 اسابيع عند اهلي انتطر فرج ربي
حامل وضايقة فيني الدنيا و دموعي على خدي .. تعبت افكر بالطلاق خايفة على
ولدي وخايفة على الطفل اللي في بطني

اهل زوجي مافيهم خير يحرضونه علي وحتى ولدي لما يرجع من عندهم ما يأكلونه
ولا حتى يشربنه ماء,, يجي الولد عطشااااااااااااان
فكرت ارجع عشان احافظ على ولدي و طفلي اللي بالطريق من الضياع والتشتت


وبنفس الوقت خايفه يهينني ... انصحوني وجهوني
ابي رأي سديد ... زوجي انسان مغرور بشكل لا يوصف ومتربي على دلع من هو صغير
حتى ما عنده أصدقاء لأن محد يتحمل غروره و همجيته ..
ختى بدوامه مكروه و راعي مشاكل
يبيع كل الناس لأجل سعادته ووناسته وأهله عنده دايما في المقام الأول وأنا بعدهم


واللي ينصحني بالرجوع يقولي بأيش ارد عليه لو جا يتمسخر علي
و اني رجعت من فوق خشمي !!!

>>>>> ردود الأعضـــــــــــــــــــاء على الموضوع <<<<<
==================================


مغرور ومتكبر على نفسه المغزلجي عديم الرجوله .!!

شوفي حبيبتي ولدك من حقك مايقدر ياخذه فترات طويلةة اذا جاء يطالب بولده قوليله بيناا المحااكم وحضانة اللي ببطنك وولدك كلها لك ماعاد صارت للاب وارفعي عليه دعوه طلاق ابدا لاتتنازلين وترجعين له .!! اانتبهي انتبهي ترجعين له خليك عند اهلك معززه مكرمه فوق ان اهله متخلفين فوق انه يثقل دمهه وبعد يقول بيتزوج عليك .!! قوليله الدرب اللي جابك يوديك انقلع تزوج وورني من بتقبل فيك والله من ثاني يوم لاتسحب عليه وتتفل بوجهه صراحةة مابتموتين لو عشتي حياتك بدونه زوجك فراقهه عيد وربي نصيحتي لك اذا جاء يسوي فيها رجال خلي بينكم القانون وخليه يعرف ان الله حق واشتكيه انه ضربك وخليه يدفع تعويضات جعل يده بالكسر ب امكانك تمرمطينه وتكرهينه بعمره بس اسمعي بنصيحتي لان ذا يبيله تربيه ماينفع تطلقين بس خذي منه تعويضات واشتكي عليه عشان يعرف ان بنات الناس مو لعبة بيده جعله بالكسسر صدق انه عديم رجولةة امشي على نصيحتي وخليه يترباا ويعرف ان الله حق والظلم ظلمات يوم القيامه حسبي الله ونعم الوكيل .! صدقيني الورقة الرابحة بيدك وب امكانك تستغلين كل شيء سواه لصالحك لاتضيعين هالفرصة منها تربينه وتفتكين منه وتامنين حياه هادية لعيالك وبعيده عن المشاكل وصدقيني لو كان فيه خير لعياله ماكان قلت لك تطلقي .! بس يرجع الولد تعبان وحالته حاله وبعد عطشان وين حنان الاب بالله .؟! ماعنده خير لا لك ولا لعيالك خيره لبنات الشوارع خليه ينقلع لهم قلعه تقلعه وتقلعهم لاتذلين نفسك لواحد حقير مثله خذي حقك وزياده كمان خليه يتادب ويثمن حركته جعل يده بالكسر

لاتعليق وين الرجوله ب هالزمن


موفقهه


__________________________________________________ __________

أختي بصراحة بعض الردود تفتح أبواب للمشاكل لا تغلق أبداً وأنت في غنى عنها
صحيح زوجك غلطان 100%
لكن ممكن يعترف بخطأه ويعتذر
وتذكري إنك في فترة حمل وتعب وما قدرتي تعالجي خطأ زوجك بالتي هي أحسن
وممكن بعد فترة يحن لك ويندم
ممكن إنك تجلسين ببيت أهلك دون تصعيد للمشاكل وتسمعون بمشاكلكم الي يسمع والي ما يسمع
إذا حاول يتواصل معك زوجك ممكن ترجع الأمور لمجاريها
وتعيشون حياة سعيدة وممكن يندم على الي سواه
بس لا تعملين مشاكل وقضايا تخليه يكرهك لأنه أكيد باقي في قلبه حب لك
ولو شعر بغلطته راح يندم ويعود لحبه
أما القضايا والمشاكل تنسي الإنسان الحب والأيام الحلوة
أرجوك لا تجعلي أسرتكم تتشتت بسهولة
لو هددك بالزواج من أخرى لا تطاوعيه بسهولة
لأن الزواج من أخرى ليس بالأمر السهل
ولو تزوج سلمي أمرك لله
وأنا أعتقد أن حياتكم ستعود أحسن مما كان


__________________________________________________ __________

يعترف بأي غلط بالضبط؟
تقولك اهانها سبها ضربها غلط عليها وعلى أهلها طردها وفوق هذا بدل مايراضيها عشان ترد له يبيها ترد لايتزوج عليها يعني هددها
واهم نقطة فوق شينه قوات عينه
على خياناته لازم يستحي من نفسه انه أب وبعده يخون
وفوق كل هذا طلعها هي الغلطانه
معقوول؟
نكبر الموضوع
ماهو كبران من نفسه
لو رجعت له شخص بهالاخلاق والتصرفات يستاهل يكون أب؟ كيف راح يربي عياله
على ايش ولا ايش
اذا الولد ماتشفق وحن عليه ووكله شي هو وأهله وهو من لحمه ودمه
تبينه يرحم زوجته؟؟؟

أختي صاحبة المشكلة أنا أشوف انك لازم تدخلين اهلك بالصورة
الموضوع وصل حده
وزوجك يا يتسنع ويفهم ان الحركات هذي المفروض يبطلها
ولا الله معاه
وأكيد في النهاية أنتي الي لازم تقررين ايش الأفضل لك
الله يوجهك الى الاختيار السليم يارب
والله يكون بعونك ويفرج همك ويسخر لك زوجك ويهديه






سبحان الله وبحمده سبحان الله العظيم
استغفر الله ربي وأتوب اليه


__________________________________________________ __________

اهْلَاً غَاليتِي
الگل يَعلمْ أن رجُلگ قَد اخطأ ، وَ لگن لَا حرجْ انْ اعطيتَة فرصَة !
لِيُصَححْ مَا فعَلة ، وتذكرِي دائمَاً أنْ " أبغض الحلال إلى الله الطلاق "
وَ حَاولِي أن تصنعِي له الأعذَار لَأن بطبِيعه زوجِك الامُبَالِي !
هذَا شَيء طبِيعِي بَ النسبَة لَه .
ليسَ لأجلَة أو لأجلگ لأجل ابنَائك "!*
حَاولِي ان تحلِي المَشكلة بينِك وَ بينَه ، وكُونِي لينَة معَه ، لعَله ينفَع معْ غرُورة !
لَان الصرَاخ و العتَاب يزِيد مِن ثورَانة لَا يُقللَه .


فقَط امنحِيه آخرْ فُرصَة "

أسأل الله أن يأتِي بَالذِي هُو خيرْ لكُمَا ، ويصلِحْ بينَكُمَا ')


__________________________________________________ __________

:عصفورة الفردوس;12037557]يعترف بأي غلط بالضبط؟
تقولك اهانها سبها ضربها غلط عليها وعلى أهلها طردها وفوق هذا بدل مايراضيها عشان ترد له يبيها ترد لايتزوج عليها يعني هددها
واهم نقطة فوق شينه قوات عينه
على خياناته لازم يستحي من نفسه انه أب وبعده يخون
وفوق كل هذا طلعها هي الغلطانه
معقوول؟
نكبر الموضوع
ماهو كبران من نفسه
لو رجعت له شخص بهالاخلاق والتصرفات يستاهل يكون أب؟ كيف راح يربي عياله
على ايش ولا ايش
اذا الولد ماتشفق وحن عليه ووكله شي هو وأهله وهو من لحمه ودمه
تبينه يرحم زوجته؟؟؟

أختي صاحبة المشكلة أنا أشوف انك لازم تدخلين اهلك بالصورة
الموضوع وصل حده
وزوجك يا يتسنع ويفهم ان الحركات هذي المفروض يبطلها
ولا الله معاه
وأكيد في النهاية أنتي الي لازم تقررين ايش الأفضل لك
الله يوجهك الى الاختيار السليم يارب
والله يكون بعونك ويفرج همك ويسخر لك زوجك ويهديه






سبحان الله وبحمده سبحان الله العظيم
استغفر الله ربي وأتوب اليه[/QUOTE]
انا مع كلام الاخت